1 Juan 3:3 - Manobo Sarangani

³ Aw ontò egpeliman se otaw te metoman iyan, yan se otaw megpelobos te kandin pedowan wedad salà iling ki Cristo.

1 Juan 3:3 ပူးပေါင်းရင်းမြစ်များ

2 Korinto 7:1

Menge kedowa ko egkedekelan ko te pedowan, so yan se menge pakang te Timanem kenitadon, mèpiya aw ontò tadon lobosen se aneng-aneng aw eg-inangen tadon, amon ontò kidon megketòlid pineokit te pegtolò tadon te Timanem.

1 Juan 2:6

Aw eg-ikagi se otaw te diyà sikandin te Timanem, keilangan inangen din se kandin pegkeotawun iling te pegkeotawun i Jesu Cristo.

2 Pedro 3:14

Nayan, kedita niyo egkedekelan ko te pedowan, dalem te pegtagad niyo te aldaw sìyan, keilangan megpekeaseb kaw menimanem amon wedad salà niyo isila te Timanem, aw amon melinaw se pedowan niyo.

Mat. 5:48

Yan, keilangan melobos se pedowan niyo iling te kelobos te pedowan te Amay niyo Timanem doton te langit.”

Menge Hebreo 12:14

Pegpekeaseb kaw te pegsebad te pedowan niyo diyà te kedita te doma otaw. Pegpekeaseb kaw heman meg-inang te metòlid, so wedad palos otaw meg-ogpà doma te Pengolo tadon singed aw metòlid dan.

Menge Hebreo 7:26

Yan si Jesus se Telekagon neketepad kenitadon. Ontò sikandin metòlid. Wedad palos salà din so wedad medaet ininang din. Kenà sikandin iling te otaw egpekesalà. Ininang sikandin te Timanem ontò melangkaw diyà te kedita, pengkey doton te langit.

Kolasas 1:5

Yan se eg-inangen niyo, so kedengan te pegdineg niyo te kebenalan tepad ki Cristo, nemenal kaw te doen ontong ibegay kenyo doton te langit. Yan se Mèpiya Indan

Ininang 15:9

Eden niyo aw olò menge Judiyo se linisan din te pedowan lekat te salà, meneng eleg din heman linisan se pedowan te menge otaw kenà Judiyo pineokit te pegpemenal dan kandin.

Tito 3:7

Yan se ininang din amon pineokit te keido din, meg-aneng-aneng se Timanem te metòlid kidon, aw amon metoman kidon begayan te kaling pedowan egpelimanan tadon.

2 Pedro 1:4

Lekat te kèpiya te pedowan din, meelagà aw ontò mèpiya se pakang din kenyo amon pineokit kenyan meketig-apò kaw te kandin ketanem, aw amon eked kaw pekeinang te mekedaet ibeg te pedowan te otaw dini te keneyonan.

Luc. 6:36

Keilangan egkeido kaw te doma iling te keido te Amay niyo Timanem.”

1 Juan 4:17

So sikitadon diyà kandin, aw mesikop se kedakel te pedowan din kenitadon, yan ketegahan tadon te wedad medaet kitaen te Timanem kidoen te pedowan tadon aw domateng se aldaw te peg-okom te Timanem te kedita te otaw. Pengkey dini kidon pa te keneyonan, meneng iling ki Cristo se kenitadon pegkeotawun.

Menge Hebreo 6:18

Yan dowa se ininang din. Migpakang sikandin, aw impesipat din se kandin ngadan diyà te pakang din. Pineokit te didowa sìyan, netegahan tadon te eked palos ketodà se pakang din, aw eked palos heman sikandin pegkebolalaw. Yan se doun te megkagsen se pedowan te kedita tadon migpesakop diyà kandin, aw melobos se pegpeliman tadon te impakang din.

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

Roma 15:12

Doen heman insolat i Isaias gebii, “Lekat te menge bowad-bowad i Isai, doen sebad otaw domateng amon lomowan diyà te menge otaw kenà Judiyo, aw sikandin se seligan dan.”

Juan 17:19

Amon ketebangan ko dan, ibegay ko den kamno se pegkeotawun ko tomolò te ibeg no, amon memegay dan heman kamno te pegkeotawun dan aw melobos heman se pegtolò dan te ibeg no kandan.

Santiago 4:8

Aw megpedapag kaw diyà te Timanem, megpedapag heman sikandin diyà kenyo. Sikiyo eg-inang te salà, lengà kaw den. Sikiyo otaw egdowa-dowa te kenyo pegpenimanem, ontò niyo den lobosi se pedowan niyo.

1 Pedro 1:3

Iduyun se Timanem, Amay te Pengolo tadon si Jesu Cristo. Ontò kidon neidowan te Timanem, aw binegayan kidon din te kaling pedowan. Yan doen egpelimanan tadon tandà te pegkeantay i Jesu Cristo lekat te nematay.

1 Pedro 1:15

So wedad palos salà te Timanem timawal kenyo, yan keilangan wedad palos heman salà inangen niyo.