1 Korinto 1:30 - Manobo Sarangani

³⁰ Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

1 Korinto 1:30 ပူးပေါင်းရင်းမြစ်များ

Efeso 1:7

Pineokit te pegkematay i Cristo doton te kros, impelowà kidon te Timanem lekat te salà. Pigwedad din se kedita te salà tadon. Ontò dakel se tabang din kenitadon,

Filipos 3:9

aw amon meinang a sakop din. Wedà peg-aneng-aneng se Timanem te metòlid a pineokit te pegtolò ko te menge punù ingkeliwat i Moises, meneng eg-aneng-aneng se Timanem te metòlid a pineokit olò te pegsalig ko ki Cristo, so eneng-enengen te Timanem te metòlid se kedita te otaw somalig ki Cristo.

Roma 8:1

Yan eked pelumuni te Timanem se kedita te otaw migpesakop diyà ki Jesu Cristo.

1 Korinto 1:2

Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

Efeso 2:10

Meneng pineokit ki Cristo, ininang kidon den te Timanem kaling amon mekeinang kidon te mèpiya, so yan se tapay din inlalang kenitadon.

Kolasas 1:14

so pineokit te pegkematay i Jesus, impelowà kidon din lekat te salà, aw pigwedad den te Timanem se kedita te salà tadon.

1 Korinto 6:11

Doen otaw kidoen kenyo iling kenyan se eg-inangen dan kedengan, meneng songkani binonyagan kaw den, aw ininang kaw te Timanem otaw egpenimanem, aw eg-eneng-enengen te Timanem te metòlid kaw pineokit te ngadan te Pengolo tadon si Jesu Cristo, aw pineokit te Espiritu Santo.

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Galasya 3:13

Meneng wedad otaw meketolò te kedita te punù sìyan. Se otaw egsalig diyà te punù ingkeliwat i Moises, yan se otaw ipelumun te Timanem pineokit te menge punù sìyan. Meneng si Cristo se migpelowà kenitadon lekat te pelumun, so sikandin se impelumun inselilin kenitadon. Se pegpelumun kandin, yan se pegkematay din doton te kros. So doen kagi te Timanem insolat, “Pengkey sinu otawi se imetayan aw bitinen doton te kayo intollok, yan se pengilala te ontò dakel se pelumun kandin.”

Galasya 1:4

Lekat te kandin ibeg, nematay si Cristo amon meabat se kedita te salà tadon, amon eked kidon taking te menge otaw eg-inang te medaet dini te keneyonan. Timolò si Cristo mig-inang kenyan, so yan se ibeg te Timanem Amay tadon.

1 Korinto 1:24

Meneng se otaw tinawal te Timanem, pengkey Judiyo aw kenà Judiyo, yan se egpemenal ki Cristo migpekità kenitadon te tolos aw kebiyasa te Timanem.

Santiago 1:5

Meneng aw doen otaw kidoen kenyo detengan te kelimahan, aw wedà ketaga-taga aw eden se inangen din, mèpiya aw memoyò sikandin diyà te Timanem amon ibegay din kandin se kebiyasa, so gayed egpemegay se Timanem diyà te kedita te otaw memoyò. Bowasag sikandin diyà kandan, aw eked din dan heman peyàyai.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

Impekità 14:4

Wedà dan layok te kenà kandan esawa, so wedà dan pengognan. Egtaking dan te Karniro pengkey kenan pesalo. Impelowà din dan lekat te salà kidoen te keneyonan, aw neinang dan iling te pongo monà geniyen ibegay diyà te Timanem aw diyà te Karniro.

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

Efeso 5:26

Yan se ininang din amon inangen kidon din ontò egpenimanem. Yan se ininang din, so lininisan kidon den i Cristo pineokit te pegpebonyag tadon diyà te wayeg pineokit te kagi te Timanem.

Efeso 4:30

Ikà niyo eg-inang te pengkey eden eked keibegi te Espiritu Santo. Binegayan kaw te Timanem te Espiritu Santo, so yan se pengilala te sinakop kaw din aw ipelowà kaw te aldaw te peglikò te Pengolo tadon.

1 Korinto 12:8

Se sebad otaw, doen imbegay te Espiritu Santo kandin kebiyasa amon megtoladà te kebenalan diyà te doma otaw. Se sebad otaw, doen imbegay te Espiritu Santo kandin kebiyasa amon meg-indan-indan te toladà amon mekelabet se doma otaw.

