1 Juan 4:1 - Manobo Sarangani

¹ Menge kedowa egkedekelan ko te pedowan, ikà niyo egpemenal te kedita te otaw megtoladà kenyo singed aw onà kaw mengemahà aw lekat te Timanem se intoladà dan, so medita se otaw eglegeb-legeb dini te keneyonan aw egpelingo-lingo te telekeliwat dan te kagi te Timanem.

1 Juan 4:1 ပူးပေါင်းရင်းမြစ်များ

Mar. 13:21

“Aw domateng se aldaw sìyan, aw doen otaw mikagi, ‘Na, dini den se Misiyas,’ aw doen otaw mikagi, ‘Na, doton se Misiyas,’ ikà niyo egpemenal kandan,

Luc. 12:57

“Nepela a kenyo so wedà kaw ketaga-taga aw eden se inang metòlid.

Luc. 21:8

Minikagi si Jesus, “Peg-ahà kaw amon eked kaw keekali, so doen kwani medita otaw megpelingo-lingo te insogò ko dan. Mikagi dan te sikandan se Misiyas. Mikagi heman se doma te agpet den domateng se aldaw pinelimanan niyo. Meneng ikà niyo egtaking kandan.

Ininang 17:11

Kenà iling te tege Tesalonika se menge otaw doton te Berya, so ontò measeb se tege Berya egpenenalan te kagi te Timanem. Kelikit te aldaw, migbasa dan te kagi te Timanem insolat amon ketegahan dan aw benal se intoladà i Pablo.

Ininang 20:29

Netegahan ko te doen kwani otaw domateng dini kenyo amon meg-akal dan kenyo, aw kebàtan dan se pegsalig niyo diyà te Timanem.

1 Korinto 12:10

Doen heman doma binegayan te Espiritu Santo te kebiyasa amon mekeinang te metolos inang diyà te doma otaw. Doen doma otaw mekekeliwat te kagi te Timanem. Se sebad otaw, doen imbegay kandin kebiyasa amon ketegahan din aw kenan lekat se tolos, aw lekat iyan te Timanem aw lekat te bosaw. Se sebad otaw, doen imbegay kandin amon mekeikagi te menge doma kagi eked din kelebeti. Se sebad otaw, doen imbegay kandin kebiyasa amon mekeobad te kagi eked kelebeti.

1 Korinto 14:29

Aw doen otaw kidoen kenyo biyasa komeliwat te kagi te Timanem, mepakay aw dowa aw kenà telo olò se mikagi, aw keilangan menenalan se kedita megsimba, amon ketegahan dan aw metòlid se ikegiyen dan.

1 Tesalonika 5:20

Ikà niyo egkulu te kagi ikeliwat te Timanem kenyo,

1 Tesalonika 5:21

meneng peg-ahà kaw aw keseligan se kedita. Aw keseligan se kagi ikeliwat kenyo, tolò kaw kenyan.

2 Tesalonika 2:2

te keilangan eked pegkebulung se aneng-aneng niyo te pegdineg niyo te dimateng den ekon se aldaw te peglikò te Pengolo tadon. Ikà niyo egketetana pengkey doen otaw mikagi te yan se impekeliwat te Timanem kandin, pengkey doen otaw egtoladà kenyan, aw pengkey yan ekon se insolat day.

1 Timoteo 4:1

Mebangal se intoladà te Espiritu Santo te doen menge otaw somoway lekat te pegsalig dan ki Cristo aw agpet se temanan te keneyonan. Meneng tomolò dan te bosaw biyasa eg-akal, aw memenal dan te kebolalaw itoladà te bosaw.

2 Timoteo 3:13

Meneng se menge otaw eg-inang te medaet aw egpelingo-lingo te egpemenal dan, yan se otaw gayed meg-inang te labi pa medaet. Meg-akal dan te doma otaw, aw ekalan dan heman te doma otaw.

2 Pedro 2:1

Gebii doen menge otaw migpelingo-lingo te telekeliwat dan te kagi te Timanem, aw doen heman menge otaw megtoladà songkani megpelingo-lingo te lekat te Timanem se ipegtoladà dan. Meneng kebolalaw se itoladà dan, aw yan se mekedaet te pegsalig niyo diyà te Timanem. Eked dan keibeg aw lomowan kandan se Pengolo tadon migtansò kandan, aw yan egpedetengen dan se kededàtan te eked kenamay.

1 Juan 2:18

Menge batà ko te pegpemenal, agpet den se temanan te keneyonan. Tapay niyo dinineg te doen pa sebad otaw domateng mato ki Cristo aw megpelangkaw-langkaw peden diyà kandin. Doen medita eg-ato ki Cristo dimateng den, aw yan netegahan tadon te agpet den se temanan te keneyonan.

1 Juan 2:7

Menge kedowa ko egkedekelan ko te pedowan, kenà kaling se punù insolat ko kenyo seini, meneng tapay iyan impunù day diyà kenyo, so netegahan niyo iyan lekat te keteboan te pegpemenal niyo ki Cristo kedengan, so dinineg niyo kedengan se punù intoladà day kenyo.

2 Juan 1:7

Medita se otaw eglegeb dini te keneyonan aw eg-akal dan te doma otaw, so kenà dan egtoladà te kebenalan tepad te pegpekeotaw i Jesu Cristo. Iling kenyan se eg-ikegiyen te otaw eg-akal aw eg-ato ki Cristo.

3 Juan 1:11

Kedowa egkedekelan ko te pedowan, ikà eg-iling te otaw eg-inang te medaet, meneng peg-iling ka te otaw eg-inang te mèpiya. Se otaw eg-inang te mèpiya, yan se otaw migpesakop diyà te Timanem. Meneng se otaw eg-inang te medaet, yan se wedà ketaga-taga te Timanem.

Impekità 2:2

Netegahan ko se kedita te eg-inangen niyo. Netegahan ko heman te measeb kaw, aw medalem heman se pedowan niyo te pegtayod niyo te kelimahan. Netegahan ko heman te egsegdahen niyo se otaw eg-inang te medaet kidoen kenyo. Tinandà niyo se otaw egpelingo-lingo te sogounun dan i Cristo, aw kinità niyo te bolelawun dan.