1 Korinto 1:10 - Manobo Sarangani

¹⁰ Menge kedowa ko te pegpemenal, seini se ipunù ko kenyo so insogò a te Pengolo tadon si Jesu Cristo. Pegsebad kaw den amon wedad megpedindilay kidoen kenyo. Pegsebad kaw te aneng-aneng aw pedowan.

1 Korinto 1:10 ပူးပေါင်းရင်းမြစ်များ

1 Korinto 12:25

Yan kenà egpedindilay se menge kinemoloan diyà te lawa tadon, meneng egpetebangay se kedita niyan.

Roma 12:16

Se kedita niyo migpesakop diyà ki Cristo, keilangan megsebad kaw te pedowan. Ikà niyo egpelangkaw-langkaw, meneng mèpiya aw megpeketagad kaw meg-inang te sagkep inang. Ikà niyo eg-aneng-aneng te sikiyo olò se netaga-taga te kebenalan.

2 Korinto 13:11

Na, menge kedowa ko, keluba kaw den. Imendayi niyo se peg-ogpà niyo. Toloi niyo se impunù ko kenyo. Pegsebad kaw te pegpemenal aw pedowan niyo. Domaan kaw te Timanem eglekatan te kedakel aw kelinaw te pedowan.

1 Korinto 11:18

Tagnà ikegiyen ko kenyo, dinineg ko te egpedàtay kaw ekon te pedowan pengkey kidoen te simbahan niyo, aw nepuluk se pedowan ko aw benal iyan.

Filipos 1:27

Nayan, pengkey eden se domateng kanak, keilangan onawa se inangen niyo diyà te Mèpiya Indan tepad ki Cristo intoladà kenyo. Yan pengkey domoton a kenyo, aw olò a indanan tepad kenyo, ketegahan ko te wedà kealin se pegsalig niyo diyà ki Cristo, aw sebad se pedowan niyo se egpetebangay te pegtoladà niyo te Mèpiya Indan tepad ki Cristo pinemenalan niyo.

Roma 16:17

Menge kedowa ko, peg-ahà kaw te menge otaw egbaet te pegsebad te pedowan niyo aw egbaet te pegsalig niyo diyà ki Cristo, so kenà iling kenyan se kebenalan intoladà day kenyo. Ikà niyo egtaking kandan.

2 Korinto 5:20

Siak heman se sebad sogounun i Cristo egpengibing te kagi din, so pineokit kanak, ipetaga-taga te Timanem se punù din. So insogò a i Cristo, yan mikagi a diyà kenyo, pegsebadi niyo se pedowan niyo diyà te Timanem.

1 Korinto 4:16

Se punù ko kenyo, peg-ilingi niyo se eg-inangen ko.

Ininang 4:32

Migsebad se pedowan te kedita te otaw egpemenal. Wedad migtameng te kedònan din, meneng gayed dan egpetebangay.

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

1 Tesalonika 5:13

Keilangan ontò kaw megsagman kandan aw ontò dakel se pedowan niyo kandan tandà te eg-inangen dan doton kenyo. Keilangan eked kaw pegpedindilay.

Roma 12:1

Nayan, menge kedowa ko, ontò mèpiya se keido te Timanem kenitadon, aw yan se doun te megpunù a den kenyo te keilangan betel niyo ibegay se pegkeotawun niyo diyà te Timanem dalem te doen pa pedowan niyo. Aw ibegay niyo se pegkeotawun niyo diyà kandin, kinewaen din iyan, aw ipetaga-taga niyo te melobos se pedowan niyo te pegsimba niyo kandin.

Juan 10:19

Pegdineg te menge obanen te Judiyo te inikagi i Jesus, todà dan migpedindilay, so wedà dan pegsebad.

1 Pedro 2:11

Meneng menge kedowa ko egkedekelan ko te pedowan, kenà keneyonan seini se ontò ogpeanan niyo, aw olò kaw iling te mepanaw dini lanto te tanà. Yan megpunù a den kenyo te keilangan eked kaw taking te medaet ibeg te lawa niyo, so pineokit kenyan kebàtan se pegtaking niyo te Timanem.

2 Timoteo 4:1

Doen ipunù ko kamno aw egtengtengen ki te Timanem aw si Jesu Cristo, se meg-okom te kedita te otaw pengkey nematay aw wedà pa kematay. So netegahan tadon te lomikò si Jesus aw lomowan, seini se ipunù ko kamno.

Filipos 3:16

Meneng keilangan gayed kidon tomolò te kedita te kebenalan impetaga-taga din den kenitadon.

