1 Korinto 1:4 - Manobo Sarangani

⁴ Aw megtawal-tawal a diyà te Timanem, gayed a egpesiontong tepad kenyo, so ontò kaw din tinebangan pineokit ki Jesu Cristo.

1 Korinto 1:4 ပူးပေါင်းရင်းမြစ်များ

Roma 1:8

Monà te kedita te kagi ko kenyo, egpesiontong a diyà te Timanem pineokit ki Jesu Cristo tepad te kedita niyo egpemenal, so pengkey doton te ogpeanan mediyò, medita den se otaw netaga-taga te nemenal kaw den ki Cristo.

Juan 14:26

Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

1 Timoteo 1:14

Meneng songkani, ontò a tinebangan te Pengolo, so nemenal a kandin, aw dakel se pedowan ko kandin tandà te pegsebad ko diyà kandin.

Roma 6:17

Kedengan, neallang kaw te salà. Meneng ontò a den egpesiontong diyà te Timanem, so nelobos den se pedowan niyo egtolò te kebenalan intoladà kenyo tepad te Timanem pinesekopan niyo.

Juan 15:26

“Isogò ko dini kenyo se Teletabang lekat te Amay ko. Yan se Espiritu Santo megtoladà kenyo te kebenalan. Aw domateng sikandin lekat te Amay ko, meg-indan sikandin te kebenalan tepad kanak.

Juan 14:16

Memoyò a diyà te Amay ko amon memegay kenyo te Teletabang somelilin kanak, aw meg-ogpà sikandin kidoen kenyo te wedad temanan.

1 Korinto 1:3

Ibeg ko, tebangan kaw te Amay tadon Timanem aw Pengolo tadon si Jesu Cristo. Ibeg ko heman, begayan kaw te Timanem te kelinaw te pedowan niyo.

Ininang 11:23

Mèpiya otaw si Bernabe aw simalig diyà te Pengolo aw egbeyà-beyaan heman te Espiritu Santo. Pegdateng din doton te Antyokya, neluba sikandin so kinità din te ontò dan tinebangan te Timanem. Migtoladà sikandin kandan te eked pegdowa-dowa se aneng-aneng dan, aw lobosen dan se pedowan diyà te Pengolo. Pegdineg dan te kagi din, medita se otaw nemenal diyà te Pengolo.

Juan 14:14

Aw memoyò kaw pineokit te ngadan ko, siak se meg-inang kenyan.”

Juan 10:30

Siak aw Amay ko migsebad.”

Ininang 21:20

Pegdineg dan kenyan, induyun dan se Timanem. Penga niyan, minikagi dan diyà ki Pablo, “Mèpiya so nemenal den se menge otaw kenà Judiyo, meneng ikà egkelibel te minelalan heman se Judiyo nemenal ki Jesus. Measeb dan pa egtolò te punù ingkeliwat i Moises.

Mat. 19:11

Meneng minikagi si Jesus, “Kenà kedita te otaw se eked palos pengognan, meneng olò se menge otaw pinemallì te Timanem te eked pengognan.