1 Korinto 1:2 - Manobo Sarangani

² Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

1 Korinto 1:2 ပူးပေါင်းရင်းမြစ်များ

Roma 1:7

Seini se solat ko diyà te kedita niyo doton te lonsod te Roma. Nedekelan kaw te Timanem te pedowan, aw tinawal kaw din amon meinang kaw menge sakop din. Ibeg ko tebangan kaw te Timanem Amay tadon aw Pengolo tadon si Jesu Cristo, aw begayan kaw dan te kelinaw te pedowan.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Menge Hebreo 13:12

Iling heman kenyan se neinang diyà ki Jesus, so inimetayan heman sikandin doton te lowà te lonsod, aw dipanog din se inlinis te salà te otaw.

1 Tesalonika 4:7

Tinawal kidon te Timanem kenà amon meg-inang kidon te medaet, meneng tinawal kidon din amon meg-inang kidon te metòlid.

Menge Hebreo 10:10

So timoman si Jesu Cristo te ibeg te Timanem, yan lininisan kidon den lekat te salà pineokit te pegpemegay din te kandin lawa te mekesebad olò imetayi, so botong se sebad pegkematay din.

2 Korinto 4:5

Sikandin se Pengolo eglowan aw yan se gayed ko ipegtoladà. Kenà ibeg ko iduyun se kanak pegkeotawun, meneng neketabang a kenyo pineokit te pegtoladà aw tandà te kedakel te pedowan ko ki Cristo.

Ininang 9:14

Dimini heman sikandin te Damasko nengibing te papil sinolatan te menge pengolo te simbahan te Jerusalem te mepakay sikandin mekedakep te kedita te otaw egtawal-tawal diyà kamno.”

Impekità 19:16

Doen gulal din insolat kidoen te saol din aw bobon din, “Selotan eglowan diyà te kedita te selotan,” aw “Pengolo te kedita te pengolo.”

Judas 1:1

Se solat seini lekat kanak si Judas, kedowa i Santiago, aw sineligan i Jesu Cristo. Seini se solat ko te kedita niyo tinawal te Timanem. Egkedekelan kaw te Timanem Amay tadon te pedowan, aw eg-ipaten kaw i Jesu Cristo.

Menge Hebreo 2:11

Timanem se Amay i Jesus eglinis lekat te salà, aw Timanem heman se Amay te kedita tadon lininisan din lekat te salà. Yan se doun te kenà sikandin egkeyàyà mikagi te sikitadon se menge kedowa din,

2 Timoteo 1:9

Impelowà kidon din lekat te salà aw tinawal kidon din amon inangen kidon din menge sakop din. Yan se ininang din kenà tandà te peg-inang tadon te mèpiya, meneng tandà te kandin ibeg aw tabang din kenitadon. Gebii te wedad pa palos ininang din, miglalang sikandin megtabang kenitadon pineokit ki Jesu Cristo.

1 Timoteo 3:15

Meneng aw meanggà a, pineokit te solat ko seini, ketegahan no aw eden se mèpiya inangen tadon menge batà te Timanem. Sikitadon se otaw egsimba te Timanem wedad temanan din. Iling kidon te tollok te balay din, so sikitadon se sineligan din te kebenalan.

2 Tesalonika 1:1

Seini se solat ko, si Pablo, doma ki Silas, aw si Timoteo. Simolat kay te kedita niyo egpemenal doton te Tesalonika menge sakop te Amay tadon Timanem aw Pengolo tadon si Jesu Cristo.

1 Tesalonika 1:1

Seini se solat ko, si Pablo, doma ki Silas, aw si Timoteo. Simolat kay te kedita niyo egpemenal kidoen te Tesalonika menge sakop te Amay tadon Timanem aw Pengolo tadon si Jesu Cristo. Ibeg day, tebangan kaw te Timanem aw begayan kaw din heman te kelinaw te pedowan.

Efeso 5:26

Yan se ininang din amon inangen kidon din ontò egpenimanem. Yan se ininang din, so lininisan kidon den i Cristo pineokit te pegpebonyag tadon diyà te wayeg pineokit te kagi te Timanem.

2 Korinto 1:1

Seini se solat ko, si Pablo, doma ki Timoteo, kedowa tadon te pegpemenal. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo menge sakop te Timanem kidoen te Korinto, aw diyà te kedita niyo menge sakop din doton te doma ogpeanan te Gresya.

1 Korinto 8:6

meneng diyà kenitadon egpemenal, olò sebad se Timanem Amay. Sikandin se eglekatan te kedita aw egtekingan tadon. Sebad heman se Pengolo tadon aw yan si Jesu Cristo. Pineokit kandin, ininang te Timanem se kedita, aw pineokit kandin, mekepedapag kidon diyà te Timanem.