2 Korinto 10:1

Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

Juan 7:43

Wedà dan pegsebad, aw yan se doun te migpedindilay dan tepad kandin.

Mar. 2:21

Mig-indan heman si Jesus te tegdeyanan tepad te kaling itoladà din, kagi din, “Eked kepakay aw tompalan se tapay penenaktun te kaling tila wedà pa bugsaki, so komotot se kaling tila aw itompal diyà te tapay, aw meinang labi pa dakel se lisì te saol.

Mat. 9:16

Mig-indan heman si Jesus te tegdeyanan tepad te kaling toladà din, kagi din, “Eked kepakay aw tompalan se tapay penenaktun te kaling tila wedà pa bugsaki, so komotot se itompal, aw labi pa dakel se lisì te saol.

1 Timoteo 5:21

Egtengtengen ki te Timanem, aw si Jesu Cristo, aw menge anghil te Timanem, aw yan egpunù a kamno te keilangan tomolò ka te insolat ko kamno. Keilangan wedad palos otaw pedigselan no te pegsagda no te medaet, so keilangan segdahen no se kedita te otaw, pengkey melangkaw otaw aw kenà.

2 Tesalonika 2:1

Nayan menge kedowa day, ipetaga-taga day den kenyo tepad te peglikò te Pengolo tadon si Jesu Cristo aw tepad te peg-angay din kenitadon. Doen ipunù day kenyo

Galasya 4:12

Menge kedowa ko, seini se ontò ibeg ko kenyo. Peg-ilingi a niyo, so pegpemenal ko ki Cristo, limengà a te pegsalig ko diyà te punù ingkeliwat i Moises aw mig-iling a heman kenyo kenà Judiyo kenà egsalig te punù, sìyan egtoloen te menge Judiyo. Eked ko palos kelibeli se mèpiya ininang niyo kanak kedengan.

2 Korinto 6:1

Egtoloen ko se Timanem simogò kanak aw seini se ipegtoladà ko. Aw nekekinawà kaw te tabang te Timanem, pekitai niyo te doen ontong niyo pineokit te peg-inang niyo te metòlid.

Roma 15:30

Menge kedowa ko, doen pemoyoen ko diyà kenyo tandà te pegsebad tadon diyà te Pengolo tadon si Jesu Cristo, aw tandà te pegpedekelay tadon te pedowan imbegay te Espiritu Santo kenitadon. Ibeg ko, megtawal-tawal kaw heman diyà te Timanem tepad kanak.

Juan 9:16

Penga niyan, doen menge Parisiyo minikagi tepad ki Jesus, “Kenà sikandin insogò te Timanem, so eglàpang sikandin te punù tepad te aldaw te peg-etod.” Meneng doen menge doma otaw minikagi, “Simpana sikandin se metilàpang te punù, eked sikandin pekebatog meg-inang te menge kepelahan iling kani.” Yan migpedindilay dan.

Roma 1:13

Menge kedowa ko, ibeg ko ontò kaw metaga-taga te melikit a eglalang domoton kenyo, meneng gayed doen anggà ko. Ibeg ko, meketoladà a heman doton kenyo amon doen otaw memenal, iling te ininang ko doton te menge doma otaw kenà Judiyo,

1 Korinto 1:11

Menge kedowa ko, yan se punù ko kenyo, so doen menge otaw i Klowi mig-indan kanak te egpedindilay kaw.

1 Korinto 3:3

so egtaking kaw pa te medaet ibeg te kenyo pedowan. So doen pa kidoen kenyo egpeingaay aw doen heman egpedindilay, yan se pengilala te egtaking kaw pa te medaet ibeg te kenyo pedowan, iling te doma otaw kenà egtaking te Timanem.

2 Korinto 13:9

Yan pengkey wedad otaw ipelumun ko doton so migselsel den dan, meneng meluba a aw magsen kaw meg-inang te metòlid. Gayed ko ipegtawal-tawal diyà te Timanem te ontò melobos se pegpemenal niyo.

1 Pedro 5:10

Pengkey nelimahan kaw den seini, meneng mepenga iyan te eked kenamay. Gayed egtabang se Timanem, aw tinawal kaw din amon megdoma kaw kandin te wedad temanan tandà te pegsebad niyo diyà ki Cristo. Penga te pegtayod niyo te kelimahan, Timanem se meg-inang kenyo mesikop aw domasel, aw sikandin se memegay kenyo te eneg din.

Mar. 3:24

Simpana megbebolaw se sakop te sebad selotan, kebàtan se peglowan te selotan sìyan te eked kenamay.