1 Juan 3:16 - Manobo Sarangani

¹⁶ Netegahan tadon den aw eden se ontò dakel pedowan, so neketagad si Jesu Cristo inimetayan amon megpelowà kenitadon lekat te salà. Yan sikitadon heman egpemenal, keilangan meketagad kidon imetayan amon ketebangan tadon se kedowa tadon.

1 Juan 3:16 ပူးပေါင်းရင်းမြစ်များ

Mat. 20:28

Keilangan meg-iling sikandin kanak Timanem Migpekeotaw, so dimini a te tanà kenà amon tebangan a te otaw, meneng dimini a amon menabang a te otaw. Neketagad a den imetayan amon medita se otaw mekelowà lekat te pegkeallang dan diyà te salà.”

Juan 10:11

“Iling a te mèpiya telediyaga te karniro. Se mèpiya telediyaga te karniro, yan se egpeketagad pengkey matay amon megpelowà te karniro lekat te kededàtan.

Juan 13:34

Doen den kaling punù ko kenyo seini. Pegpedekelay kaw te pedowan. Keilangan megpedekelay kaw te pedowan iling te kedakel te pedowan ko kenyo.

Juan 3:16

Ontò nedekelan te Timanem te pedowan se kedita te otaw, aw yan se doun te insogò din se Batà din temisa amon eked pelumuni se kedita te otaw memenal kandin, meneng begayan dan te kaling pedowan wedad temanan.

Ininang 20:28

Pekeimanday kaw. Pegtonggò kaw te kedita te otaw egpemenal, so Espiritu Santo se miggulal kenyo egpengibing amon mengibing kaw kandan. Ininang kidon din sakop din pineokit te pegkematay i Jesus.

Roma 16:4

Neketagad dan imetayan amon ketebangan a dan. Egpesiontong a kandan, aw egpesiontong heman kandan se kedita te otaw kenà Judiyo egsimba dini.

Roma 5:8

Meneng impetaga-taga te Timanem kenitadon te ontò dakel se pedowan din kenitadon, so dalem pa te eg-inang kidon te salà, insogò din si Jesu Cristo aw inimetayan sikandin amon megpelowà kenitadon lekat te pelumun.

2 Korinto 4:12

Pengkey doen kelimahan neokitan ko tandà te pegtoladà ko, meneng kunù doen ontong te pedowan niyo.

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

Efeso 5:25

Sikiyo menge meama doen esawa, keilangan dakel se pedowan niyo te esawa niyo, aw yan meg-iling kaw ki Cristo. Dakel se pedowan i Cristo diyà te kedita tadon egpemenal, aw yan se doun te simelilin sikandin kenitadon aw nematay amon megpelowà kenitadon.

Filipos 2:17

Aw imetayan a, meinang se dipanog ko iling te bino itoyong diyà te ayam-ayam sonogen, aw se tabang niyo kanak tandà te pegpemenal niyo iling te ayam-ayam toyongan kenyan aw ibegay diyà te Timanem. Aw metoman iyan, eked a den kepuluk meneng labi a pa meluba doma kenyo.

Filipos 2:30

so agpet sikandin nematay tandà te inang din tepad ki Cristo. Mepakay diyà kandin aw matay amon metoman din se ibeg niyo megtabang kanak.

1 Tesalonika 2:8

So dakel se pedowan day kenyo, ibeg day kenà olò megtoladà kay kenyo te Mèpiya Indan lekat te Timanem, meneng neketagad kay heman imetayan aw yan se meketabang kenyo. Ontò dakel se pedowan day kenyo.

Tito 2:13

Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.

1 Pedro 1:18

Kedengan neallang kaw timaking te menge ketanem wedad ontong pig-ilingan niyo diyà te menge kemonaan niyo, meneng impelowà kaw den te Timanem lekat kenyan. Kenà iling te selapì aw bolawan egkebàtan se imbayad din te kelowaan niyo.

1 Pedro 2:24

Pegkematay din doton te kros, inibing din se kedita te salà tadon amon mekelowà kidon lekat te salà aw amon mekeinang kidon te metòlid. Pineokit te pegpelumun kandin, migkèpiya kidon den.

1 Pedro 3:18

so nematay heman si Cristo amon megpelowà kenitadon lekat te salà. Mekesebad sikandin kematay so botong se pegkematay din. Pengkey wedad salà din, meneng simelilin sikandin kenitadon pengkey doen salà tadon amon megkità kidon aw Timanem. Pengkey nematay se lawa din, meneng neantay sikandin.

1 Juan 2:6

Aw eg-ikagi se otaw te diyà sikandin te Timanem, keilangan inangen din se kandin pegkeotawun iling te pegkeotawun i Jesu Cristo.

1 Juan 2:9

Se otaw eg-ikagi te eg-ogpà sikandin diyà te kelowahan, meneng egkebensi te menge doma otaw, yan se otaw gayed pa eg-ogpà diyà te kengitngitan.

Impekità 5:9

Migdelangan dan heman te kaling delangan, kagi dan, “Botong se kelangkaw nikaw amon mekebatog ka mengabat te papil linolon Aw mengabat ka te pengilala niyan, So sikona se inimetayan, Aw pineokit te dipanog no te pegkematay no, Migtansò ka te otaw lekat te kedita te ogpeanan Amon meinang dan sakop te Timanem.