1 Korinto 1:11 - Manobo Sarangani

¹¹ Menge kedowa ko, yan se punù ko kenyo, so doen menge otaw i Klowi mig-indan kanak te egpedindilay kaw.

1 Korinto 1:11 ပူးပေါင်းရင်းမြစ်များ

1 Timoteo 6:4

yan se otaw olò egpelangkaw-langkaw, aw wedad palos netegahan din. Kolang se ibeg din te pegdindil tepad te kedegdagan te kagi. Yan se kelekatan te peg-ingà, aw pegkeopal, aw pegbaet-baet, aw wedad pegsalig.

Galasya 5:26

Keilangan eked kidon pegpelangkaw-langkaw, eked kidon pegpetompuyusay, aw eked kidon pegpeingaay.

1 Korinto 3:3

so egtaking kaw pa te medaet ibeg te kenyo pedowan. So doen pa kidoen kenyo egpeingaay aw doen heman egpedindilay, yan se pengilala te egtaking kaw pa te medaet ibeg te kenyo pedowan, iling te doma otaw kenà egtaking te Timanem.

Galasya 5:20

egsimba te kenà benal timanem, egpengenito, egpeopalay, egdindil, eg-ingà, mesayo egkeopal, demeten, egpeitongay dan, egpekontrahay dan,

Galasya 5:15

Meneng aw megpedindilay aw megbolaw kaw, pekeahà kaw amon eked kebàti se pegsebad te pedowan niyo tomaking ki Jesu Cristo.

2 Korinto 12:20

Netetana a aw domateng a kidoen kenyo, kitaen ko sikiyo meg-inang te kenà ko ibeg. Aw yan se inangen niyo, inangen ko heman kenyo se kenà niyo ibeg, so segdahen ko sikiyo. Netetana a aw kitaen ko sikiyo megpedindilay, aw megpeingaay, aw megpeopalay, aw megpedemetay kaw. Doen besi heman kitaen ko menge otaw egbaet-baet, aw egbelikbik, aw egpelangkaw-langkaw, aw egsamok.

Genesis 37:2

Seini se indan-indan tepad te menge batà i Jacob. Nayan, sempolò teg pito se omay i Jose, aw migtelaban sikandin te menge kedowa din kakay migtonggò te menge ayam-ayam te amay dan. Se menge kedowa din, yan se menge batà meama te doma menge esawa te amay din si Bilha aw si Zilfa. Doen medaet eg-inangen te menge kedowa i Jose, aw dimoton sikandin te amay din aw mig-indan diyà kandin tepad kenyan.

Genesis 27:42

Pegketaga-taga i Rebecca tepad te inikagi i Esau, impeangay din si Jacob, aw minikagi sikandin, “Miglalang den ekon si Esau mengimatay kamno amon meabat se kebensi din.

Filipos 2:14

Pengkey eden se inangen niyo, ikà niyo egbelisì. Ikà niyo heman egdindil,

1 Korinto 11:18

Tagnà ikegiyen ko kenyo, dinineg ko te egpedàtay kaw ekon te pedowan pengkey kidoen te simbahan niyo, aw nepuluk se pedowan ko aw benal iyan.

1 Korinto 1:10

Menge kedowa ko te pegpemenal, seini se ipunù ko kenyo so insogò a te Pengolo tadon si Jesu Cristo. Pegsebad kaw den amon wedad megpedindilay kidoen kenyo. Pegsebad kaw te aneng-aneng aw pedowan.

1 Korinto 1:12

Ibeg ko ipekelabet kenyo. Doen ekon eg-ikagi te siak se egtekingan dan. Doen ekon heman menge doma eg-ikagi te si Apolos se egtekingan dan. Doen ekon doma egtaking ki Pedro, aw doen pa ekon eg-ikagi te si Cristo olò se egtekingan dan.

Tito 3:9

Meneng ikà eg-inabut te balaw wedad ontong, aw menge indan-indan tepad te menge monà otaw. Ikà eg-inabut te menge dindil te otaw egbolaw tepad te menge punù ingkeliwat i Moises, so wedad ontong tadon kenyan.