1 Juan 4:15 - Manobo Sarangani

¹⁵ Se otaw mikagi te benal Batà te Timanem si Jesus, yan se otaw doen Timanem diyà kandin, aw diyà heman sikandin te Timanem.

1 Juan 4:15 ပူးပေါင်းရင်းမြစ်များ

Mat. 10:32

“Aw mikagi se otaw diyà te doma te ontò sikandin migpesakop diyà kanak, mikagi a heman diyà te Amay ko doton te langit te sakop ko se otaw sìyan.

Luc. 12:8

“Penenalan kaw te kagi ko seini. Aw mikagi se otaw diyà te doma te ontò sikandin migpesakop diyà kanak Timanem Migpekeotaw, mikagi a heman diyà te menge anghil te Timanem te sakop ko sikandin.

Juan 6:56

Se otaw komaen te onod ko aw minem te dipanog ko, yan se eg-ogpà diyà kanak, aw siak diyà kandin.

Ininang 8:37

Minikagi si Felipe, “Mepakay aw ontò ka den nemenal.” Minikagi se tege Etyopya, “Nemenal a den te si Jesu Cristo se ontò Batà te Timanem.”]

Roma 10:9

Aw mikagi kaw te benal migpesakop kaw den diyà te Pengolo tadon si Jesus, aw memenal kaw te inantay sikandin te Timanem lekat te nematay, yan mekelowà kaw lekat te pelumun te Timanem.

Filipos 2:11

So mikagi se kedita niyan te si Jesu Cristo se Pengolo te kedita dan, Aw yan iduyun dan se Timanem Amay.

1 Juan 2:23

Aw eked pemenal se otaw te Batà te Timanem, eked heman sikandin pegpesakop diyà te Timanem Amay. Meneng aw mikagi se otaw te ontò sikandin nemenal te Batà te Timanem, migpesakop den heman sikandin diyà te Timanem Amay.

1 Juan 2:24

Nayan, keilangan sikopen niyo se pegpemenal niyo diyà te kagi te Timanem intoladà kenyo lekat te pegpemenal niyo ki Jesu Cristo lamig seini, so aw ontò niyo lobosen se pegpemenal niyo diyà te kagi te Timanem, diyà kaw te Timanem Amay aw Batà din.

1 Juan 3:23

Seini se impunù din kenitadon, te keilangan somalig kidon diyà te Batà din si Jesu Cristo, aw megpedekelay kidon heman te pedowan iling te intoladà din kenitadon.

1 Juan 3:24

Se kedita te otaw egtolò te punù te Timanem, diyà dan te Timanem aw se Timanem heman diyà kandan. Netegahan tadon te diyà kenitadon se Timanem so pineokit te Espiritu Santo imbegay din kenitadon.

1 Juan 4:12

Wedad palos otaw kimità te Timanem. Meneng aw megpedekelay kidon te pedowan, yan se pengilala te eg-ogpà se Timanem diyà te pedowan tadon, aw mesikop heman se kedakel te pedowan din diyà kenitadon.

1 Juan 4:2

Seini se pengilala amon ketegahan niyo aw lekat te Espiritu Santo se itoladà dan. Se otaw mikagi te benal migpekeotaw si Jesu Cristo dini te keneyonan, yan se otaw egtoladà te kagi lekat te Timanem.

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

1 Juan 5:5

Se otaw nemenal te si Jesus se Batà te Timanem, yan se mekedaeg te kedita te medaet dini te keneyonan.

2 Juan 1:7

Medita se otaw eglegeb dini te keneyonan aw eg-akal dan te doma otaw, so kenà dan egtoladà te kebenalan tepad te pegpekeotaw i Jesu Cristo. Iling kenyan se eg-ikegiyen te otaw eg-akal aw eg-ato ki Cristo.