1 Juan 4:4 - Manobo Sarangani

⁴ Menge batà ko te pegpemenal, diyà kaw den te Timanem aw yan domaeg kaw te kedita dan egkeliwat te kagi kenà lekat te Timanem, so doen eg-ogpà diyà te pedowan niyo labi pa melangkaw diyà ki Satanas pengolo te medaet otaw dini te keneyonan.

1 Juan 4:4 ပူးပေါင်းရင်းမြစ်များ

Juan 12:31

Lekat seini, ipelumun te Timanem se kedita te poon din dini te keneyonan. Dàgen din heman se pengolo te medaet dini te keneyonan si Satanas.

Juan 14:30

Wedad den nael aldaw te pegtoladà ko kenyo, so agpet den domateng se pengolo te medaet dini te keneyonan, amon domaeg peden kanak. Eked a din dàgi,

Juan 16:11

Ipetaga-taga din heman te metoman dan ipelumun te Timanem, so dinaeg se pengolo te medaet dini te keneyonan.

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

Roma 8:31

Aw meg-aneng-aneng kidon tepad te kedita te kèpiyaan ininang te Timanem kenitadon, ketegahan tadon te wedad palos mekedaeg kenitadon so egdomaan kidon te Timanem.

Roma 8:37

Meneng pengkey egdetengan kidon te kedita te kelimahan sìyan, ontò kidon domaeg, so meketayod kidon pineokit te tabang i Cristo gayed doen dakel pedowan kenitadon.

1 Korinto 2:12

Sikitadon egpemenal se binegayan te kebiyasa kenà iling te kebiyasa te otaw dini te keneyonan, meneng Espiritu Santo se imbegay din kenitadon, amon ketegahan tadon se kedita te imbegay din kenitadon.

1 Korinto 6:13

Eneng-enengi niyo ini. Benal se eg-ikegiyen te doen kànen amon isawol diyà te getek, aw doen heman getek amon solan te kànen. Meneng eked kepakay aw megkelagok kidon, so doen kwani aldaw pegbàtan te Timanem se getek aw kànen. Iling heman kenyan se lawa tadon. Ininang iyan te Timanem kenà amon meibeg kidon te kenà kenitadon esawa, meneng ininang kidon din amon tomolò kidon te ibeg te Pengolo tadon, aw netegahan te Pengolo tadon se keilangan te lawa tadon.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

2 Korinto 6:16

Eked kepakay aw simbahen se inotaw doton te balay te Timanem. Se kedita tadon egpemenal, sikitadon se balay eg-ogpaan te Timanem wedad temanan din. Iling te inikagi te Timanem tepad te menge Judiyo gebii, kagi din, “Meg-ogpà a kidoen kandan. Doen inangen ko kidoen kandan. Siak se simbahen dan, aw siak se megtabang kandan.”

Efeso 2:2

Kedengan, gayed kaw egpekesalà. Mig-iling kaw te otaw eg-inang te salà dini te keneyonan. Timolò kaw ki Satanas, pengolo te kedita te bosaw. Sikandin se egbayà-bayà te kedita te otaw kenà egtolò te Timanem.

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.

Efeso 6:10

Nayan, seini se temanan te punù ko kenyo. So migpesakop kaw diyà te Pengolo tadon, peseligi se pegtaking niyo kandin pineokit te keseg ibegay din kenyo.

1 Juan 2:1

Menge batà ko te pegpemenal, seini se insolat ko kenyo amon eked kaw peg-inang te salà. Meneng aw doen otaw mekesalà, doen telekagon tadon kidoen te Timanem Amay, aw yan si Jesu Cristo wedad palos salà.

1 Juan 2:13

Menge obanen, simolat a den kenyo so ibeg ko megpeaneng-aneng a kenyo te egtaking kaw den ki Cristo tapay doen gebii te wedad pa keneyonan. Menge kaling otaw, simolat a den kenyo so ibeg ko megpeaneng-aneng a kenyo te dimaeg kaw den ki Satanas. Menge batà ko te pegpemenal, simolat a kenyo so ibeg ko megpeaneng-aneng a kenyo te egtaking kaw den diyà te Timanem Amay.

1 Juan 3:20

Pengkey melidò se pedowan tadon tandà te peg-inang tadon te salà kedengan, meneng labi pa melangkaw se keido te Timanem, so netaga-taga sikandin te kedita pengkey wedà tadon ketegahi.

1 Juan 3:24

Se kedita te otaw egtolò te punù te Timanem, diyà dan te Timanem aw se Timanem heman diyà kandan. Netegahan tadon te diyà kenitadon se Timanem so pineokit te Espiritu Santo imbegay din kenitadon.

1 Juan 4:13

Netegahan tadon te diyà kidon kandin aw diyà heman sikandin kenitadon so pineokit te Espiritu Santo imbegay din kenitadon.

1 Juan 4:16

Yan netegahan tadon te dakel se pedowan te Timanem kenitadon, aw yan se egseligan tadon. Ontò dakel se pedowan te Timanem. Se otaw doen dakel pedowan din, yan se otaw diyà te Timanem aw se Timanem heman diyà kandin.

1 Juan 4:6

Meneng diyà kidon den te Timanem, aw yan se doun te egpenenelanen te kedita te otaw egtaking te Timanem se ipegtoladà tadon. Meneng kenà kidon egpenenelanen te otaw kenà egtaking te Timanem. Yan se pengilala amon ketegahan tadon aw sinu se egtaking te kebenalan aw sinu se egtaking te kebolalaw.

1 Juan 5:19

Netegahan tadon te sakop kidon te Timanem. Meneng se kedita te otaw egtaking te medaet dini te keneyonan, yan se menge sakop i Satanas.

1 Juan 5:4

so se kedita tadon menge batà te Timanem, mekedaeg kidon te kedita te medaet dini te keneyonan, so nekedaeg kidon den te medaet pineokit te kebenalan pinemenalan tadon.

Impekità 12:11

Meneng dinaeg dan sikandin pineokit te dipanog te Karniro inimetayan doton te kros, aw pineokit te peg-indan te kebenalan tepad ki Cristo, so wedà dan kelemitan pengkey imetayan dan tandà te pegsalig dan diyà ki Cristo.