1 Juan 3:9 - Manobo Sarangani

⁹ Se otaw ininang te Timanem batà din, yan se otaw kenà eg-inang te salà so binegayan sikandin te kaling pedowan lekat te Timanem. Eked sikandin peg-inang te salà so ininang den sikandin batà te Timanem.

1 Juan 3:9 ပူးပေါင်းရင်းမြစ်များ

Mat. 7:18

Aw mèpiya se kayo, eked iyan pongo te medaet. Aw medaet se kayo, eked iyan heman pongo te mèpiya.

Juan 1:13

Pegkeinang dan batà te Timanem, kenà iyan iling te pegtebaw te otaw dini te keneyonan. Kenà iyan heman lekat te ibeg aw aneng-aneng te otaw. Meneng lekat te ibeg te Timanem, ininang din dan menge batà din.

Juan 3:3

Minikagi si Jesus, “Eneng-enengi se kagi ko kamno. Aw eked todà tebaw se otaw, eked sikandin kesakop diyà te peglowan te Timanem.”

Ininang 4:20

Eked kay lengà te peg-indan te benal kinità aw dinineg day.”

Roma 6:2

Meneng eked iyan kepakay. Pegpesakop tadon diyà ki Cristo, iling kidon te otaw nematay so eked kidon den keibeg te salà. Yan eked den heman kepakay aw meg-inang kidon te salà.

Galasya 5:17

Eked pegsebad se medaet ibeg niyo aw ibeg te Espiritu Santo. Yan se doun te egdowa-dowa se aneng-aneng niyo, aw yan doen belabag te ibeg niyo inangen.

Tito 1:2

Insogò a amon ipetaga-taga ko kandan te doen egpelimanan tadon, sìyan kaling pedowan wedad temanan impakang te Timanem gebii. Kenà egkebolalaw se Timanem,

1 Pedro 1:23

Todà kaw den timebaw kenà pineokit te otaw, meneng pineokit te kagi te Timanem wedad temanan egpemegay te kaling pedowan wedad temanan.

1 Juan 2:29

So netegahan niyo den te metòlid se Batà te Timanem si Cristo, yan se doun te keilangan ketegahan niyo heman ini. Aw metòlid se eg-inangen te otaw, yan se pengilala te ininang dan te Timanem menge batà din.

1 Juan 3:6

aw yan kenà eg-inang te salà se otaw eg-ogpà diyà kandin. Meneng aw gayed eg-inang se otaw te salà, yan se pengilala te wedà pa sikandin pemenal ki Cristo, aw wedà pa heman taking kandin.

1 Juan 4:7

Menge kedowa egkedekelan ko te pedowan, keilangan gayed kidon megpedekelay te pedowan, so Timanem se eglekatan te dakel pedowan. Se otaw doen dakel pedowan din, yan se ininang te Timanem batà din aw egtaking heman te Timanem.

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

1 Juan 5:18

Netegahan tadon ini. Aw ininang kidon den menge batà te Timanem, yan kenà kidon egpedeleg eg-inang te salà, so egtonggoan kidon te Batà te Timanem amon eked kidon pegtindàti i Satanas.

1 Juan 5:4

so se kedita tadon menge batà te Timanem, mekedaeg kidon te kedita te medaet dini te keneyonan, so nekedaeg kidon den te medaet pineokit te kebenalan pinemenalan tadon.

3 Juan 1:11

Kedowa egkedekelan ko te pedowan, ikà eg-iling te otaw eg-inang te medaet, meneng peg-iling ka te otaw eg-inang te mèpiya. Se otaw eg-inang te mèpiya, yan se otaw migpesakop diyà te Timanem. Meneng se otaw eg-inang te medaet, yan se wedà ketaga-taga te Timanem.