1 Juan 3:23 - Manobo Sarangani

²³ Seini se impunù din kenitadon, te keilangan somalig kidon diyà te Batà din si Jesu Cristo, aw megpedekelay kidon heman te pedowan iling te intoladà din kenitadon.

1 Juan 3:23 ပူးပေါင်းရင်းမြစ်များ

Mat. 22:39

Seini se punù neketondog kenyan. Kedekeli niyo te pedowan se doma otaw iling te peg-aneng-aneng niyo te kenyo pegkeotawun.

Mar. 9:7

Penga niyan, doen labon dimateng diyà kandan, aw wedà dan ebey kità kandan. Penga niyan, dinineg dan se kagi te Timanem lekat te labon, “Seini se Batà ko aw ontò dakel se pedowan ko kandin. Keilangan sikandin se penenelanen niyo.”

Juan 1:12

Meneng pengkey sinu se migsagman kandin aw nemenal kandin, yan se otaw mepakay meinang menge batà te Timanem.

Juan 13:34

Doen den kaling punù ko kenyo seini. Pegpedekelay kaw te pedowan. Keilangan megpedekelay kaw te pedowan iling te kedakel te pedowan ko kenyo.

Juan 14:1

Minikagi si Jesus diyà te menge tinoledaan din, “Ikà niyo egketetana. Pemenal kaw te Timanem. Pemenal kaw heman kanak.

Juan 15:12

Seini se ipunù ko kenyo. Keilangan megpedekelay kaw te pedowan iling te kedakel te pedowan ko kenyo.

Juan 17:3

Seini se otaw doen kaling pedowan wedad temanan, se otaw netaga-taga kamno, sebad no se ontò benal Timanem, aw netaga-taga heman kanak, si Jesu Cristo insogò no dini te keneyonan.

Juan 2:23

Peg-ogpà i Jesus doton te Jerusalem dalem te Pista te Pegpelowà, medita se otaw nemenal kandin, so kinità dan se menge kepelahan ininang din.

Juan 3:18

Aw memenal se otaw diyà te Batà te Timanem, eked dan pelumuni te Timanem. Meneng aw eked dan pemenal, netegahan den te metoman dan ipelumun, so wedà dan pemenal diyà te Batà te Timanem temisa.

Juan 6:29

Timaba si Jesus, “Seini se ibeg te Timanem inangen niyo. Pemenal kaw kanak, so insogò a te Timanem.”

Ininang 16:31

Timaba dan, “Pemenal ka te Pengolo si Jesus amon mekelowà ka lekat te salà, sikona aw menge doma otaw eg-ogpà diyà te balay nikaw.”

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

1 Tesalonika 4:9

Wedad den keilangan te doen megtoladà kenyo tepad te pegpedekelay niyo te pedowan, so tinoledaan kaw den te Timanem te keilangan megpedekelay kaw te pedowan,

1 Timoteo 1:15

Benal se eg-ikegiyen seini, aw keilangan ontò tadon pemenalen. Dimini si Jesu Cristo te keneyonan amon megpelowà te otaw lekat te salà sipat siak ontò medaet diyà te kedita te otaw nekesalà.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

1 Pedro 4:8

Ontò keilangan te gayed kaw megpedekelay te pedowan, so aw dakel se pedowan niyo te doma otaw, mebatog niyo pegwedaden se ontò medita salà dan diyà kenyo.

1 Juan 2:7

Menge kedowa ko egkedekelan ko te pedowan, kenà kaling se punù insolat ko kenyo seini, meneng tapay iyan impunù day diyà kenyo, so netegahan niyo iyan lekat te keteboan te pegpemenal niyo ki Cristo kedengan, so dinineg niyo kedengan se punù intoladà day kenyo.

1 Juan 3:11

Seini se kebenalan dinineg niyo lekat te pegpemenal niyo ki Cristo kedengan lamig songkani. Keilangan megpedekelay kidon te pedowan.

1 Juan 4:15

Se otaw mikagi te benal Batà te Timanem si Jesus, yan se otaw doen Timanem diyà kandin, aw diyà heman sikandin te Timanem.

1 Juan 4:21

Seini se impunù te Timanem kenitadon. Se otaw dakel se pedowan din te Timanem, yan se otaw keilangan dakel heman se pedowan din te menge doma din.

1 Juan 5:13

Sinolatan ko sikiyo nemenal den diyà te Batà te Timanem amon ontò niyo ketegahan te doen den kaling pedowan niyo wedad temanan.