Juan 17:8

Ingkeliwat ko diyà kandan se kebenalan insalig no kanak, aw nemenal den dan kenyan. Netegahan den dan heman te benal sikona se tinikedowan ko. Nemenal den dan te insogò a nikaw.

Menge Hebreo 9:12

Mekesebad olò sikandin awop te Ontò Tambì te Timanem doton te langit, so botong den se sebad peg-awop din. Kenà dipanog te kambing aw baka se inibing din doton, meneng kandin dipanog se imbegay din kidoen. Pineokit kenyan, impelowà kidon din lekat te salà te wedad temanan.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Efeso 1:14

So impeogpà din se Espiritu Santo diyà kenitadon, netegahan tadon te kominawà kidon te kedita te kèpiyaan impakang din kenitadon, aw ontò kidon din heman ipelowà. Yan se doun te iduyun tadon sikandin.

1 Korinto 12:27

Se kelebadan te tegdeyanan ko seini, se kedita niyo, iling kaw te lawa i Cristo, aw se teg sebad-sebad kenyo, yan se iling te menge kinemoloan diyà te lawa din.

Roma 8:23

Kenà olò doma ininang te Timanem se egkelimahan, meneng sikitadon heman se egkelimahan dalem te pegpeliman tadon te aldaw te ipekità te Timanem se kedita te menge batà din, aw metoman meinang kaling se lawa tadon. Imbegay den se Espiritu Santo kenitadon, aw sikandin se tagnà te kedita te ibowang te Timanem kenitadon,

Roma 8:9

Meneng kenà kaw den egbeyà-beyaan te medaet ibeg te pedowan niyo, so egbeyà-beyaan kaw den te Espiritu Santo eg-ogpà kidoen te pedowan niyo. Aw doen otaw wedad Espiritu Santo diyà kandin insogò i Cristo, yan se otaw wedà pegpesakop diyà ki Cristo.

Roma 5:21

Pengkey egkematay se kedita te otaw neallang te salà, meneng egtebangan te Timanem se kedita te otaw megpesakop diyà kandin, so eneng-enengen din te metòlid dan. Begayan din dan heman te kaling pedowan wedad temanan pineokit te ininang te Pengolo tadon si Jesu Cristo.

Roma 5:19

Wedà tolò si Adam te Timanem, aw yan se doun te kinetinan se kedita te otaw te salà. Meneng timolò si Jesu Cristo te Timanem, aw yan se doun te medita se otaw eneng-enengen te Timanem te metòlid dan.

Roma 4:25

Nematay si Jesus amon ipelowà kidon lekat te salà tadon. Inantay heman sikandin te Timanem lekat te nematay amon eneng-enengen din te metòlid kidon.

Roma 4:6

Minikagi heman si David gebii te meluba se teg sebad-sebad otaw eneng-enengen te Timanem te metòlid dan kenà pineokit te pagod dan meneng pineokit te pegpemenal dan, so minikagi sikandin,

Juan 8:12

Pegtoladà i Jesus te menge otaw netipon, minikagi, “Siaken se kelowahan eg-anyag diyà te kedita te otaw te keneyonan. Aw tomaking se otaw kanak, wedad kengitngit diyà te pedowan din, so doen keanyag diyà kandin mekebegay te kaling pedowan wedad temanan.”

Juan 1:18

Wedad palos otaw kimità te Timanem. Meneng se Batà din temisa, yan se migpetaga-taga diyà kenitadon tepad te Amay din, so gayed dan egpedomaay.

Luc. 21:15

so dalem te aldaw sìyan, ibegay ko kenyo se kebiyasa amon meketaba kaw kandan. Yan se doun te wedad poon niyo mekedaeg te kenyo kagi.

Mat. 1:21

Doen batà meama tomebaw diyà kandin ingedanan no ki Jesus, so sikandin se megpelowà te otaw lekat te salà.”

Impekità 5:9

Migdelangan dan heman te kaling delangan, kagi dan, “Botong se kelangkaw nikaw amon mekebatog ka mengabat te papil linolon Aw mengabat ka te pengilala niyan, So sikona se inimetayan, Aw pineokit te dipanog no te pegkematay no, Migtansò ka te otaw lekat te kedita te ogpeanan Amon meinang dan sakop te Timanem.

