1 Korinto 1:20 - Manobo Sarangani

²⁰ Wedad den detengan te kebiyasa te otaw eg-ikagi te biyasa dan, aw otaw egtoladà te punù ingkeliwat i Moises, aw otaw teleglawong, so impetaga-taga den te Timanem te kolang pa se kebiyasa te otaw dini te keneyonan.

1 Korinto 1:20 ပူးပေါင်းရင်းမြစ်များ

Roma 1:22

Pengkey eg-ikagi dan te biyasa dan, meneng wedad inenengen dan.

1 Korinto 3:19

so se kebiyasa te otaw dini te keneyonan, wedad ontong niyan diyà te Timanem. Benal se kagi te Timanem insolat, “Se kebiyasa te otaw, yan se isilit te Timanem te otaw eg-aneng-aneng te doen kebiyasa dan.”

1 Korinto 1:19

So doen kagi te Timanem tapay insolat, “Pegbàtan ko se kebiyasa te otaw eg-ikagi te biyasa dan, aw ipetaga-taga ko te wedad ontong te pig-ilingan te otaw doen dakel netegahan.”

1 Korinto 2:6

Aw ontò egtaking te Timanem se otaw egpenenalan kanak, yan se egtoledaan ko te kebiyasa medalem. Kenà iyan iling te kebiyasa te otaw dini te keneyonan. Kenà heman iling te kebiyasa te otaw eglowan, so pesalo dan megkewedad.

Mat. 13:22

Nayan, se benì nesabog diyà te pinonoan te sagbet doen tigis, yan se iling te otaw ontò domineg te kagi te Timanem intoladà. Meneng penga niyan, wedad ontong din so dàgen sikandin te ibeg din tomaking te ketanem te keneyonan, aw ibeg din megkeyaman amon meluba sikandin. Yan se doun te wedad ontong din diyà te kagi te Timanem dinineg din.

Juan 12:31

Lekat seini, ipelumun te Timanem se kedita te poon din dini te keneyonan. Dàgen din heman se pengolo te medaet dini te keneyonan si Satanas.

Ininang 17:18

Doen menge menenoladà sakop te menge Epicuriano aw Estoiko migdindil ki Pablo. Migtompuyus se sebad, kagi din, “Wedad besi ontong te intoladà te metibelisì sìyan.” Doen doma minikagi, “Egtoladà besi tepad te menge doma timanem egsimbahen doton te mediyò ogpeanan.” Minikagi dan kenyan so migtoladà si Pablo tepad ki Jesus aw keentayan.

Roma 1:20

Gebii, lekat te peg-inang te Timanem te keneyonan lamig songkani, pengkey eked sikandin kitai, mola se pegketaga-taga te otaw te doen Timanem Metolos te wedad temanan, so egkitaen tadon se kedita te ininang din. Yan se doun te eked pekeikagi se otaw te wedà dan ketaga-taga te kebenalan.

1 Korinto 1:26

Menge kedowa ko te pegpemenal, eneng-enengi niyo tepad te pegpemallì te Timanem kenyo. Pilabok se otaw biyasa dini te keneyonan pinemallì din. Pilabok heman se otaw nedengeg pinemallì din, aw pilabok heman se otaw melangkaw.

1 Korinto 1:27

Meneng pinemallì te Timanem se menge otaw wedad kebiyasa dini te keneyonan amon meyàyà se otaw eg-aneng-aneng te dakel se kebiyasa dan. Pinemallì din heman se menge otaw wedad dengeg amon meyàyà se otaw nedengeg.

1 Korinto 1:28

Pinemallì din heman se menge otaw wedad kelangkaw aw eglindoan te doma aw wedad ontong, amon ipekità din te wedad ontong te aneng-aneng tadon doen ontong.

1 Korinto 2:8

Se menge otaw eglowan dini te keneyonan, wedà dan ketegahi se peglalang te Timanem, so simpana netegahan dan iyan, eked dan peden lensangi se Pengolo melangkaw doton te kros.

1 Korinto 3:18

Peg-ahà kaw amon wedad keekalan kenyo. Aw doen otaw kidoen kenyo eg-ikagi te doen den kebiyasa din dini te keneyonan, keilangan tenanan din se kebiyasa din sìyan amon kinewaen din se ontò kebiyasa ibegay te Timanem,

1 Korinto 6:2

Iling te nelibelan niyo den te sikitadon egpemenal se megdoma ki Cristo meg-okom te kedita te otaw te keneyonan te modi aldaw. Aw okomen tadon kwani se kedita te otaw, mepakay kaw heman meg-osay te deitek egkeinang te doma sakop te Timanem songkani.

1 Korinto 11:32

Meneng aw impelumun kidon den te Pengolo, mèpiya iyan, so yan se toladà din kenitadon te keilangan tomolò kidon kandin, amon eked kidon pekeakop te pelumun din te modi aldaw diyà te otaw kenà egpemenal.

Santiago 4:4

Timanan kaw den te Timanem, iling te otaw timanan te esawa din aw limakad. Nelibelan niyo den besi se kebenalan seini. Se otaw egtaking te medaet ibeg te otaw dini te keneyonan, yan se otaw timinàyog te Timanem. Pengkey sinu otawi se tomaking te medaet ibeg te otaw dini te keneyonan, yan se otaw meinang poon te Timanem.