1 Korinto 10:16 - Manobo Sarangani

¹⁶ Seini se mèpiya inangen tadon aw metipon kidon, amon eneng-enengen tadon se pegkematay i Cristo kenitadon. Aw minem kidon te tabò, onà kidon megtawal-tawal diyà te Timanem aw megpesiontong kidon diyà kandin kenyan. Aw minem kidon diyà te tabò sìyan, yan ipetaga-taga tadon te migsebad kidon den ki Cristo pineokit te dipanog din te pegkematay din doton te kros. Aw komaen kidon te pan binelà-belà, yan ipetaga-taga tadon heman te migsebad kidon den ki Cristo pineokit te lawa din nematay doton te kros.

1 Korinto 10:16 ပူးပေါင်းရင်းမြစ်များ

Ininang 2:42

Ebey dan nenenalan te intoladà te menge sogounun i Cristo. Egpetekingay se otaw egpemenal, aw egtipon dan amon megtawal-tawal diyà te Timanem, aw amon megbelà-belà te pan, iling te pegtoladà i Jesus kandan kedengan.

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.

Menge Hebreo 3:14

so aw gayed kidon somalig diyà ki Cristo lekat te keteboan lamig te temanan, meinang kidon menge doma din.

Ininang 2:46

Kelikit te aldaw, netipon se kedita dan doton te dakel simbahan te Jerusalem, aw migbelà-belà dan te pan doton te kandan balay. Neluba se pedowan dan te pegsebad dan pegpengaen.

1 Korinto 1:9

Egkeseligan se Timanem aw tinawal kaw din amon megsebad se pedowan niyo diyà te Batà din si Jesu Cristo Pengolo tadon.

1 Juan 1:3

Se ontò day kinità aw dinineg, yan se ipegtoladà day heman kenyo, amon makop kaw heman diyà kenami, so migpesigelakay kay te Timanem Amay aw Batà din si Jesu Cristo.

Ininang 20:7

Pegkedelem te Sebado, netipon se kedita day amon megbelà-belà te pan iling te pegtoladà i Jesus kedengan. Timetoo si Pablo migtoladà lamig te tengà te delem, so ibeg din mesayo te keeldawan niyan.

1 Korinto 12:13

So se kedita tadon, pengkey Judiyo aw kenà Judiyo, aw pengkey allang aw kenà allang, meneng binonyagan se kedita tadon pineokit te Espiritu Santo amon meinang kidon sebad lawa, aw binegayan se kedita tadon te Espiritu Santo meg-ogpà diyà te pedowan tadon.

Ininang 20:11

Neantay se telaki aw inibing dan doton te balay din. Ontò neluba se kedita te otaw. Pegpenayit i Pablo doton te balay, pigbelà-belà din se pan aw kimaen kay. Nenamay kay migsempetanun lamig te peglibtak te aldaw. Penga niyan, nesayo kay si Pablo.

Luc. 22:17

Penga niyan, inabat din heman se tabò, aw migpesiontong sikandin diyà te Timanem, aw minikagi, “Tepedi niyo ini amon mekeinem se kedita niyo.

1 Korinto 10:15

Doen inenengen niyo, aw yan mikagi a kenyo te eneng-enengi niyo aw benal se intoladà ko.