1 Juan 3:8 - Manobo Sarangani

⁸ Meneng sakop i Satanas se otaw gayed megpedeleg te peg-inang te salà, so gayed migpedeleg si Satanas te peg-inang te salà lekat te gebii te wedà pa inangi se keneyonan lamig songkani. Yan migpekeotaw se Batà te Timanem si Jesus amon pegbàtan din se kedita te medaet inang i Satanas.

1 Juan 3:8 ပူးပေါင်းရင်းမြစ်များ

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Mat. 12:28

Meneng aw pineokit te Espiritu Santo se pegpelowà ko te bosaw lekat te otaw, yan ketegahan niyo te dimateng den dini kenyo se peglowan te Timanem.

Mat. 13:38

Se pawà, yan se keneyonan. Se mèpiya benì, yan se menge otaw migpesakop diyà te peglowan te Timanem. Meneng se sagbet, yan se menge sakop i Satanas.

Mat. 4:3

Dimateng si Satanas aw minikagi sikandin, “Aw ontò ka Batà te Timanem, inangi pan se menge bato seini pineokit te tolos no amon doen kànen nikaw.”

Mar. 1:24

Timawal sikandin, “Tay, Jesus tege Nasarit. Ikà eg-inabut kenami. Ikà egbaet kenami. Netegahan ko aw sinu ka. Sikona se metòlid otaw insogò te Timanem.”

Luc. 10:18

Minikagi si Jesus, “Dimaeg kaw kandan so kinità ko se pegkedagdag i Satanas lekat te langit iling te kilem.

Juan 12:31

Lekat seini, ipelumun te Timanem se kedita te poon din dini te keneyonan. Dàgen din heman se pengolo te medaet dini te keneyonan si Satanas.

Juan 16:11

Ipetaga-taga din heman te metoman dan ipelumun te Timanem, so dinaeg se pengolo te medaet dini te keneyonan.

Juan 8:44

Si Satanas se ontò amay niyo, aw se ibeg din medaet, yan heman se ibeg niyo inangen. Lekat te ketebò te keneyonan, egpengimatay sikandin. Wedad palos labut din te kebenalan, so wedad kebenalan diyà kandin. Aw megkebolalaw sikandin, yan se ketanem te pedowan din, so bolelawun sikandin, aw sikandin se eglekatan te kedita te kebolalaw.

Roma 16:20

Timanem se egpemegay te kelinaw te pedowan, aw sikandin se mekedaeg ki Satanas te eked kenamay amon wedad mebatog din inangen diyà kenyo. Ibeg ko, tebangan kaw te Pengolo tadon si Jesu Cristo.

Efeso 2:2

Kedengan, gayed kaw egpekesalà. Mig-iling kaw te otaw eg-inang te salà dini te keneyonan. Timolò kaw ki Satanas, pengolo te kedita te bosaw. Sikandin se egbayà-bayà te kedita te otaw kenà egtolò te Timanem.

Kolasas 2:15

Dinaeg te Timanem se kedita te metolos aw eglowan, aw impetaga-taga din te kedita tadon te nenalo den sikandin diyà te kedita dan pineokit te pegkematay i Jesus doton te kros.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

Menge Hebreo 2:14

Sikitadon doen lawa egkematay se menge batà te Timanem sìyan. Yan migpekeotaw heman si Jesus amon matay sikandin, so pineokit te pegkematay din, dinaeg din den se eglekatan te kemetayun si Satanas.

Menge Hebreo 9:26

Simpana kenà iyan botong, keilangan melikit se pegkematay din lekat te keteboan te keneyonan lamig songkani. Meneng kenà iling kenyan si Cristo, so mekesebad olò se peg-inang din songkani te wedà pa dateng se temanan te keneyonan, aw botong den iyan. Migpekeotaw sikandin amon mengabat te salà tadon pineokit te pegpemegay te kandin lawa te pegkematay din.

2 Pedro 2:4

Gebii doen menge anghil mig-inang te salà, meneng wedà din dan keidowi, so impeibing din dan doton te kilot. Impegapos din dan doton te kengitngitan lamig domateng se aldaw te peg-okom.

1 Juan 1:2

Impekità sikandin egpemegay te kaling pedowan, aw kimità kay kandin, aw benal se kagi day te kinità day sikandin. Megtoladà kay heman kenyo te sikandin se egpemegay te kaling pedowan wedad temanan, aw sikandin se gayed egdoma te Timanem Amay, aw sikandin se dimini amon megpekità diyà kenami.

1 Juan 3:10

Seini se pengilala amon ketegahan tadon aw sinu se menge batà te Timanem aw menge batà i Satanas. Aw doen otaw kenà metòlid se eg-inangen din aw wedad kedakel te pedowan din te menge doma otaw, yan se otaw kenà batà te Timanem.

1 Juan 3:5

Netegahan niyo den te migpekeotaw si Jesu Cristo amon pegwedaden te Timanem se menge salà te otaw. Wedad palos salà i Jesu Cristo,

1 Juan 5:19

Netegahan tadon te sakop kidon te Timanem. Meneng se kedita te otaw egtaking te medaet dini te keneyonan, yan se menge sakop i Satanas.

Judas 1:6

Gebii doen heman menge anghil wedà tolò te Timanem, aw timanan dan te kandan ogpeanan. Tandà te peg-inang dan te medaet sìyan, impegapos din dan te sengkalì eked palos kelebad, aw impetagad din dan doton te kengitngitan lamig domateng se aldaw te peg-okom din kandan.

Impekità 20:10

Penga niyan, in-agbel se mig-akal kandan si Satanas doton te lanaw apoy aw esopri tapay inegbelan te menenanap mebolot aw telekeliwat din te kebolalaw. Elegen dan te aldaw aw delem te wedad palos temanan.

Impekità 20:15

Se otaw wedà kitai se ngadan dan kidoen te libro sinolatan te ngadan te kedita te otaw binegayan te kaling pedowan wedad temanan, yan se in-agbel doton te lanaw apoy.