1 Juan 3:1 - Manobo Sarangani

¹ Netegahan tadon den te ontò dakel se pedowan te Timanem Amay kenitadon, so iningedanan kidon din menge batà din, aw yan se ininang din kenitadon. Meneng se menge otaw kenà egtaking te Timanem, wedà dan pemenal te batà kidon te Timanem, so wedà dan pa pemenal te Timanem.

1 Juan 3:1 ပူးပေါင်းရင်းမြစ်များ

Luc. 20:36

Eked dan todà kematay, so iling dan te menge anghil. Meinang dan menge batà te Timanem, so entayen din dan lekat te nematay.

Juan 1:12

Meneng pengkey sinu se migsagman kandin aw nemenal kandin, yan se otaw mepakay meinang menge batà te Timanem.

Juan 11:52

Kenà olò menge Judiyo se ketebangan din, meneng sekopen te Timanem se kedita te otaw inangen din menge batà din, pengkey kenan dan peg-ogpà.

Juan 15:21

Meneng wedà dan ketaga-taga te simogò kanak, aw yan se doun te memilang dan heman kenyo, so migpesakop kaw diyà kanak.

Juan 16:3

Meneng memilang dan kenyo so wedà dan ketaga-taga te Amay ko, aw wedà dan heman ketaga-taga kanak.

Juan 17:25

E Amà, metòlid se kedita te eg-inangen nikaw. Se otaw egtaking te medaet dini te keneyonan, wedà dan ketegahi aw sinu ka, meneng netaga-taga a kamno, aw netegahan heman te menge sakop ta seini te insogò a nikaw.

Juan 3:16

Ontò nedekelan te Timanem te pedowan se kedita te otaw, aw yan se doun te insogò din se Batà din temisa amon eked pelumuni se kedita te otaw memenal kandin, meneng begayan dan te kaling pedowan wedad temanan.

Roma 5:8

Meneng impetaga-taga te Timanem kenitadon te ontò dakel se pedowan din kenitadon, so dalem pa te eg-inang kidon te salà, insogò din si Jesu Cristo aw inimetayan sikandin amon megpelowà kenitadon lekat te pelumun.

Roma 8:19

so egpeliman se kedita te ininang te Timanem te aldaw domateng aw ipekità din se kedita te menge batà din.

Roma 8:21

aw inangen te Timanem kaling se kedita te ininang din amon wedad palos matay aw megkedaet. Yan meinang mèpiya se kedita, iling te kèpiyaan domateng kenitadon menge batà te Timanem.

Roma 8:32

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

2 Korinto 6:18

Meinang a amay niyo, aw meinang kaw batà ko. Yan kinewaen ko sikiyo.” Yan se inikagi te Timanem eglowan diyà te kedita.

Galasya 3:26

Na, songkani batà kaw den heman te Timanem pineokit te pegpemenal niyo ki Jesu Cristo.

Galasya 3:29

So migsebad den se pedowan niyo diyà ki Cristo, nekeakop kaw den diyà te menge bowad-bowad i Abraham, aw begayan kaw heman te mèpiya impakang te Timanem.

Kolasas 3:3

Iling te nematay kaw, aw iling te inantay kaw den te Timanem doma ki Cristo pengkey wedà pa iyan pekitai.

1 Juan 3:10

Seini se pengilala amon ketegahan tadon aw sinu se menge batà te Timanem aw menge batà i Satanas. Aw doen otaw kenà metòlid se eg-inangen din aw wedad kedakel te pedowan din te menge doma otaw, yan se otaw kenà batà te Timanem.

1 Juan 3:2

Menge kedowa egkedekelan ko te pedowan, batà kidon den te Timanem. Pengkey wedà tadon pa ketegahi aw eden se keilingan tadon te modi aldaw, meneng netegahan tadon te mekeiling kidon ki Cristo aw lomikò sikandin, so ontò tadon sikandin kitaen.

1 Juan 4:17

So sikitadon diyà kandin, aw mesikop se kedakel te pedowan din kenitadon, yan ketegahan tadon te wedad medaet kitaen te Timanem kidoen te pedowan tadon aw domateng se aldaw te peg-okom te Timanem te kedita te otaw. Pengkey dini kidon pa te keneyonan, meneng iling ki Cristo se kenitadon pegkeotawun.

Impekità 21:7

Doen ontong ibegay ko diyà te kedita te otaw eked dàgi te kededàtan, so siak se Timanem megtonggò kandan, aw meinang dan menge batà ko.