1 Juan 3:4 - Manobo Sarangani

⁴ Aw meg-inang se otaw te salà, punù te Timanem se linèpangan din, so se pegpekesalà, yan se peglàpang te punù te Timanem.

1 Juan 3:4 ပူးပေါင်းရင်းမြစ်များ

1 Juan 5:17

Se kedita te eg-inangen tadon medaet, yan se salà, meneng doen salà kenà egdateng te kemetayun wedad temanan.

Roma 3:20

Yan se doun te wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises, so pineokit te pegketaga-taga tadon te menge punù ingkeliwat i Moises, netegahan tadon te salà se eg-inangen tadon.

2 Korinto 12:21

Pengkey metòlid se intoladà ko kenyo, meneng netetana a so meyàyà a diyà te Timanem aw domateng a kidoen kenyo tandà te salà niyo. Melidò a aw doen pa menge otaw nemenal kidoen kenyo wedà pegselsel te peg-inang dan te medaet kedengan, aw peglayok dan te kenà kandan esawa, aw pegkemetibayi dan.

Roma 4:15

Keilangan ipelumun te Timanem se kedita te otaw tandà te peglàpang dan te menge punù ingkeliwat i Moises. Eked kepakay se otaw eked làpang te punù singed aw wedad punù.

Santiago 5:15

Aw megtawal-tawal se otaw egsalig diyà te Timanem, kegolian te Timanem se otaw nesekitan. Aw doen salà ininang din, pegwedaden iyan te Timanem.

Mat. 5:19

Aw doen otaw megwedad peden te pengkey sebad punù te Timanem, aw megtoladà kenyan diyà te doma otaw, yan se otaw ontò medanà doton te peglowan te Timanem. Meneng aw tomolò se otaw te kedita te punù te Timanem aw megtoladà te doma otaw kenyan, yan se otaw ontò melangkaw doton te peglowan te Timanem.

Ininang 23:3

Penga niyan, minikagi si Pablo diyà ki Ananias, “Ipelumun ka te Timanem, so eden nikaw aw ontò ka egtaking diyà te Timanem. Eden nikaw aw siak se limàpang te punù ingkeliwat i Moises, meneng sikona se limàpang te punù ingkeliwat i Moises, so impesampak a nikaw.”