1 Korinto 10:10 - Manobo Sarangani

¹⁰ Eked heman kepakay aw megbelisì kidon te medaet tepad te Timanem, so doen kemonaan tadon migbelisì, aw yan se inimetayan te anghil insogò lekat te langit.

1 Korinto 10:10 ပူးပေါင်းရင်းမြစ်များ

Filipos 2:14

Pengkey eden se inangen niyo, ikà niyo egbelisì. Ikà niyo heman egdindil,

Judas 1:16

Se menge otaw sìyan, gayed dan egbelisì aw egsila. Egtaking dan te mededaet ibeg te pedowan dan. Egpelangkaw-langkaw dan, aw egpelingo-lingo dan egduyun te doma otaw amon meg-akal dan kandan.

Ininang 12:23

Pegketà impelumun sikandin te anghil te Timanem, so wedà din segdahi se pegduyun dan kandin. Penga niyan, kinaen sikandin te sapat aw yan nematay.

Impekità 16:1

Penga niyan, doen dinineg ko timawal kidoen te dakel simbahan, aw simogò sikandin te pito anghil, kagi din, “Ibingi niyo se pito lipong doton te keneyonan, aw olai niyo se awop niyan, so yan se pelumun te Timanem.”

Menge Hebreo 11:28

Simalig sikandin diyà te Timanem, aw yan migtoladà sikandin te menge Judiyo te keilangan mengimatay dan te karniro aw idamos dan se dipanog niyan diyà te lelebangan te balay dan. Yan se ininang dan so aw domateng se anghil isogò te Timanem amon mengimatay te menge penganay batà doton te Ehipto, kitaen din se dipanog indamos dan aw yan lomaklak sikandin te balay sìyan aw wedad matay kidoen.