1 Korinto 10:1 - Manobo Sarangani

¹ Ibeg ko, eneng-enengen niyo tepad te menge kemonaan tadon gebii, sìyan timaking ki Moises doton te kebigtilan. Nesempengan se kedita dan te labon impedoma te Timanem diyà kandan, aw yan se tinekingan dan. Minokit se kedita dan diyà te dalan ininang te Timanem kandan kidoen te tengà-tengà te dagat iningedanan Dagat Melalag.

1 Korinto 10:1 ပူးပေါင်းရင်းမြစ်များ

Menge Hebreo 11:29

Simalig heman se menge Judiyo diyà te Timanem, so pegtengà te Timanem te Dagat Melalag, minipanaw dan diyà te tanà nepangkag, aw yan minatas dan. Doen menge tege Ehipto mig-alaw kandan. Migtelaman dan heman minokit, meneng nelemes se kedita dan, so impeolì te Timanem se dagat kidoen kandan.

1 Korinto 14:38

Aw wedà sikandin pemenal te lekat te Pengolo tadon se punù seini, ikà niyo egpenenalan kandin.

1 Korinto 12:1

Nayan menge kedowa ko, ibeg ko ontò niyo kelebetan tepad te ipegpemegay te Espiritu Santo.

Roma 4:11

Penga te pegpemenal i Abraham, migpetolì sikandin. Yan se pengilala te inaneng-aneng te Timanem te metòlid sikandin tandà te pegpemenal din te wedà pa tolii. Yan neinang sikandin olo te kedita te otaw egpemenal pengkey wedà dan tolii, so inaneng-aneng heman te Timanem te metòlid dan tandà te pegpemenal dan.

Galasya 3:29

So migsebad den se pedowan niyo diyà ki Cristo, nekeakop kaw den diyà te menge bowad-bowad i Abraham, aw begayan kaw heman te mèpiya impakang te Timanem.

Roma 11:21

Wedà keidowi te Timanem se menge Judiyo wedà taking kandin, pengkey iling dan te ontò panga te kayo din, meneng tinepò din dan. Yan ikà niyo eg-aneng-aneng te pengkey lomengà kaw te pegtaking niyo kandin, gayed kaw din pa keidowan.

Juan 4:20

Se menge kemonaan day tege Samarya, yan se migsimba te Timanem dini te bontod seini. Meneng sikiyo menge Judiyo, egtoladà kaw te keilangan megsimba kidon doton te Jerusalem.”

Roma 1:13

Menge kedowa ko, ibeg ko ontò kaw metaga-taga te melikit a eglalang domoton kenyo, meneng gayed doen anggà ko. Ibeg ko, meketoladà a heman doton kenyo amon doen otaw memenal, iling te ininang ko doton te menge doma otaw kenà Judiyo,