1 Korinto 10:6 - Manobo Sarangani

⁶ Na, se kedita te neinang te kemonaan tadon, yan se gegonan tadon amon eked kidon taking te medaet ibeg te pedowan tadon iling kandan.

1 Korinto 10:6 ပူးပေါင်းရင်းမြစ်များ

Judas 1:7

Eneng-enengi niyo heman tepad te menge tege Sodoma aw tege Gomora aw menge doma otaw mig-ogpà doton te menge lonsod medapag kidoen. Medaet heman se ininang dan, so migkapoy dan. Kenà olò bayi se lineyokan dan meneng limayok dan heman te doma dan meama. Ipelumun dan te Timanem te apoy eked palos kepadeng amon melemitan kidon meg-iling kandan.

1 Korinto 10:11

Neinang se kedita niyan te kemonaan tadon amon ketegahan tadon te metoman kidon ipelumun aw meg-inang kidon te medaet. Nesolat iyan amon eked kidon peg-iling kandan, so agpet den se temanan te keneyonan.

Menge Hebreo 4:11

Yan, so doen mèpiya ogpeanan impetagad te Timanem kenitadon, keilangan megpekagsen kidon amon ipeogpà kidon din doma din doton te mèpiya ogpeanan sìyan impetagad din. Keilangan eked kidon peg-iling te menge kemonaan tadon sìyan, so wedà dan tolò aw yan wedà din dan peogpai doton.

2 Pedro 2:6

Gebii, impelumun heman te Timanem se tege Sodoma aw tege Gomora tandà te medaet ininang dan. Tigkan din dan sinonog sipat lonsod inogpaan dan amon metaga-taga se kedita te otaw aw eden se detengan te otaw egpekesalà.

1 Pedro 3:21

Yan se pengilala tepad te pegpebonyag niyo, so impelowà kaw lekat te salà kenà tandà te peg-onaw te lawa niyo amon meabat se osing, meneng tandà te pegpemoyò niyo te Timanem te ebaten din se salà lekat te pedowan niyo. Impelowà kaw lekat te pelumun pineokit te pegkeantay i Jesu Cristo lekat te nematay.

Roma 5:14

Meneng lekat ki Adam taman te pegkeliwat i Moises te punù te Timanem, migkemematay se kedita te otaw so doen salà ininang dan, pengkey wedà dan lèpangi se punù linèpangan i Adam. Pengkey medaet se ininang i Adam gebii, meneng doen timbang din. Yan se Misiyas pinelimanan din.

Menge Hebreo 9:24

Yan penga te pegkematay i Jesus, kenà simbahan ininang te menge Judiyo se inopan din, so olò iyan impeiling te benal simbahan doton te langit. Meneng dimoton sikandin te langit, aw egkagon den sikandin kenitadon doton te Timanem.