1 Juan 4:14 - Manobo Sarangani

¹⁴ Kinità day se Batà te Timanem migpekeotaw, aw mekeikagi kay te benal sikandin insogò te Timanem Amay amon megpelowà te kedita te otaw lekat te salà.

1 Juan 4:14 ပူးပေါင်းရင်းမြစ်များ

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 1:29

Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

Juan 10:36

eden niyo aw migtompuyus a te Timanem pineokit te inikagi ko seini te siak se Batà te Timanem, so pinemallì a din aw insogò a din heman dini te keneyonan.

Juan 12:47

Aw doen otaw dimineg te kebenalan intoladà ko meneng eked tolò kenyan, kenà ko se eglekatan te pelumun kandin. Insogò a dini kenà amon megpelumun a te otaw, meneng amon megpelowà a te otaw lekat te pelumun.

Juan 3:11

Eneng-enengi se kagi ko kamno. Eg-ikegiyen day se netegahan day, aw ipeg-indan day se benal kinità day, meneng wedà kaw pemenal te inikagi day.

Juan 3:32

Eg-indan sikandin te benal kinità din aw dinineg din kidoen te langit, meneng pilabok se egpenenalan te kagi din.

Juan 3:34

Eg-ikagi se insogò te Timanem te kagi lekat te Timanem, so tigkan imbegay te Timanem se Espiritu Santo diyà kandin.

Juan 4:42

Minikagi dan diyà te bayi, “Nemenal kay den kenà olò pineokit te inikagi no kenami, meneng nemenal kay den so nenenalan kay den kandin, aw netegahan day den te ontò sikandin se megpelowà te kedita te otaw.”

Juan 5:39

Gayed kaw egbasa te kagi te Timanem tapay insolat, so aneng-aneng niyo, kebegayan kaw te kaling pedowan wedad temanan pineokit te pegbasa niyo kenyan. Eg-indan se kagi te Timanem te benal tepad kanak,

Ininang 18:5

Meneng pegdateng i Silas aw si Timoteo lekat te Masidonya, yan gayed den migtoladà si Pablo te menge Judiyo te kagi te Timanem te kelikit te aldaw, aw se intoladà din kandan, si Jesus se Misiyas insogò te Timanem.

1 Pedro 5:12

Si Silas se migtelaban kanak te pegsolat ko kani. Sikandin se kedowa tadon te pegpemenal, aw netegahan ko te egkeseligan sikandin. Pengkey pilabok se kagi ko kenyo seini, meneng impesolat ko ini amon meantag se pedowan niyo. Ibeg ko ketegahan niyo te seini se kebenalan ingkeliwat ko diyà kenyo tepad te tabang te Timanem kenitadon. Peg-aneng-aneng kaw gayed tepad kenyan.

1 Juan 4:10

Yan ketegahan tadon aw eden se ontò benal kedakel te pedowan, so kenà kedakel te pedowan tadon diyà te Timanem, meneng kedakel te pedowan te Timanem kenitadon, so insogò din se Batà din amon somelilin kenitadon imetayan, aw amon mekelowà kidon lekat te salà.

1 Juan 5:9

Aw egseligan tadon se kagi te menge otaw, labi pa keseligan se kagi te Timanem, so Timanem se minikagi te benal tepad te Batà din.