1 Juan 4:9 - Manobo Sarangani

⁹ Impetaga-taga te Timanem te ontò dakel se pedowan din kenitadon, so insogò din se Batà din temisa dini te keneyonan amon begayan kidon din te kaling pedowan pineokit kandin.

1 Juan 4:9 ပူးပေါင်းရင်းမြစ်များ

Genesis 22:2

Minikagi se Timanem, “Petekingi se batà no temisa si Isaac ontò no egkedekelan te pedowan, aw doton kaw te tanà te Moria. Tikedeg kaw te bontod tedoan ko kamno kidoen, aw imetayi sikandin aw sonogi se lawa din, so ibegay no sikandin diyà kanak.”

Mar. 12:6

Se temanan insogò din, yan se batà din egkedekelan din te pedowan, so aneng-aneng din keilangan segmanen dan se kandin batà.

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Juan 10:10

Domoton se menenakaw te kelokob amon menakaw, aw mengimatay, aw megbaet. Meneng dimini a amon memegay a te kaling pedowan wedad temanan diyà te kedita te otaw, sìyan kaling pedowan wedad kekolangan.

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Juan 3:16

Ontò nedekelan te Timanem te pedowan se kedita te otaw, aw yan se doun te insogò din se Batà din temisa amon eked pelumuni se kedita te otaw memenal kandin, meneng begayan dan te kaling pedowan wedad temanan.

Juan 3:18

Aw memenal se otaw diyà te Batà te Timanem, eked dan pelumuni te Timanem. Meneng aw eked dan pemenal, netegahan den te metoman dan ipelumun, so wedà dan pemenal diyà te Batà te Timanem temisa.

Juan 5:23

so ibeg din segmanen a heman te kedita te otaw, onawa te pegsagman dan kandin. Aw eked pegsagman se otaw kanak, yan se pengilala te kenà heman sikandin egsagman te Amay ko simogò kanak.

Juan 6:29

Timaba si Jesus, “Seini se ibeg te Timanem inangen niyo. Pemenal kaw kanak, so insogò a te Timanem.”

Juan 6:51

Siaken se kànen insogò dini lekat te langit mekebegay te kaling pedowan. Aw komaen se otaw te kànen seini, wedad temanan te pedowan din. Se kànen seini ibegay ko, yan se onod ko, amon mekekinawà se kedita te otaw te kaling pedowan.”

Juan 6:57

Insogò a te Amay ko wedad temanan din, aw doen heman pedowan ko wedad temanan lekat kandin. Iling heman kenyan se otaw komaen kanak, so yan se otaw begayan te pedowan wedad temanan pineokit kanak.

Juan 8:29

Gayed a egtebangan te simogò kanak. Wedà a din tenani, so gayed ko eg-inangen se ibeg din.”

Juan 8:42

Minikagi si Jesus, “Simpana Timanem se amay niyo, yan kedekelan a niyo peden te pedowan, so pegdini ko, Timanem se linekatan ko. Dimini a kenà lekat te kanak ibeg, meneng insogò a din dini.

Juan 9:3

Timaba si Jesus, “Kenà lekat te kandin salà se pegkebota din. Kenà heman lekat te salà te amay aw inay din. Meneng bota sikandin amon pineokit kandin ipekità te metolos se Timanem.

Roma 8:32

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

Menge Hebreo 1:5

Wedad palos anghil inikegiyan te Timanem iling te inikagi din diyà ki Cristo, “Sikona se Batà ko, aw ipetaga-taga ko den te siaken se Amay nikaw.” Si Cristo olò heman se inikegiyan te Timanem kani, “Siak se Amay din, aw sikandin se Batà ko.”

1 Juan 3:16

Netegahan tadon den aw eden se ontò dakel pedowan, so neketagad si Jesu Cristo inimetayan amon megpelowà kenitadon lekat te salà. Yan sikitadon heman egpemenal, keilangan meketagad kidon imetayan amon ketebangan tadon se kedowa tadon.

1 Juan 4:10

Yan ketegahan tadon aw eden se ontò benal kedakel te pedowan, so kenà kedakel te pedowan tadon diyà te Timanem, meneng kedakel te pedowan te Timanem kenitadon, so insogò din se Batà din amon somelilin kenitadon imetayan, aw amon mekelowà kidon lekat te salà.

1 Juan 4:16

Yan netegahan tadon te dakel se pedowan te Timanem kenitadon, aw yan se egseligan tadon. Ontò dakel se pedowan te Timanem. Se otaw doen dakel pedowan din, yan se otaw diyà te Timanem aw se Timanem heman diyà kandin.

1 Juan 5:11

Seini se intoladà te Timanem, te doen kaling pedowan wedad temanan imbegay din kenitadon, aw imbegay din iyan pineokit te Batà din si Jesus.

1 Juan 5:13

Sinolatan ko sikiyo nemenal den diyà te Batà te Timanem amon ontò niyo ketegahan te doen den kaling pedowan niyo wedad temanan.