1 Juan 5:1 - Manobo Sarangani

¹ Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

1 Juan 5:1 ပူးပေါင်းရင်းမြစ်များ

1 Juan 2:29

So netegahan niyo den te metòlid se Batà te Timanem si Cristo, yan se doun te keilangan ketegahan niyo heman ini. Aw metòlid se eg-inangen te otaw, yan se pengilala te ininang dan te Timanem menge batà din.

Juan 8:42

Minikagi si Jesus, “Simpana Timanem se amay niyo, yan kedekelan a niyo peden te pedowan, so pegdini ko, Timanem se linekatan ko. Dimini a kenà lekat te kanak ibeg, meneng insogò a din dini.

1 Juan 4:7

Menge kedowa egkedekelan ko te pedowan, keilangan gayed kidon megpedekelay te pedowan, so Timanem se eglekatan te dakel pedowan. Se otaw doen dakel pedowan din, yan se ininang te Timanem batà din aw egtaking heman te Timanem.

1 Juan 3:14

Impelowà kidon den lekat te kemetayun wedad temanan, aw binegayan kidon den heman te kaling pedowan wedad temanan. Netegahan tadon te benal iyan so dakel se pedowan tadon te menge doma otaw. Meneng eg-ogpà pa diyà te kemetayun se otaw wedad kedakel te pedowan din te doma,

1 Juan 5:4

so se kedita tadon menge batà te Timanem, mekedaeg kidon te kedita te medaet dini te keneyonan, so nekedaeg kidon den te medaet pineokit te kebenalan pinemenalan tadon.

1 Juan 4:20

Aw mikagi se otaw te dakel se pedowan din te Timanem, meneng wedad kedakel te pedowan din te menge doma otaw, yan se bolelawun, so aw wedad kedakel te pedowan te otaw te menge doma din egkitaen, yan labi pa wedad kedakel te pedowan din te Timanem kenà din egkitaen.

1 Juan 3:9

Se otaw ininang te Timanem batà din, yan se otaw kenà eg-inang te salà so binegayan sikandin te kaling pedowan lekat te Timanem. Eked sikandin peg-inang te salà so ininang den sikandin batà te Timanem.

Juan 3:3

Minikagi si Jesus, “Eneng-enengi se kagi ko kamno. Aw eked todà tebaw se otaw, eked sikandin kesakop diyà te peglowan te Timanem.”

Mat. 16:16

Timaba si Simon iningedanan din ki Pedro, kagi din, “Sikona se Misiyas. Sikona se Batà te Timanem.”

1 Juan 2:10

Meneng se otaw doen dakel pedowan din diyà te menge doma otaw, yan se otaw eg-ogpà diyà te kelowahan, aw wedad mekepedogsò kandin.

Juan 15:23

Aw mebensi se otaw kanak, mebensi dan heman te Amay ko.

1 Juan 4:2

Seini se pengilala amon ketegahan niyo aw lekat te Espiritu Santo se itoladà dan. Se otaw mikagi te benal migpekeotaw si Jesu Cristo dini te keneyonan, yan se otaw egtoladà te kagi lekat te Timanem.

1 Pedro 1:3

Iduyun se Timanem, Amay te Pengolo tadon si Jesu Cristo. Ontò kidon neidowan te Timanem, aw binegayan kidon din te kaling pedowan. Yan doen egpelimanan tadon tandà te pegkeantay i Jesu Cristo lekat te nematay.

Santiago 1:18

Lekat te ibeg din ininang kidon din menge batà din pineokit te pegpemenal tadon te kebenalan ipegtoladà. Yan se ininang din amon sikitadon se ontò meelagà diyà te kedita te ininang din.

Juan 6:69

Nemenal kay den kamno, aw netegahan day te wedad salà no aw sikona se insogò te Timanem.”

1 Juan 3:17

Aw doen kedònan te otaw meketabang te doma otaw nelimahan, meneng eked sikandin pegtabang so wedad kedakel te pedowan din, yan se pengilala te wedad heman kedakel te pedowan din te Timanem.

Ininang 8:36

Wedà kenamay, dimateng dan doton te wayeg. Minikagi se tege Etyopya, “Doen wayeg dini. Mepakay lay aw bonyagan a no?” [

Juan 1:3

Wedad palos ininang aw kenà pineokit kandin, so ininang te Timanem se kedita pineokit kandin.

1 Juan 5:5

Se otaw nemenal te si Jesus se Batà te Timanem, yan se mekedaeg te kedita te medaet dini te keneyonan.

1 Juan 5:18

Netegahan tadon ini. Aw ininang kidon den menge batà te Timanem, yan kenà kidon egpedeleg eg-inang te salà, so egtonggoan kidon te Batà te Timanem amon eked kidon pegtindàti i Satanas.

Luc. 7:5

so egkedekelan kidon din te pedowan sikitadon menge Judiyo. Sikandin se migpeinang te simbahan day dini.”

Ininang 8:37

Minikagi si Felipe, “Mepakay aw ontò ka den nemenal.” Minikagi se tege Etyopya, “Nemenal a den te si Jesu Cristo se ontò Batà te Timanem.”]