1 Juan 5:16 - Manobo Sarangani

¹⁶ Aw megkità kaw te doma niyo egpemenal meg-inang te salà kenà egdateng te kemetayun wedad temanan, megtawal-tawal kaw kandin amon memegay se Timanem kandin te kaling pedowan aw eked dateng te kemetayun se salà din. Doen salà ipelumun te kemetayun wedad temanan, meneng eked a ikagi te keilangan megtawal-tawal kaw tepad kenyan.

1 Juan 5:16 ပူးပေါင်းရင်းမြစ်များ

Genesis 20:17

Penga niyan, migtawal-tawal si Abraham diyà te Timanem, aw pinegolì te Timanem si Abimelec, aw esawa din, aw menge allang din bayi amon todà dan megbatà.

Genesis 20:7

Nayan, olii se bayi diyà te esawa din. Si Abraham se telekeliwat te kagi ko, aw megtawal-tawal sikandin tepad kamno amon eked ka kematay. Meneng aw eked no sikandin olii, metoman ka matay sipat te kedita te sakop nikaw.”

Luc. 12:10

“Aw mikagi se otaw te medaet tepad kanak Timanem Migpekeotaw, pegwedaden iyan te Timanem aw iselsel din. Meneng aw megtompuyus se otaw te Espiritu Santo, eked pegwedadi se salà din sìyan.

Juan 17:9

“Doen den pemoyoen ko kamno tepad te menge otaw seini. Kenà tepad te menge otaw egtaking te medaet dini te keneyonan se pemoyoen ko kamno, meneng tepad te menge otaw insalig no diyà kanak, so sakop no dan.

2 Timoteo 4:14

Ontò medaet se ininang kanak te menenayab te tebaga si Alejandro. Ipelumun sikandin te Pengolo tadon tandà te medaet ininang din.

1 Juan 5:17

Se kedita te eg-inangen tadon medaet, yan se salà, meneng doen salà kenà egdateng te kemetayun wedad temanan.