1 Juan 3:20 - Manobo Sarangani

²⁰ Pengkey melidò se pedowan tadon tandà te peg-inang tadon te salà kedengan, meneng labi pa melangkaw se keido te Timanem, so netaga-taga sikandin te kedita pengkey wedà tadon ketegahi.

1 Juan 3:20 ပူးပေါင်းရင်းမြစ်များ

Menge Hebreo 4:13

Wedad palos mekeeles diyà te Timanem, so egkitaen din se kedita, aw sikandin se meg-okom te kenitadon eg-inangen.

1 Korinto 4:4

Pengkey wedad netegahan ko medaet diyà te neinang ko, meneng wedà a keinang metòlid pineokit kenyan, so Pengolo olò se netaga-taga aw metòlid a.

1 Juan 4:4

Menge batà ko te pegpemenal, diyà kaw den te Timanem aw yan domaeg kaw te kedita dan egkeliwat te kagi kenà lekat te Timanem, so doen eg-ogpà diyà te pedowan niyo labi pa melangkaw diyà ki Satanas pengolo te medaet otaw dini te keneyonan.

Juan 21:17

Mig-insà si Jesus te iketelo, “Simon, batà i Juan, ontò lay dakel se pedowan no kanak?” Nelidò se pedowan i Pedro so mig-insà si Jesus kandin te iketelo aw ontò dakel se pedowan din kandin. Timaba sikandin, “Pengolo, netegahan no se kedita. Netegahan no te ontò dakel se pedowan ko kamno.” Minikagi si Jesus, “Peg-ipat ka te menge sakop ko egkedekelan ko te pedowan.

Impekità 2:23

Imetayan ko se kedita te tinoledaan din, amon ketegahan te kedita te otaw egpemenal te siak se netaga-taga te kedita kidoen te pedowan niyo, aw begayan ko se teg sebad-sebad kenyo te ontong tepad te ininang niyo.

Tito 3:11

Ketegahan no te simoway se otaw iling kenyan lekat te kebenalan, so ipetaga-taga din iyan pineokit te peg-inang din te salà.

Juan 8:9

Pegdineg te menge Parisiyo te inikagi din, neyàyà dan aw nesayo se kedita dan teg sebad-sebad. Menge obanen se onà nesayo. Nesamà olò se bayi aw si Jesus.

Menge Hebreo 6:13

Nayan, peg-aneng-aneng kaw den tepad ki Abraham. Gebii te pegpakang te Timanem kandin, ibeg din metaga-taga si Abraham te metoman se pakang din sìyan, aw yan se doun te impesipat din se kandin ngadan diyà te pakang din, so wedad palos ngadan labi pa melangkaw diyà te kandin ngadan.

Ininang 5:33

Pegdineg dan kenyan, ontò den neopal se pedowan dan, aw ibeg dan imetayan se menge sogounun i Cristo.

Roma 8:34

Wedad palos heman mekeikagi te keilangan ipelumun kidon. Nematay si Jesu Cristo simelilin kenitadon. Meneng neantay heman sikandin lekat te nematay, aw eglowan den sikandin doma te Timanem Amay din doton te langit, aw egpemoyò den sikandin diyà te Timanem Amay din te itabang din kenitadon.

1 Juan 3:19

Aw megtabang kidon te doma otaw, yan ketegahan tadon te ontò kidon diyà te kebenalan, aw mekesinalay kidon heman te pedowan tadon egkitaen din.

1 Juan 3:21

Menge kedowa egkedekelan ko te pedowan, so netegahan tadon den te wedad den salà tadon, eked den kepuluk se pedowan tadon, aw wedad heman medaet kitaen te Timanem kidoen te pedowan tadon.