1 Korinto 1:1 - Manobo Sarangani

¹ Seini se solat ko, si Pablo, doma ki Sostenes, sìyan kedowa tadon te pegpemenal. Lekat te ibeg te Timanem, tinawal a din amon inangen a sebad sogounun i Jesu Cristo.

1 Korinto 1:1 ပူးပေါင်းရင်းမြစ်များ

Roma 1:1

Siak si Pablo se simolat kani. Sineligan a i Jesu Cristo. Pinemallì a din amon inangen a sebad sogounun din megtoladà te Mèpiya Indan te Timanem tepad ki Cristo.

Efeso 1:1

Se solat seini lekat kanak si Pablo. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo sinakop te Timanem aw gayed egsalig diyà ki Jesu Cristo.

2 Korinto 1:1

Seini se solat ko, si Pablo, doma ki Timoteo, kedowa tadon te pegpemenal. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo menge sakop te Timanem kidoen te Korinto, aw diyà te kedita niyo menge sakop din doton te doma ogpeanan te Gresya.

Kolasas 1:1

Seini se solat ko, si Pablo, doma ki Timoteo kedowa tadon te pegpemenal. Lekat te ibeg te Timanem, siak se sebad sogounun i Jesu Cristo.

Ininang 18:17

Penga niyan, dinakep te menge otaw kenà Judiyo se sebad egpengibing te simbahan te Judiyo si Sostenes. Binadas dan sikandin doton te lowà te oseyanan. Meneng wedà pegsagman si Galio kenyan.

2 Timoteo 1:1

Siak, si Pablo, se simolat kani. Ininang a sogounun i Jesu Cristo pineokit te ibeg te Timanem, so insogò a din megtoladà tepad te kaling pedowan wedad temanan ibegay din diyà te kedita te otaw memenal ki Jesu Cristo.

1 Timoteo 2:7

Yan se doun te ininang a sogounun i Cristo megtoladà te menge otaw kenà Judiyo, amon metaga-taga dan te keilangan memenal dan te kebenalan. Kenà kebolalaw se eg-ikegiyen ko, meneng kebenalan iyan.

1 Timoteo 1:1

Siak, si Pablo, se simolat kani. Ininang a sogounun i Jesu Cristo pineokit te punù te Timanem egpelowà kenitadon, aw pineokit te punù i Jesu Cristo egpelimanan tadon.

Efeso 4:11

Sikandin se nemegay kenitadon te menge kinemoloan te kebiyasa amon megpetebangay kidon. Doen menge sogounun i Cristo. Doen heman menge telekeliwat te kagi te Timanem. Doen heman menge otaw egtoladà te Mèpiya Indan tepad ki Cristo. Doen heman menge otaw biyasa egpengibing aw egtoladà te menge otaw egpemenal.

Galasya 1:1

Se solat seini, lekat kanak si Pablo. Siak se sebad sogounun i Cristo. Kenà otaw se simogò kanak. Kenà heman pineokit te otaw se migsogò kanak. Meneng se simogò kanak, yan si Jesu Cristo aw Timanem Amay mig-antay ki Cristo lekat te nematay.

Ininang 22:21

Meneng minikagi se Pengolo, ‘Kesayo ka, so isogò ta doton te mediyò ogpeanan amon megtoladà ka te kagi ko diyà te menge otaw kenà Judiyo.’”

Juan 15:16

Kenà sikiyo se nemallì kanak, meneng siak se nemallì kenyo, aw isogò ko den sikiyo amon megterbaho kaw kanak aw mongo kaw heman te dakel pongo wedad keeminan. Yan aw doen pemoyoen niyo diyà te Amay ko pineokit te ngadan ko, yan se ibegay din kenyo.

2 Korinto 12:12

Peg-ogpà ko kidoen kenyo kedengan, kinità niyo te benal a sogounun i Cristo pineokit te menge inang ko. Melayat se pedowan ko kenyo, aw kinità niyo se menge pengilala ininang ko, aw menge kepelahan, aw menge inang metolos.

2 Korinto 11:5

Na, tepad te sìyan menge otaw doton kenyo eg-ikagi te sikandan se ontò benal sogounun i Cristo, eden niyo aw sikandan se labi pa melangkaw diyà kanak.

1 Korinto 15:9

Siaken se ontò medanà diyà te kedita te sogounun i Cristo. Eked a peden tewali sogounun i Cristo, so kedengan te wedà a pa pemenal ki Cristo, gayed a egpemilang te menge otaw egpemenal te Timanem.

1 Korinto 3:9

Didowa kay si Apolos se insogò te Timanem meg-inang, aw iling kaw te pawà pinetrebehowan te Timanem kenami. Doma ipolingun ko, iling kaw te balay impeinang te Timanem.

Roma 1:5

Pineokit kandin, tinebangan a te Timanem aw ininang a din sogounun i Cristo megtoladà te kedita te otaw pengkey kenà Judiyo. Ibeg din memenal se kedita te otaw ki Cristo aw tomolò dan kandin, aw iduyun dan sikandin.

Ininang 1:2

taman te pegkeengat din doton te langit. Pegkeantay din lekat te nematay, melikit si Jesus migpekità diyà te menge sogounun tapay pinemallì din. Migtoladà heman kandan tepad te peglowan te Timanem. Dalem te kepatan se aldaw, melikit sikandin migpekità diyà kandan. Yan ontò dan netegahan te neantay sikandin lekat te nematay, so kinità dan sikandin. Te wedà pa keengat doton te langit, migpunù si Jesus kandan pineokit te Espiritu Santo.

Juan 20:21

Penga niyan, todà minikagi si Jesus, “Ibeg ko melinaw se pedowan niyo. Iling te pegsogò te Amay ko kanak, yan isogò ko den heman sikiyo.”

Luc. 6:13

Pegkeiselem, tinawal din se kedita te otaw tinoledaan din. Penga niyan, pinemallì din se sempolò teg dowa otaw megtelaban kandin, aw iningedanan din dan menge apostol.

Ininang 1:15

Doen aldaw netipon se medita otaw egpemenal, dagpò dan menge sebad gatos kelowan. Timindeg si Pedro kidoen aw minikagi,

Roma 1:10

Egpemoyò a kandin te ipedoton a din kenyo aw mepakay iyan diyà kandin, so nenamay den wedà a pekedoton.

2 Korinto 8:5

Aneng-aneng ko, kenà dakel se ibegay dan, meneng ontò kedì dakel se imbegay dan. Meneng labi pa mèpiya, so onà dan imbegay diyà te Pengolo se pegkeotawun dan. Penga niyan, migtelaban dan kanak, so yan se ibeg te Timanem kandan.