1 Korinto 1:6 - Manobo Sarangani

⁶ In-awop niyo diyà te pedowan se intoladà day tepad ki Cristo,

1 Korinto 1:6 ပူးပေါင်းရင်းမြစ်များ

Mar. 16:20

Penga niyan, nesayo se menge tinoledaan i Jesus lekat te Jerusalem aw migtoladà dan kidoen te kebelad te keneyonan, pengkey kenan dan pesalo. Tinebangan dan heman te Pengolo, so impetaga-taga din te benal se intoladà dan pineokit te menge pengilala ininang dan.]

Ininang 11:17

So onawa se imbegay din diyà te menge otaw kenà Judiyo aw diyà kenitadon menge Judiyo te pegpemenal tadon te Pengolo tadon si Jesu Cristo, eked ko kebelebagi se Timanem.”

Ininang 11:21

Migtabang se Pengolo kandan, aw medita se otaw nemenal aw timolò te Pengolo.

Ininang 18:5

Meneng pegdateng i Silas aw si Timoteo lekat te Masidonya, yan gayed den migtoladà si Pablo te menge Judiyo te kagi te Timanem te kelikit te aldaw, aw se intoladà din kandan, si Jesus se Misiyas insogò te Timanem.

Ininang 20:21

Mig-indan a te benal diyà te kedita niyo, pengkey Judiyo aw kenà Judiyo. Migpunù a kenyo te megselsel kaw diyà te Timanem aw memenal kaw diyà te Pengolo tadon si Jesu Cristo.

Ininang 20:24

Meneng aneng-aneng ko, wedad beloyan aw imetayan a, so ibeg ko ipengahen ko olò se eg-inangen ko. Meluba a aw mebatog ko tomanen se insogò i Jesus kanak, so insogò a din megtoladà te Mèpiya Indan tepad te tabang te Timanem kenitadon.

Ininang 22:18

Minikagi se kinità ko, ‘Ayas ka kesayo lekat te Jerusalem, so eked penenalan se menge otaw dini te itoladà no tepad kanak.’

Ininang 23:11

Tengà te delem, migpekità se Pengolo diyà ki Pablo aw minikagi, “Ikà egkelemitan. Mig-indan ka den tepad kanak dini te Jerusalem. Meg-indan ka pa heman doton te Roma.”

Ininang 28:23

Penga niyan, pinemallì dan se aldaw aw kano dan ketipon. Pegdateng te aldaw sìyan, ontò medita se otaw netipon doton te balay inogpaan din. Lekat te iselem lamig te meapon, migtoladà si Pablo kandan. Mig-indan sikandin kandan tepad te peglowan te Timanem, aw miglebad-lebad sikandin te punù ingkeliwat i Moises aw insolat te menge doma telekeliwat te kagi te Timanem amon memenal se otaw ki Jesus.

Roma 15:19

aw pineokit te menge kepelahan egkeinang, aw pineokit te tolos te Espiritu Santo. Yan migtoladà a te Mèpiya Indan tepad ki Cristo doton te kedita te ogpeanan lekat te Jerusalem taman te Ilirico.

2 Korinto 12:12

Peg-ogpà ko kidoen kenyo kedengan, kinità niyo te benal a sogounun i Cristo pineokit te menge inang ko. Melayat se pedowan ko kenyo, aw kinità niyo se menge pengilala ininang ko, aw menge kepelahan, aw menge inang metolos.

Galasya 3:5

Timanem se egpemegay kenyo te Espiritu Santo, aw sikandin se eg-inang te kepelahan doton kenyo. Se peg-inang din kani diyà kenyo, kenà pineokit te pegtolò niyo te punù ingkeliwat i Moises, meneng pineokit te pegpemenal niyo te intoladà tepad ki Jesus.

2 Tesalonika 1:10

Yan se meinang te aldaw te peglikò din. Lomikò sikandin amon ipelangkaw sikandin pineokit te kedita te sakop te Timanem, aw amon iduyun sikandin te kedita te otaw egpemenal kandin. Ipesipat kaw heman kandan so nemenal kaw te kebenalan intoladà day kenyo.

1 Timoteo 2:6

Lekat te kandin ibeg, simelilin sikandin kenitadon aw nematay amon ipelowà din se kedita te otaw. Pegdateng te aldaw pinemallì te Timanem, impetaga-taga din pineokit ki Jesu Cristo te doen ibeg din ipelowà se kedita te otaw lekat te salà.

2 Timoteo 1:8

Yan ikà egkeyàyà te peg-indan no tepad te Pengolo tadon. Ikà heman egkeyàyà tepad te pegkeleboso kanak tandà te pegtolò ko kandin. Meneng pegtoladà ka te Mèpiya Indan tepad kandin pengkey pemilangen ka, so begayan ka te Timanem te eneg din amon meketayod ka kenyan.

Impekità 1:2

Simolat a den te kedita te kinità ko, aw eg-indan a kenyo te benal iyan kagi te Timanem aw impetaga-taga i Jesu Cristo.

Impekità 1:9

Siak si Juan se simolat kani, kedowa niyo te pegpemenal. Iling a kenyo, so medalem heman se pedowan ko te pegtayod ko te pegpemilang dimateng kanak, so siak heman se migpesakop diyà te peglowan te Timanem. Impelumun a te gobirno aw impeibing a doton te polò iningedanan Patmos tandà te pegkeliwat ko te kagi te Timanem aw kebenalan intoladà i Jesu Cristo.

Impekità 12:11

Meneng dinaeg dan sikandin pineokit te dipanog te Karniro inimetayan doton te kros, aw pineokit te peg-indan te kebenalan tepad ki Cristo, so wedà dan kelemitan pengkey imetayan dan tandà te pegsalig dan diyà ki Cristo.

Impekità 12:17

Yan se doun te ontò neopal se nagan diyà te bayi, aw limikò amon megbolaw te menge doma batà din, diyà te kedita dan egtolò te punù te Timanem aw eg-indan te kebenalan tepad ki Jesus.

Impekità 19:10

Penga niyan, limongken a diyà kandin amon simbahen ko, meneng minikagi sikandin, “Ikà egsimba kanak, so pengkey siak, aw sikona, aw kedita heman te doma no nemenal te kebenalan intoladà i Jesus, tomalag egtolò te Timanem. Yan keilangan Timanem olò se simbahen nikaw.” Yan se inikagi din, so se intoladà i Jesus, yan heman se kebenalan intoladà te menge telekeliwat te kagi te Timanem.

Impekità 6:9

Penga niyan, inabat te Karniro se ikelima pengilala diyà te solat, aw penga niyan doen kinità ko kidoen te kilid te sonoganan te ayam-ayam ibegay diyà te Timanem. Kinità ko se pedowan te kedita te otaw inimetayan tandà te pegtoladà dan te kagi te Timanem, aw tandà te peg-indan dan te kebenalan tepad ki Jesu Cristo.