1 Juan 4:18 - Manobo Sarangani

¹⁸ Eked kidon den kelemitan aw nedekelan kidon te pedowan, so aw memenal kidon te ontò kidon nedekelan te pedowan, eked kidon kelemitan. Meneng melemitan se otaw ipelumun, so wedà dan pemenal te nedekelan dan te pedowan.

1 Juan 4:18 ပူးပေါင်းရင်းမြစ်များ

Mat. 9:34

Meneng minikagi se menge Parisiyo, “Doen tolos imbegay diyà kandin lekat te pengolo te bosaw si Satanas, aw yan se doun te egpelowà sikandin te bosaw lekat te otaw.”

Roma 8:15

Pegpemegay te Timanem te Espiritu Santo diyà kenyo, wedà kaw din inangi menge allang din, meneng ininang kaw din menge batà din. Yan se doun te wedad den kelemitanan niyo, so mepakay den aw Amà se itawal tadon te Timanem, so amay tadon den sikandin,

2 Timoteo 1:7

Imbegay te Timanem se Espiritu Santo kenitadon kenà amon megketalaw kidon, meneng imbegay din amon megkagsen kidon, aw megkedakel se pedowan tadon, aw meketameng kidon te ibeg tadon.

Menge Hebreo 12:28

Yan keilangan megpesiontong kidon diyà te Timanem so sinakop kidon din diyà te peglowan din eked palos kebàti. Keilangan megsimba kidon heman kandin onawa te ibeg din inangen tadon, aw megsagman kidon heman kandin,

Santiago 2:19

Aw mikagi kaw te nemenal kaw den te olò sebad se Timanem, mèpiya iyan, meneng eden niyo aw botong se pegpemenal niyo kenyan. Pengkey bosaw eleg heman nemenal kenyan, aw egtegengtangen dan tandà te lamit dan kandin, meneng kenà dan man egtaking te Timanem.

1 Juan 4:12

Wedad palos otaw kimità te Timanem. Meneng aw megpedekelay kidon te pedowan, yan se pengilala te eg-ogpà se Timanem diyà te pedowan tadon, aw mesikop heman se kedakel te pedowan din diyà kenitadon.