1 Juan 5:18 - Manobo Sarangani

¹⁸ Netegahan tadon ini. Aw ininang kidon den menge batà te Timanem, yan kenà kidon egpedeleg eg-inang te salà, so egtonggoan kidon te Batà te Timanem amon eked kidon pegtindàti i Satanas.

1 Juan 5:18 ပူးပေါင်းရင်းမြစ်များ

Mat. 5:37

Aw keseligan se kagi niyo, botong aw olò kaw tomaba, ‘Ee,’ aw ‘Eked.’ Aw keilangan isogpat niyo se sapà diyà te kebenalan, medaet iyan, so lekat iyan ki Satanas.”

Mat. 6:13

Ikà egpeokit kenami diyà te peg-akal, meneng pekediyoi kay diyà ki Satanas.’

Juan 1:13

Pegkeinang dan batà te Timanem, kenà iyan iling te pegtebaw te otaw dini te keneyonan. Kenà iyan heman lekat te ibeg aw aneng-aneng te otaw. Meneng lekat te ibeg te Timanem, ininang din dan menge batà din.

Juan 14:30

Wedad den nael aldaw te pegtoladà ko kenyo, so agpet den domateng se pengolo te medaet dini te keneyonan, amon domaeg peden kanak. Eked a din dàgi,

Juan 15:4

Keilangan meg-ogpà kaw diyà kanak aw meg-ogpà a heman diyà kenyo, so eked pongo se belagen singed aw meg-ogpà diyà te pinonoan. Iling kaw heman kenyan, so wedad ontong niyo singed aw meg-ogpà kaw diyà kanak.

Juan 15:7

Meneng aw meg-ogpà kaw diyà kanak, aw isawol niyo se menge kagi ko kidoen te pedowan niyo, mepakay aw memoyò kaw te keibegan niyo, aw yan se inangen ko kenyo.

Juan 15:9

Dakel se pedowan te Amay ko kanak. Iling heman kenyan se kedakel te pedowan ko kenyo. Peg-ogpà kaw diyà kanak amon gayed dakel se pedowan ko kenyo.

Ininang 11:23

Mèpiya otaw si Bernabe aw simalig diyà te Pengolo aw egbeyà-beyaan heman te Espiritu Santo. Pegdateng din doton te Antyokya, neluba sikandin so kinità din te ontò dan tinebangan te Timanem. Migtoladà sikandin kandan te eked pegdowa-dowa se aneng-aneng dan, aw lobosen dan se pedowan diyà te Pengolo. Pegdineg dan te kagi din, medita se otaw nemenal diyà te Pengolo.

Santiago 1:18

Lekat te ibeg din ininang kidon din menge batà din pineokit te pegpemenal tadon te kebenalan ipegtoladà. Yan se ininang din amon sikitadon se ontò meelagà diyà te kedita te ininang din.

Santiago 1:27

Meneng se otaw ontò egtaking te Timanem Amay, yan se otaw egpenabang te menge doma otaw nelimahan, pengkey menilo aw bayi balo. Kenà heman eg-iling te medaet ketanem te otaw dini te keneyonan.

1 Pedro 1:23

Todà kaw den timebaw kenà pineokit te otaw, meneng pineokit te kagi te Timanem wedad temanan egpemegay te kaling pedowan wedad temanan.

1 Juan 2:29

So netegahan niyo den te metòlid se Batà te Timanem si Cristo, yan se doun te keilangan ketegahan niyo heman ini. Aw metòlid se eg-inangen te otaw, yan se pengilala te ininang dan te Timanem menge batà din.

1 Juan 3:12

Keilangan eked kidon peg-iling ki Cain migpesakop diyà ki Satanas, so nengimatay te adi din. Nengimatay sikandin so medaet se eg-inangen din, aw miningà te adi din eg-inang te metòlid.

1 Juan 3:3

Aw ontò egpeliman se otaw te metoman iyan, yan se otaw megpelobos te kandin pedowan wedad salà iling ki Cristo.

1 Juan 3:9

Se otaw ininang te Timanem batà din, yan se otaw kenà eg-inang te salà so binegayan sikandin te kaling pedowan lekat te Timanem. Eked sikandin peg-inang te salà so ininang den sikandin batà te Timanem.

1 Juan 4:6

Meneng diyà kidon den te Timanem, aw yan se doun te egpenenelanen te kedita te otaw egtaking te Timanem se ipegtoladà tadon. Meneng kenà kidon egpenenelanen te otaw kenà egtaking te Timanem. Yan se pengilala amon ketegahan tadon aw sinu se egtaking te kebenalan aw sinu se egtaking te kebolalaw.

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

1 Juan 5:15

So netegahan tadon te menenalan sikandin te kedita te pemoyoen tadon kandin, yan netegahan tadon heman te nekinawà tadon den se pinemoyò tadon kandin.

1 Juan 5:19

Netegahan tadon te sakop kidon te Timanem. Meneng se kedita te otaw egtaking te medaet dini te keneyonan, yan se menge sakop i Satanas.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

1 Juan 5:21

Menge batà ko te pegpemenal, ikà niyo egtaking te kenà benal timanem.

1 Juan 5:4

so se kedita tadon menge batà te Timanem, mekedaeg kidon te kedita te medaet dini te keneyonan, so nekedaeg kidon den te medaet pineokit te kebenalan pinemenalan tadon.

Judas 1:21

Ikà niyo egtanan te kedakel te pedowan te Timanem dalem te pegtagad niyo te Pengolo tadon si Jesu Cristo egkeido kenyo, so ipeogpà kaw din doma din te wedad temanan.

Judas 1:24

Nayan, iduyun se Timanem. Mekebatog sikandin meg-ipat kenyo amon eked kaw peg-inang te salà. Ibingen kaw din doton te ogpeanan din te wedad palos kolang niyo, aw yan ontò kaw meluba.

Impekità 2:13

Netegahan ko te pengkey eg-ogpà kaw doton te lonsod eglowanan i Satanas, meneng ontò kaw simalig kanak. Wedà kaw lengà te pegpemenal niyo kanak pengkey kedengan te pegpengimatay ki Antipas. Egkeseligan sikandin migtoladà tepad kanak, aw yan se doun te inimetayan sikandin kidoen te lonsod niyo eglowanan i Satanas.