Roma 10:12

Ibeg te Timanem, somalig se kedita te otaw diyà ki Jesu Cristo. Wedad elet diyà te Judiyo aw otaw kenà Judiyo, so olò sebad se Pengolo te kedita tadon. Ontò din egkeidowan se kedita te otaw memoyò te tabang din,

Roma 3:22

Eneng-enengen te Timanem te metòlid kidon pineokit te pegpemenal tadon ki Jesu Cristo. Yan se inangen din diyà te kedita te otaw memenal, pengkey Judiyo aw otaw kenà Judiyo, so onawa se kedita te otaw.

Ininang 22:16

Nayan, ayas ka. Enaw ka aw bonyagan ka. Pegtawal-tawal ka diyà te Pengolo amon mekelowà ka lekat te salà nikaw.’

Ininang 18:1

Penga niyan, nesayo si Pablo lekat te Atenas aw dimoton te Korinto.

Ininang 15:9

Eden niyo aw olò menge Judiyo se linisan din te pedowan lekat te salà, meneng eleg din heman linisan se pedowan te menge otaw kenà Judiyo pineokit te pegpemenal dan kandin.

Ininang 10:36

Netegahan niyo te insogò te Timanem si Jesus diyà kenami menge bowad-bowad i Israel amon megtoladà kenitadon te mèpiya indan tepad te kelinaw te pedowan ibegay din diyà te otaw memenal ki Jesu Cristo, so sikandin se Pengolo te kedita tadon.

Ininang 9:21

Nepela se kedita te otaw nenenalan kandin, aw migpebelaw-belaway dan, “Sikandin indà se egpemilang te menge otaw egpemenal doton te Jerusalem. Dimini ekon heman amon dekepen din se menge otaw egpemenal ki Jesus, aw ibingen din dan doton te Jerusalem amon kelebosowen te menge pengolo te simbahan te Judiyo.”

Genesis 12:8

Penga niyan, dimeleg sikandin pesalo doton te menge bontod lenged te eglibtakan te lonsod te Betel. Mig-ogpà sikandin diyà te tengà-tengà te lonsod te Betel aw Ai. Lenged te egsellepan se lonsod te Betel, aw lenged te eglibtakan se lonsod te Ai. Mig-inang heman sikandin te sonoganan te ayam-ayam kidoen, aw migsimba sikandin te Timanem.

Genesis 4:26

Doen batà meama timebaw diyà te esawa i Set, aw iningedanan din se batà din ki Enos. Nayan, lekat te aldaw sìyan, migtebò se menge otaw migsimba aw migtawal-tawal diyà te Timanem.

2 Timoteo 2:22

Yan se doun te keilangan eked ka peg-inabut te medaet mekeboyo te kaling otaw. Meneng keilangan megpekeaseb ka meg-inang te metòlid, aw somalig ka diyà te Timanem, aw megpedakel ka te pedowan no, aw megpekelinaw ka te pedowan nikaw, so yan se eg-inangen te kedita te otaw egtawal-tawal diyà te Pengolo tadon aw melobos se pedowan dan kandin.

Galasya 1:2

Kedita day nemenal se mig-indan kenyo te eg-eneng-enengen day se kedita niyo egpemenal te Timanem doton te teg sebad-sebad lonsod te Galasya.

Ininang 9:13

Minikagi si Ananias, “Sir, medita se otaw mig-indan kanak te ontò medaet se eg-inangen din diyà te menge otaw sinakop te Timanem doton te Jerusalem.

Roma 8:28

Netegahan tadon den te pineokit te kedita te domateng kenitadon, doen kèpiyaan inangen te Timanem diyà te kedita tadon doen dakel pedowan kandin, so tinawal kidon din tandà te kandin ibeg.

1 Korinto 10:32

Keilangan mèpiya se kedita te eg-inangen niyo amon eked pegkedaet se pedowan te doma otaw, pengkey Judiyo aw kenà Judiyo, pengkey otaw egpemenal te Timanem.

1 Korinto 12:27

Se kelebadan te tegdeyanan ko seini, se kedita niyo, iling kaw te lawa i Cristo, aw se teg sebad-sebad kenyo, yan se iling te menge kinemoloan diyà te lawa din.

1 Timoteo 2:8

Ibeg ko megtawal-tawal se menge meama doton te kedita ogpeanan. Keilangan metòlid se eg-inangen dan. Keilangan eked dan keopal, aw eked dan heman pegdindil.

2 Timoteo 2:19

Meneng eked ketodà se kebenalan impetoladà te Timanem, aw egketegahan iyan pineokit te kagi seini, “Netegahan te Pengolo se kedita te otaw egtaking kandin.” Doen heman doma kagi, “Keilangan eked pegpekesalà se kedita te otaw eg-ikagi te egtaking dan te Pengolo.”