1 Juan 3:2 - Manobo Sarangani

² Menge kedowa egkedekelan ko te pedowan, batà kidon den te Timanem. Pengkey wedà tadon pa ketegahi aw eden se keilingan tadon te modi aldaw, meneng netegahan tadon te mekeiling kidon ki Cristo aw lomikò sikandin, so ontò tadon sikandin kitaen.

1 Juan 3:2 ပူးပေါင်းရင်းမြစ်များ

Mat. 5:8

“Doen keluba te kedita te otaw melobos se pedowan dan tomaking te Timanem, so komità dan kwani kandin.

Luc. 17:30

Kesàban heman iling kenyan se otaw kenà egpeketagad te aldaw aw ipekità a Timanem Migpekeotaw.

Luc. 20:36

Eked dan todà kematay, so iling dan te menge anghil. Meinang dan menge batà te Timanem, so entayen din dan lekat te nematay.

Juan 1:12

Meneng pengkey sinu se migsagman kandin aw nemenal kandin, yan se otaw mepakay meinang menge batà te Timanem.

Juan 11:52

Kenà olò menge Judiyo se ketebangan din, meneng sekopen te Timanem se kedita te otaw inangen din menge batà din, pengkey kenan dan peg-ogpà.

Juan 17:24

“Amà, se menge otaw insalig no diyà kanak, ibeg ko gayed dan meg-ogpà doma kanak kidoen te langit, amon komità dan te kelangkaw ko imbegay no kanak, so dakel se pedowan no kanak gebii te wedà pa inangi se keneyonan.

Roma 8:16

so Espiritu Santo se egpetaga-taga kenitadon te menge batà kidon den te Timanem.

Roma 8:18

Pengkey egpemilangen kidon dini lanto te tanà, meneng aneng-aneng ko aw kinewaen tadon se kèpiyaan impetagad te Timanem kenitadon, kelibelan tadon se kelimahan sìyan,

Roma 8:19

so egpeliman se kedita te ininang te Timanem te aldaw domateng aw ipekità din se kedita te menge batà din.

Roma 8:29

Gebii lekat te keteboan te keneyonan, tapay netaga-taga se Timanem aw sinu se megpesakop diyà kandin. Miglalang sikandin meg-inang kenitadon iling te Batà din si Jesus, so ibeg din meinang se kedita tadon iling te telekedowa, aw meinang si Jesus iling te kakay tadon.

1 Korinto 13:12

Songkani, se pegketaga-taga tadon, yan se iling te bawa kitaen tadon diyà te ispiho eked ontò kebangal. Meneng doen kwani aldaw domateng, bawa i Cristo se ontò tadon kitaen. Pengkey wedà pa kesikop se netegahan ko, meneng domateng kwani se aldaw mesikop se netegahan ko iling te pegketaga-taga te Timanem kanak.

1 Korinto 15:49

Aw ininang te tanà se lawa tadon seini iling te lawa i Adam, doen aldaw domateng mebaloy se lawa tadon doton te langit iling te lawa i Cristo.

1 Korinto 2:9

So doen kagi te Timanem insolat, “Doen integilan te Timanem ibegay din diyà te kedita te otaw dakel se pedowan dan kandin, aw labi pa iyan mèpiya diyà te pengkey eden se dinineg tadon, aw kinità tadon, aw neeneng-enengan tadon.”

2 Korinto 3:18

Wedad den belabag diyà te kedita tadon nemenal ki Cristo. Aw gayed tadon keleseban se kelangkaw te Pengolo, gayed heman elinen te Timanem se pegkesawol tadon, amon kitaen te doma otaw se kelangkaw te Pengolo diyà kenitadon. Yan se eg-inangen te Pengolo, sìyan Espiritu Santo, amon labi kidon pa megkelangkaw iling kandin.

2 Korinto 4:17

Pegpemilang kanak, aneng-aneng ko meketayod a, so doen temanan niyan. Aw meketayod a te pegpemilang kanak, ontò mèpiya se ibegay te Timanem kanak doton te langit. Ontò mèpiya se ontong wedad temanan.

Galasya 3:26

Na, songkani batà kaw den heman te Timanem pineokit te pegpemenal niyo ki Jesu Cristo.

Galasya 4:6

Na, so batà kidon den te Timanem, impeogpà te Timanem se Espiritu Santo diyà kenitadon, aw yan mepakay aw Amà se itawal tadon diyà te Timanem,

Filipos 3:21

Aw lomikò sikandin, inangen din iling te lawa din eked kematay se lawa tadon egkematay. Yan se inangen din pineokit te tolos din, so metolos sikandin aw mekedaeg sikandin te kedita pengkey kenan amon lomowan sikandin diyà kandan.

Kolasas 3:4

Si Cristo se nemegay kenyo te kaling pedowan wedad temanan. Aw lomikò sikandin, entayen kaw din aw megdoma kaw kandin te peglowan din.

Menge Hebreo 9:28

Mekesebad heman se pegkematay i Cristo amon mengabat te salà te kedita tadon. Lomikò pa sikandin dini te tanà kenà amon todà mengabat te salà tadon, meneng lomikò amon mangay te kedita te otaw egpeliman kandin.

2 Pedro 1:4

Lekat te kèpiya te pedowan din, meelagà aw ontò mèpiya se pakang din kenyo amon pineokit kenyan meketig-apò kaw te kandin ketanem, aw amon eked kaw pekeinang te mekedaet ibeg te pedowan te otaw dini te keneyonan.

1 Juan 2:28

Nayan menge batà ko te pegpemenal, peg-ogpà kaw diyà ki Cristo amon eked kaw kelemitan aw eked kaw keyàyà te peglikò din.

1 Juan 2:7

Menge kedowa ko egkedekelan ko te pedowan, kenà kaling se punù insolat ko kenyo seini, meneng tapay iyan impunù day diyà kenyo, so netegahan niyo iyan lekat te keteboan te pegpemenal niyo ki Cristo kedengan, so dinineg niyo kedengan se punù intoladà day kenyo.

1 Juan 3:1

Netegahan tadon den te ontò dakel se pedowan te Timanem Amay kenitadon, so iningedanan kidon din menge batà din, aw yan se ininang din kenitadon. Meneng se menge otaw kenà egtaking te Timanem, wedà dan pemenal te batà kidon te Timanem, so wedà dan pa pemenal te Timanem.

1 Juan 3:10

Seini se pengilala amon ketegahan tadon aw sinu se menge batà te Timanem aw menge batà i Satanas. Aw doen otaw kenà metòlid se eg-inangen din aw wedad kedakel te pedowan din te menge doma otaw, yan se otaw kenà batà te Timanem.

1 Juan 3:21

Menge kedowa egkedekelan ko te pedowan, so netegahan tadon den te wedad den salà tadon, eked den kepuluk se pedowan tadon, aw wedad heman medaet kitaen te Timanem kidoen te pedowan tadon.

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

Impekità 2:28

Begayan ko heman sikiyo te bitoen eg-anyag te medapag aldaw.

Impekità 22:4

Komità dan te bawa din, aw solatan se kilay dan te ngadan din.