1 Juan 4:11 - Manobo Sarangani

¹¹ Menge kedowa egkedekelan ko te pedowan, so ontò dakel se pedowan te Timanem kenitadon, yan keilangan megpedekelay kidon heman te pedowan.

1 Juan 4:11 ပူးပေါင်းရင်းမြစ်များ

Kolasas 3:13

Keilangan megpetebangay kaw. Aw doen otaw meg-inang te salà diyà kenyo, keilangan pegwedaden niyo iyan amon megsebad kaw, so keilangan meg-iling kaw te Pengolo tadon te pegwedad din te menge salà ininang niyo.

Juan 13:34

Doen den kaling punù ko kenyo seini. Pegpedekelay kaw te pedowan. Keilangan megpedekelay kaw te pedowan iling te kedakel te pedowan ko kenyo.

1 Juan 3:23

Seini se impunù din kenitadon, te keilangan somalig kidon diyà te Batà din si Jesu Cristo, aw megpedekelay kidon heman te pedowan iling te intoladà din kenitadon.

Luc. 10:37

Timaba se menenoladà, “Sìyan tege Samarya doen keido din.” Minikagi si Jesus, “Pengkey kenan ka pesalo, keilangan iling heman kenyan se inangen nikaw.”

Efeso 4:31

Ikà niyo egpeogpà te medaet diyà te pedowan. Ikà niyo egkeopal. Ikà niyo egdindil. Ikà niyo egbaet-baet. Ikà niyo heman eg-inang te medaet diyà te doma otaw.

1 Juan 2:7

Menge kedowa ko egkedekelan ko te pedowan, kenà kaling se punù insolat ko kenyo seini, meneng tapay iyan impunù day diyà kenyo, so netegahan niyo iyan lekat te keteboan te pegpemenal niyo ki Cristo kedengan, so dinineg niyo kedengan se punù intoladà day kenyo.

1 Juan 3:11

Seini se kebenalan dinineg niyo lekat te pegpemenal niyo ki Cristo kedengan lamig songkani. Keilangan megpedekelay kidon te pedowan.

1 Juan 4:7

Menge kedowa egkedekelan ko te pedowan, keilangan gayed kidon megpedekelay te pedowan, so Timanem se eglekatan te dakel pedowan. Se otaw doen dakel pedowan din, yan se ininang te Timanem batà din aw egtaking heman te Timanem.

2 Juan 1:5

Simolat a den kamno bayi amon ipeaneng-aneng ko kamno te keilangan megpedekelay kidon te pedowan. Kenà kaling se punù insolat ko kenyo seini, so tapay niyo iyan netegahan lekat te ketebò te pegpemenal niyo ki Cristo kedengan.