1 Korinto 10:8 - Manobo Sarangani

⁸ Eked kepakay aw lomayok kidon te kenà kenitadon esawa, iling te ininang te medita doma dan, so yan se doun te impelumun dan te Timanem, aw kelowan teg telo melalan se otaw negelà te sebad olò se aldaw.

1 Korinto 10:8 ပူးပေါင်းရင်းမြစ်များ

1 Korinto 6:18

Ikà niyo eg-inabut te kenà kenyo esawa. Se lawa, wedad labut te kedita te doma salà, meneng se otaw eglayok te kenà kandin esawa, mekesalà sikandin pineokit te lawa din.

1 Korinto 6:9

Nelibelan niyo besi te eked pekeakop diyà te peglowan te Timanem se otaw gayed eg-inang te medaet. Ontò niyo eneng-enengi se kebenalan seini. Eked pekeakop diyà te peglowan te Timanem se kedita te otaw eglayok te kenà kandan esawa, aw egsimba te kenà benal timanem, aw eglakad, aw bayot, aw egpenolis, aw otaw egpengewarta, aw eglasing, aw egbaet-baet, aw egpenakaw.

Impekità 2:14

Pengkey induyun ko sikiyo, meneng netegahan ko heman te doen medaet eg-inangen niyo, so doen otaw doton kenyo egtaking te kebolalaw intoladà i Balaam gebii. Migtoladà si Balaam ki Balak te peokit te pegboyo din te menge bowad-bowad i Israel amon lomengà dan te pegtaking dan diyà te Timanem. Binoyo din dan amon komaen dan te pengelapen imbegay diyà te kenà benal timanem, aw amon lomayok dan te kenà kandan esawa.

Mat. 5:32

Meneng mikagi a den diyà kenyo, aw somibwan se meama te esawa din wedà peglakad, medaet se inangen te meama sìyan, so pineokit kandin mekelakad se esawa din aw todà mengognan, aw mekelakad heman se meama mengognan te bayi sinibwanan.”