1 Juan 5:6

Netegahan tadon te si Jesu Cristo se Batà te Timanem pineokit te wayeg te pegbonyag kandin, aw pineokit te dipanog te pegkematay din. Netegahan tadon iyan kenà olò pineokit te pegbonyag ki Jesus, meneng pineokit heman te pegkematay i Jesus kidoen te kros.

1 Pedro 1:2

Pineokit te ibeg te Timanem Amay tadon gebii, pinemallì kaw din aw ininang kaw din egpenimanem pineokit te tabang te Espiritu Santo amon meketolò kaw ki Jesu Cristo, so pineokit te dipanog din, lininisan kaw den lekat te salà. Ibeg ko, labi kaw pa tebangan te Timanem, aw labi pa melinaw se pedowan niyo.

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

Efeso 1:10

Aw domateng se aldaw, tomanen te Timanem se tod din. Pegsebaden din se kedita te ininang din, pengkey doton diatas te langit aw dini lanto te tanà, aw ipelowan din si Cristo diyà te kedita niyan.

1 Korinto 12:18

Meneng se lawa tadon, yan se ininang te Timanem lekat te kandin ibeg, aw doen kekemowan te kedita te kinemoloan diyà te lawa tadon, so insawol te Timanem se kedita niyan kidoen te lawa.

Roma 16:11

Indani niyo se doma ko Judiyo si Herodion te eg-aneng-aneng a kandin. Eg-aneng-aneng a heman te menge otaw diyà te pamilya i Narciso timaking te Pengolo tadon.

Roma 16:7

Indani niyo heman si Andronico aw si Junias te eg-aneng-aneng a kandan. Sikandan se doma ko Judiyo kineleboso doma kanak. Ontò dan nedengeg sogounun i Cristo, aw migpesakop dan diyà ki Cristo te wedà a pa pegpesakop.

Roma 12:5

Iling heman kenyan, pengkey medita kidon egpemenal, meneng pegsebad tadon diyà ki Cristo, neinang kidon iling te lawa din amon megpetebangay kidon iling te pegpetebangay te menge kinemoloan diyà te lawa.

Roma 11:36

Sikandin se mig-inang te kedita, aw pineokit te tolos din, egbayà-bayà sikandin te kedita te ininang din. Iduyun heman sikandin pineokit te kedita niyan. Iduyun sikandin te wedad temanan. Metoman iyan.

Roma 1:17

Pineokit te Mèpiya Indan tepad ki Cristo, impetaga-taga te Timanem te eneng-enengen din te metòlid se otaw aw memenal dan, so doen kagi te Timanem insolat gebii, kagi din, “Se menge otaw eneng-enengen te Timanem te metòlid dan pineokit te pegpemenal dan, yan se begayan te Timanem te kaling pedowan wedad temanan.”

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Juan 17:26

Impetaga-taga ko den kandan tepad te pegkeotawun no, aw doen pa ipetaga-taga ko kandan tepad kenyan, so ibeg ko, megpedekelay dan te pedowan iling te kedakel te pedowan no kanak, aw meg-ogpà a heman diyà te pedowan dan.”

2 Korinto 12:2

Kedengan te sempolò teg epat den se omay se minokit, neibing a doton te langit eg-ogpaan te Timanem. Wedà ko ketegahi aw neketaking se lawa ko te pedowan ko doton. Timanem olò se netaga-taga kenyan.

Luc. 11:49

Yan se doun te minikagi se Timanem, ‘Isogò ko doton kandan se menge telekeliwat te kagi ko aw menge sogounun ko. Meneng doen imetayan dan, aw pemilangen dan heman se doma.’

1 Korinto 4:15

Pengkey pila gatos se doma otaw megtoladà kenyo tepad ki Cristo, meneng ikà niyo egkelibel te siaken olò se amay niyo, so nemenal kaw ki Cristo pineokit te pegtoladà ko kenyo te Mèpiya Indan.

1 Tesalonika 5:23

Ibeg day, ontò kaw linisan te Timanem egpemegay te kelinaw te pedowan. Ibeg day tonggoan din heman se pedowan niyo, aw aneng-aneng niyo, aw lawa niyo, amon wedad palos isila kenyo te peglikò te Pengolo tadon si Jesu Cristo.