1 Juan 3:21 - Manobo Sarangani

²¹ Menge kedowa egkedekelan ko te pedowan, so netegahan tadon den te wedad den salà tadon, eked den kepuluk se pedowan tadon, aw wedad heman medaet kitaen te Timanem kidoen te pedowan tadon.

1 Juan 3:21 ပူးပေါင်းရင်းမြစ်များ

1 Juan 2:28

Nayan menge batà ko te pegpemenal, peg-ogpà kaw diyà ki Cristo amon eked kaw kelemitan aw eked kaw keyàyà te peglikò din.

Menge Hebreo 4:16

So doen Telekagon tadon, yan se doun te eked kidon sagkà te peg-apot tadon diyà te Timanem gayed egpenabang, amon keidowan kidon din, aw amon tebangan kidon din aw doen kelimahan tadon.

2 Korinto 1:12

Ontò a neluba, so netegahan ko te ontò metòlid se keogpà ko. Pengkey kenan a pesalo, aw labi pa doton kenyo, metòlid se keogpà ko aw mèpiya heman se tod ko kenà pineokit te kenaken kebiyasa, meneng pineokit te tabang te Timanem kanak.

1 Juan 5:14

Egseligan tadon sikandin, so pengkey eden se pemoyoen tadon meketepad te kandin ibeg, yan menenalan sikandin.

1 Juan 4:17

So sikitadon diyà kandin, aw mesikop se kedakel te pedowan din kenitadon, yan ketegahan tadon te wedad medaet kitaen te Timanem kidoen te pedowan tadon aw domateng se aldaw te peg-okom te Timanem te kedita te otaw. Pengkey dini kidon pa te keneyonan, meneng iling ki Cristo se kenitadon pegkeotawun.

Menge Hebreo 10:22

Keilangan megpedapag kidon den diyà te Timanem te doen pegkelobos te pedowan tadon somalig diyà kandin. Melinis den se pedowan tadon aw aneng-aneng tadon so iling te winilikan kidon te dipanog aw lininisan kidon te wayeg.

1 Korinto 4:4

Pengkey wedad netegahan ko medaet diyà te neinang ko, meneng wedà a keinang metòlid pineokit kenyan, so Pengolo olò se netaga-taga aw metòlid a.

1 Timoteo 2:8

Ibeg ko megtawal-tawal se menge meama doton te kedita ogpeanan. Keilangan metòlid se eg-inangen dan. Keilangan eked dan keopal, aw eked dan heman pegdindil.

Roma 14:22

Pengkey eden se aneng-aneng niyo tepad te ketanem egtekingan niyo, ikà niyo egpetaga-taga kenyan diyà te doma otaw, so botong aw Timanem olò se metaga-taga kenyan. Meluba se otaw netaga-taga den te metòlid se ketanem pinemallì din egtekingan.

Efeso 3:12

So nemenal kidon den ki Cristo, yan se doun te wedad den lamit tadon megpedapag diyà te Timanem. Eked kidon den sagkà te pegtawal-tawal tadon diyà kandin.

1 Juan 2:7

Menge kedowa ko egkedekelan ko te pedowan, kenà kaling se punù insolat ko kenyo seini, meneng tapay iyan impunù day diyà kenyo, so netegahan niyo iyan lekat te keteboan te pegpemenal niyo ki Cristo kedengan, so dinineg niyo kedengan se punù intoladà day kenyo.

1 Juan 3:2

Menge kedowa egkedekelan ko te pedowan, batà kidon den te Timanem. Pengkey wedà tadon pa ketegahi aw eden se keilingan tadon te modi aldaw, meneng netegahan tadon te mekeiling kidon ki Cristo aw lomikò sikandin, so ontò tadon sikandin kitaen.

1 Juan 3:20

Pengkey melidò se pedowan tadon tandà te peg-inang tadon te salà kedengan, meneng labi pa melangkaw se keido te Timanem, so netaga-taga sikandin te kedita pengkey wedà tadon ketegahi.