1 Juan 3:14 - Manobo Sarangani

¹⁴ Impelowà kidon den lekat te kemetayun wedad temanan, aw binegayan kidon den heman te kaling pedowan wedad temanan. Netegahan tadon te benal iyan so dakel se pedowan tadon te menge doma otaw. Meneng eg-ogpà pa diyà te kemetayun se otaw wedad kedakel te pedowan din te doma,

1 Juan 3:14 ပူးပေါင်းရင်းမြစ်များ

1 Juan 5:2

Aw dakel se pedowan tadon te Timanem aw egtolò kidon te menge punù din, yan se pengilala te dakel se pedowan tadon te menge doma batà te Timanem,

Juan 13:35

Aw megpedekelay kaw te pedowan, yan se pengilala amon metaga-taga se kedita te otaw te menge tinoledaan ko sikiyo.”

1 Tesalonika 4:9

Wedad den keilangan te doen megtoladà kenyo tepad te pegpedekelay niyo te pedowan, so tinoledaan kaw den te Timanem te keilangan megpedekelay kaw te pedowan,

Juan 5:24

“Eneng-enengi niyo se kagi ko kenyo seini. Se otaw menenalan te kagi ko, aw memenal heman diyà te Amay ko simogò kanak, yan se otaw begayan te kaling pedowan wedad temanan. Eked sikandin pelumuni, so nekelowà den sikandin lekat te kemetayun, aw doen den kaling pedowan din wedad temanan.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

Mat. 25:40

Tomaba a, ‘Eneng-enengi niyo se kagi ko seini. Pineokit te peg-inang niyo kenyan diyà te ontò medanà otaw egtaking kanak, ininang niyo iyan diyà kanak.’

Menge Hebreo 13:1

Keilangan gayed dakel se pedowan niyo diyà te menge doma otaw egpemenal.

Juan 15:12

Seini se ipunù ko kenyo. Keilangan megpedekelay kaw te pedowan iling te kedakel te pedowan ko kenyo.

1 Juan 4:12

Wedad palos otaw kimità te Timanem. Meneng aw megpedekelay kidon te pedowan, yan se pengilala te eg-ogpà se Timanem diyà te pedowan tadon, aw mesikop heman se kedakel te pedowan din diyà kenitadon.

1 Juan 3:23

Seini se impunù din kenitadon, te keilangan somalig kidon diyà te Batà din si Jesu Cristo, aw megpedekelay kidon heman te pedowan iling te intoladà din kenitadon.

1 Pedro 3:8

Nayan, seini pa se ipunù ko kenyo. Keilangan megsebad kaw te aneng-aneng niyo aw pedowan niyo. Keilangan dakel se pedowan niyo te menge doma otaw egpemenal, aw keilangan megpeidoway kaw heman. Keilangan megpedanà kaw te kenyo pegkeotawun.

Kolasas 1:4

Egpesiontong kay diyà kandin so inindanan kay te ontò kaw egsalig diyà ki Jesu Cristo, aw dakel ekon heman se pedowan niyo diyà te kedita te sakop te Timanem.

Efeso 1:15

Na, dinineg ko te gayed kaw egsalig diyà te Pengolo tadon si Jesus. Dakel ekon heman se pedowan niyo te kedita te sakop te Timanem.

1 Juan 5:13

Sinolatan ko sikiyo nemenal den diyà te Batà te Timanem amon ontò niyo ketegahan te doen den kaling pedowan niyo wedad temanan.

Juan 15:17

Seini se impunù ko kenyo. Keilangan megpedekelay kaw te pedowan.”

1 Juan 2:3

Seini se pengilala amon ketegahan tadon te ontò Timanem se egtekingan tadon. Aw egtolò kidon te menge punù din, yan ketegahan tadon te egtaking kidon kandin.

2 Pedro 1:7

Aw meketolò kaw te ibeg te Timanem, keilangan megpeidoway kaw heman. Aw egpeidoway kaw, keilangan dakel heman se pedowan niyo diyà te kedita te otaw.

Efeso 2:5

so pengkey iling kidon te nematay tandà te peg-inang tadon te medaet, meneng binegayan kidon te Timanem te kaling pedowan tandà te pegpesakop tadon diyà ki Cristo. Pineokit te tabang te Timanem kenitadon, impelowà kidon din lekat te salà.

2 Korinto 5:1

Meketayod a pa te kelimahan, so netegahan ko aw matay se lawa ko dini te keneyonan, doen pa kaling lawa eked palos kematay ibegay te Timanem kanak doton te langit.

Efeso 2:1

Kedengan, te wedà kaw pa pemenal, iling kaw te nematay tandà te peg-inang niyo te salà.

Galasya 5:22

Meneng se otaw egbeyà-beyaan te Espiritu Santo, seini se eg-inangen din. Egkedekelan din se doma otaw te pedowan, ontò egkeluba, doen kelinaw te pedowan din, egpeketayod te kelimahan, mèpiya se eg-inangen din, egkebowasag sikandin diyà te doma otaw, aw egkeseligan sikandin,

Luc. 15:32

Meneng keilangan megpelelahay kidon aw megpelubahay kidon, so eden ko aw nematay den se adi no, meneng neantay pa kedì. Netalon sikandin, meneng kinità.’”

Luc. 15:24

Eden ko aw nematay den se batà ko seini, meneng neantay pa kedì. Netalon sikandin, meneng kinità.’ Penga niyan, migtebò dan se migpista.

Luc. 7:5

so egkedekelan kidon din te pedowan sikitadon menge Judiyo. Sikandin se migpeinang te simbahan day dini.”