1 Juan 4:17 - Manobo Sarangani

¹⁷ So sikitadon diyà kandin, aw mesikop se kedakel te pedowan din kenitadon, yan ketegahan tadon te wedad medaet kitaen te Timanem kidoen te pedowan tadon aw domateng se aldaw te peg-okom te Timanem te kedita te otaw. Pengkey dini kidon pa te keneyonan, meneng iling ki Cristo se kenitadon pegkeotawun.

1 Juan 4:17 ပူးပေါင်းရင်းမြစ်များ

1 Juan 4:12

Wedad palos otaw kimità te Timanem. Meneng aw megpedekelay kidon te pedowan, yan se pengilala te eg-ogpà se Timanem diyà te pedowan tadon, aw mesikop heman se kedakel te pedowan din diyà kenitadon.

1 Juan 2:28

Nayan menge batà ko te pegpemenal, peg-ogpà kaw diyà ki Cristo amon eked kaw kelemitan aw eked kaw keyàyà te peglikò din.

1 Juan 3:3

Aw ontò egpeliman se otaw te metoman iyan, yan se otaw megpelobos te kandin pedowan wedad salà iling ki Cristo.

1 Juan 2:5

Meneng se otaw egtolò te kagi te Timanem, yan se otaw ontò nelobos se kedakel te pedowan din diyà te Timanem. Yan se pengilala te ontò kidon den diyà te Timanem.

Roma 8:29

Gebii lekat te keteboan te keneyonan, tapay netaga-taga se Timanem aw sinu se megpesakop diyà kandin. Miglalang sikandin meg-inang kenitadon iling te Batà din si Jesus, so ibeg din meinang se kedita tadon iling te telekedowa, aw meinang si Jesus iling te kakay tadon.

Juan 15:20

Eneng-enengi niyo se inikagi ko diyà kenyo kedengan. Wedad sineligan labi pa melangkaw diyà te amo din. Aw nemilang se menge doma otaw kanak, memilang dan heman kenyo. Aw timolò dan te kanak toladà, tomolò dan heman te kenyo toladà.

1 Juan 3:1

Netegahan tadon den te ontò dakel se pedowan te Timanem Amay kenitadon, so iningedanan kidon din menge batà din, aw yan se ininang din kenitadon. Meneng se menge otaw kenà egtaking te Timanem, wedà dan pemenal te batà kidon te Timanem, so wedà dan pa pemenal te Timanem.

2 Pedro 3:7

Doen aldaw domateng te sonogen din se langit aw tanà egkitaen tadon seini. Olò sikandin mikagi aw yan mesonog. Meneng eked din iyan sonogi singed aw domateng se aldaw te peg-okom din te kedita te otaw wedà pegpesakop diyà kandin, so pegbàtan din dan te apoy.

2 Pedro 2:9

Pineokit kenyan, netegahan tadon te biyasa se Timanem megtabang te otaw egpenimanem amon eked dan peg-inang te salà. Biyasa heman sikandin domaeg te otaw eg-inang te medaet, aw ipetagad din dan lamig te aldaw te pegpelumun din kandan.

Santiago 2:22

Timolò si Abraham te Timanem so nemenal sikandin. Impekità din te nelobos se pegpemenal din pineokit te ininang din.

Mat. 12:36

“Penenalan kaw te kagi ko kenyo seini. Aw domateng se aldaw te peg-okom te Timanem te otaw, ipelumun din se kedita te otaw minikagi te kagi wedad kekemowan.

Mat. 11:24

Eneng-enengi niyo se kagi ko kenyo. Pengkey ipelumun te Timanem se tege Sodoma te modi aldaw tepad te salà dan ontò medaet, meneng labi kaw din pa ipelumun, so wedà kaw pemenal kanak.”

Mat. 11:22

Eneng-enengi niyo se kagi ko seini. Pengkey ipelumun te Timanem se tege Tiro aw tege Sidon, meneng labi kaw din pa ipelumun, so wedà kaw pemenal kanak.

Mat. 10:25

Keilangan meluba se meiskwilahay aw mapet se kelangkaw din diyà te kelangkaw te meistro migtoladà kandin. Keilangan meluba heman se sineligan aw mapet se kelangkaw din diyà te kelangkaw te amo din. Netegahan niyo den te tinawal a te doma otaw Belsebul, se doma ngadan i Satanas. Na, aw medaet se intawal dan te Pengolo niyo, labi pa medaet se itawal dan kenyo menge sakop ko.”

Mat. 10:15

Eneng-enengi niyo se kagi ko kenyo seini. Pengkey ipelumun te Timanem se tege Sodoma aw tege Gomora te modi aldaw tepad te salà dan ontò medaet, meneng labi pa ipelumun te Timanem se otaw eked pegsagman kenyo.”

Santiago 2:13

Aw meg-okom se Timanem te kedita te otaw, eked din keidowi se otaw wedà keido te doma otaw nelimahan. Meneng aw meido se otaw te doma otaw nelimahan, wedad kelemitanan din aw okomen te Timanem.

Juan 17:22

Imbegay ko den kandan se kelangkaw imbegay no kanak, amon megsebad dan te pedowan iling te pegsebad te pedowan ta,

Menge Hebreo 9:27

Keilangan mekesebad se pegkematay te kedita te otaw, aw penga niyan okomen kidon te Timanem.

1 Juan 2:6

Aw eg-ikagi se otaw te diyà sikandin te Timanem, keilangan inangen din se kandin pegkeotawun iling te pegkeotawun i Jesu Cristo.

1 Juan 3:7

Menge batà ko te pegpemenal, keilangan eked kaw keekali te doma otaw, so metòlid olò se otaw aw metòlid se eg-inangen din iling ki Jesu Cristo.