1 Korinto 10:18 - Manobo Sarangani

¹⁸ Eneng-enengi niyo heman se ketanem te menge Judiyo. Aw egsimba dan, egduyun dan te Timanem pineokit te pegpengimatay dan te ayam-ayam ipegpemegay, aw se otaw egpengaen te pengelapen egteniyen, yan se otaw egpeakop diyà te pegduyun dan te Timanem.

1 Korinto 10:18 ပူးပေါင်းရင်းမြစ်များ

Galasya 6:16

Timanem se egpemegay te kelinaw te pedowan aw keido. Ibeg ko, ibegay din iyan diyà te kedita te otaw egpemenal aw tomaking te kebenalan insolat ko seini, pengkey diyà te menge Judiyo aw menge otaw kenà Judiyo.

1 Korinto 9:13

Netegahan niyo den ini. Se menge otaw egterbaho doton te dakel simbahan te Judiyo doton te Jerusalem, yan se doen ilas dan diyà te kànen egpengibingen doton te simbahan te Judiyo. Se menge otaw egsonog te ayam-ayam doton te dakel simbahan te Judiyo, yan se begayan te tengà te kànen kidoen ipegpemegay diyà te Timanem.

Roma 4:12

Neinang heman sikandin olo te kedita te Judiyo tinolì kenà tandà te pegtolì kandan, meneng tandà te pegpemenal dan te Timanem iling te pegpemenal i Abraham te wedà pa sikandin tolii.

Roma 4:1

Nayan, mèpiya aw meg-aneng-aneng kidon tepad ki Abraham, sìyan kemonaan te kedita tadon menge Judiyo.

Roma 1:3

Yan se Mèpiya Indan tepad te Batà din si Jesu Cristo migpekeotaw aw timebaw sebad bowad-bowad te selotan gebii si David.

Menge Hebreo 13:10

Nematay si Jesus amon beyadan din se salà te kedita tadon nemenal kandin. Meneng se kedita te otaw egtaking te punù ingkeliwat i Moises tepad te pegpengimatay te ayam-ayam doton te simbahan te Judiyo, eked dan pekeakop diyà te kedita tadon impelowà i Jesus lekat te salà.