1 Korinto 1:12 - Manobo Sarangani

¹² Ibeg ko ipekelabet kenyo. Doen ekon eg-ikagi te siak se egtekingan dan. Doen ekon heman menge doma eg-ikagi te si Apolos se egtekingan dan. Doen ekon doma egtaking ki Pedro, aw doen pa ekon eg-ikagi te si Cristo olò se egtekingan dan.

1 Korinto 1:12 ပူးပေါင်းရင်းမြစ်များ

Juan 1:42

Impetaking din se kakay din doton ki Jesus. Pegkità i Jesus kandin, minikagi, “Sikona si Simon, batà i Juan. Meneng ingedanan ka ki Cefas.” (Onawa se kelebadan te ngadan Cefas aw Pedro, yan se kagi “Bato.”)

Galasya 3:17

Seini se kedegdagan te insolat ko. Doen pakang te Timanem ki Abraham. Pegkepenga te epat gatos ketlowan se omay, impesolat te Timanem se punù ingkeliwat i Moises diyà te kedita te Judiyo. Pengkey doen punù imbegay te Timanem ki Moises, meneng eked palos pegkewedad se impakang te Timanem ki Abraham. Eked kepakay aw wedad ketomanan te impakang din sìyan.

Galasya 2:9

Si Santiago, si Pedro, aw si Juan ekon se melangkaw diyà te kedita dan menge sogounun i Cristo. Mig-aneng-aneng dan te insogò a te Timanem. Migsebad se pedowan te kedita day menge sogounun i Cristo te mèpiya aw yan se inangen day si Bernabe se megtoladà te menge otaw kenà Judiyo, aw yan se kandan inangen se megtoladà te menge Judiyo. Yan migpeelimenoway kay doton, so migsebad se pedowan te kedita day kenyan.

2 Korinto 9:6

Netegahan niyo man den ini. Aw deitek se benì ipanggas, deitek heman se geniyen. Meneng aw dakel se ipanggas, dakel heman se geniyen.

1 Korinto 16:12

Se kedowa tadon si Apolos, ontò ko pinemoyò te tomaking sikandin te menge doma kedowa domoton kenyo, meneng ibeg din ekon eked pa tagmon doton kenyo. Aw doen ketagad din, yan domoton kenyo.

1 Korinto 15:50

Menge kedowa ko, seini se kedegdagan te inikagi ko. Se lawa tadon seini dini te tanà, eked palos pekeakop diyà te peglowan te Timanem, so se lawa tadon egkematay, eked peketayod te wedad temanan.

1 Korinto 15:5

Penga te pegkeantay din lekat te nematay, onà migpekità diyà ki Pedro, aw penga niyan migpekità heman diyà te menge doma tinoledaan din.

1 Korinto 9:5

Simpana doen esawa ko, mepakay aw ipetaking ko pengkey kenan a pesalo, so doen man esawa ipegpetaking te menge doma sogounun i Cristo, pengkey si Pedro aw menge kedowa i Jesus.

1 Korinto 7:29

Menge kedowa ko, ibeg ko ketegahan niyo ini. Agpet den se aldaw te peglikò te Pengolo tadon. Yan lekat seini, pengkey doen esawa niyo, ikà niyo eglengà te pegtaking niyo te Timanem.

1 Korinto 4:6

Menge kedowa ko, dini te intoladà ko seini, impolingun ko diyà kanak aw ki Apolos, so ibeg ko meg-iling kaw kenami te pegtolò day te kagi te Timanem insolat, amon wedad pedigselan niyo.

Ininang 18:24

Doen sebad Judiyo si Apolos lekat te Alejandriya dimateng doton te Efeso. Mèpiya se pegtoladà din aw biyasa sikandin te kagi te Timanem.

Mat. 23:8

Meneng eked kepakay aw tewalen kaw Meistro te doma otaw, so telekedowa se kedita niyo aw sebad ko se meistro egtoladà kenyo.

Ininang 19:1

Dalem te peg-ogpà i Apolos doton te Korinto, limiyo si Pablo te bontod pesalo doton te Efeso. Netelaan din kidoen se menge tinoledaan.

1 Korinto 1:11

Menge kedowa ko, yan se punù ko kenyo, so doen menge otaw i Klowi mig-indan kanak te egpedindilay kaw.

2 Korinto 10:7

Eneng-enengi niyo ini. Doen ekon menge otaw doton kenyo eg-ikagi te egtaking dan ki Cristo. Mèpiya aw eneng-enengen dan ini. Aw benal dan egtaking ki Cristo, ontò a heman egtaking se kanak.