1 Korinto 1:18 - Manobo Sarangani

¹⁸ Pengkey eg-aneng-aneng se otaw kenà egpemenal te wedad ontong te kebenalan ipegtoladà ko tepad te pegkematay i Cristo doton te kros, meneng sikitadon egpemenal se netaga-taga te egpelowà den se Timanem te otaw lekat te salà pineokit te pegkematay i Cristo.

1 Korinto 1:18 ပူးပေါင်းရင်းမြစ်များ

1 Korinto 2:14

Meneng se otaw kenà egbeyà-beyaan te Espiritu Santo, yan se otaw eked pekekinawà te ibegay te Espiritu Santo, so aneng-aneng din wedad ontong niyan. Eked din iyan kelebeti, so kelebetan iyan olò aw tebangan kidon te Espiritu Santo.

Roma 1:16

Nayan, ontò dakel se pegsalig ko diyà te Mèpiya Indan sìyan, so yan se tolos te Timanem mekepelowà te kedita te otaw lekat te salà aw memenal dan kenyan. Nekeonà se menge Judiyo dimineg kenyan, aw penga niyan se menge otaw kenà Judiyo.

2 Tesalonika 2:10

Medita kemolò se medaet inangen din amon ekalan din se menge otaw detengan te mekebebaet. Pegbàtan dan so wedad ibeg dan memenal te kebenalan mekepelowà peden kandan.

2 Korinto 4:3

Meneng se Mèpiya Indan tepad ki Cristo intoladà ko, wedà iyan kelebeti te menge otaw egpesalo doton te pelumun,

1 Korinto 1:21

Wedad otaw metaga-taga te Timanem pineokit te kebiyasa dan. Meneng lekat te kebiyasa te Timanem, miglalang sikandin te ipelowà din se otaw memenal te kebenalan ipegtoladà kandan, pengkey doen otaw eg-aneng-aneng te wedad ontong kenyan.

1 Korinto 3:19

so se kebiyasa te otaw dini te keneyonan, wedad ontong niyan diyà te Timanem. Benal se kagi te Timanem insolat, “Se kebiyasa te otaw, yan se isilit te Timanem te otaw eg-aneng-aneng te doen kebiyasa dan.”

1 Tesalonika 1:5

so pegtoladà day kenyo te Mèpiya Indan tepad ki Cristo, nemenal kaw kenà pineokit olò te inikagi day, meneng pineokit te ininang te Espiritu Santo kenyo, aw yan netegahan niyo te ontò benal se intoladà day. Peg-ogpà day kidoen kenyo, kinità niyo heman se ininang day amon ketebangan kaw.

1 Korinto 2:2

so ibeg ko, sebad olò se itoladà ko kenyo, yan si Jesu Cristo aw pegkematay din kidoen te kros.

Ininang 13:41

‘Sikiyo menge otaw egtompuyus, peg-ahà kaw. Mepela kaw aw ipelumun ko sikiyo, so pengkey doen kepelahan inangen ko diyà kenyo, meneng eked kaw pa pemenal pengkey indanan kaw te doma otaw.’”

Menge Hebreo 4:12

Ontò metolos se kagi te Timanem aw egpekebegay te kaling pedowan. Labi pa megalang se kagi te Timanem diyà te sondang mekesipal te luluwadun aw ogat, so mekeapet se kagi te Timanem doton te temanan te pedowan aw aneng-aneng te otaw. Pineokit kenyan, ipetaga-taga aw eden se egkeeneng-enengan tadon aw egkeibegan te pedowan tadon.

2 Korinto 10:4

Se kekamang ko, kenà iling te menge kekamang te gira, meneng doen eneg imbegay kanak lekat te Timanem. Yan mekedaeg a te kededàtan, pengkey iling te kagsen te kotà te sondalo.

1 Korinto 15:2

Aw dimasel se pegpemenal niyo, aw nelobos se pedowan niyo, nekelowà kaw den lekat te salà pineokit te pegpemenal niyo te kebenalan intoladà ko kenyo.

Ininang 17:32

Pegdineg dan te doen neantay lekat te nematay, doen menge otaw nebebayat aw migtompuyus. Meneng minikagi se menge doma, “Toledai kay todà te modi aldaw.”

Ininang 17:18

Doen menge menenoladà sakop te menge Epicuriano aw Estoiko migdindil ki Pablo. Migtompuyus se sebad, kagi din, “Wedad besi ontong te intoladà te metibelisì sìyan.” Doen doma minikagi, “Egtoladà besi tepad te menge doma timanem egsimbahen doton te mediyò ogpeanan.” Minikagi dan kenyan so migtoladà si Pablo tepad ki Jesus aw keentayan.

Ininang 2:47

Gayed dan ipegduyun se Timanem. Sinagman dan te menge doma otaw. Kelikit te aldaw, dinogangan te Pengolo se otaw nemenal.

1 Korinto 4:10

Pengkey wedad ekon inenengen day so egtaking kay ki Cristo, meneng aneng-aneng niyo doen inenengen niyo so egtaking kaw ki Cristo. Pengkey wedad ekon mebatog day inangen, meneng aneng-aneng niyo mebatog niyo inangen se kedita pengkey eden. Sikiyo se nedengeg, meneng sikami se eglindoan.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.