1 Juan 2:28 - Manobo Sarangani

²⁸ Nayan menge batà ko te pegpemenal, peg-ogpà kaw diyà ki Cristo amon eked kaw kelemitan aw eked kaw keyàyà te peglikò din.

1 Juan 2:28 ပူးပေါင်းရင်းမြစ်များ

Mat. 16:27

Siak se Timanem Migpekeotaw, aw lomikò a dini tekingan te menge anghil aw kelangkaw te Amay ko. Aw lomikò a, begayan ko se kedita te otaw te ontong tepad te tapay dan ininang.

Mat. 16:28

Eneng-enengi niyo se kagi ko kenyo seini. Doen otaw dini kenyo eked kematay singed aw onà dan komità te pegtebò te peglowan ko Timanem Migpekeotaw.”

Mar. 8:38

Aw eked ikagi se otaw te sikandin se sakop ko, aw eked heman tolò te kagi ko meneng tomaking te otaw nelegeb te salà egtinàyog te Timanem, yan se otaw eked ko heman ikegihi te sikandin se sakop ko te peglikò ko. Siak se Timanem Migpekeotaw, aw lomikò a pa dini tekingan te kelangkaw te Amay ko aw sipat menge anghil te Timanem.”

Luc. 17:30

Kesàban heman iling kenyan se otaw kenà egpeketagad te aldaw aw ipekità a Timanem Migpekeotaw.

Roma 9:33

Iling kenyan se kagi te Timanem insolat, “Isawol ko se otaw doton te lonsod te menge Judiyo iningedanan Sion. Iling sikandin te bato mekebangkil kandan, aw iling te bato kedogsoan dan. Meneng eked palos pekebollog se otaw somalig diyà kandin.”

1 Korinto 1:7

aw yan wedad kolang diyà kenyo te kedita te kemolò te kebiyasa imbegay te Timanem diyà te otaw egpemenal, dalem te pegpeliman niyo te peglikò te Pengolo tadon si Jesu Cristo.

1 Korinto 15:23

Entayen kidon te Timanem te aldaw pinemallì din, so onà inantay si Cristo, aw penga niyan te peglikò din dini te keneyonan, entayen se kedita tadon menge sakop din.

Efeso 3:12

So nemenal kidon den ki Cristo, yan se doun te wedad den lamit tadon megpedapag diyà te Timanem. Eked kidon den sagkà te pegtawal-tawal tadon diyà kandin.

Kolasas 3:4

Si Cristo se nemegay kenyo te kaling pedowan wedad temanan. Aw lomikò sikandin, entayen kaw din aw megdoma kaw kandin te peglowan din.

1 Tesalonika 2:19

Ibeg ko lomaoy a doton kenyo so pineokit kenyo doen egpelimanan day, aw doen keluba day. Aw komità kay te Pengolo tadon si Jesus te peglikò din, eked kay keyàyà tepad kenyo,

1 Tesalonika 3:13

Yan lobosen din se pedowan niyo kandin, aw wedad palos isila te Amay tadon Timanem kenyo te aldaw te peglikò te Pengolo tadon si Jesu Cristo tekingan te kedita te sakop te Timanem.

1 Tesalonika 5:23

Ibeg day, ontò kaw linisan te Timanem egpemegay te kelinaw te pedowan. Ibeg day tonggoan din heman se pedowan niyo, aw aneng-aneng niyo, aw lawa niyo, amon wedad palos isila kenyo te peglikò te Pengolo tadon si Jesu Cristo.

1 Timoteo 6:14

Tolò ka te impunù kamno amon wedad palos kemalì no aw wedad isila kamno lamig te aldaw te peglikò te Pengolo tadon si Jesu Cristo.

2 Timoteo 4:8

aw yan doen den ontong intagò kanak. Yan se ibegay te Pengolo tadon diyà te kedita te otaw eg-eneng-enengen din te metòlid dan aw domateng se aldaw te peg-okom din. Ontò metòlid se peg-okom din, aw kenà olò siaken se begayan din te ontong, meneng begayan din se kedita te otaw migpeliman te peglikò din.

Tito 2:13

Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.

Menge Hebreo 9:28

Mekesebad heman se pegkematay i Cristo amon mengabat te salà te kedita tadon. Lomikò pa sikandin dini te tanà kenà amon todà mengabat te salà tadon, meneng lomikò amon mangay te kedita te otaw egpeliman kandin.

1 Pedro 1:7

so ibeg te Timanem tomayod kaw te menge kelimahan sìyan amon ipetaga-taga niyo te ontò nelobos se pegsalig niyo diyà kandin. Iling iyan te bolawan tonawen diyà te apoy amon ketegahan aw ontò iyan bolawan. Pengkey meelagà se bolawan, megkewedad iyan te eked kenamay. Meneng labi pa meelagà se pegsalig niyo diyà te Timanem, aw yan ipeokit kaw din diyà te kelimahan amon ketegahan din aw ontò kaw egsalig diyà kandin. Aw meketayod kaw kenyan, iduyun kaw din aw ipelangkaw kaw din te aldaw te peglikò i Jesu Cristo.

1 Pedro 5:4

Aw lomikò si Cristo Pengolo te kedita niyo egpengibing te simbahan, doen mèpiya ontong ibegay din diyà kenyo eked palos pegkedaet te wedad temanan.

1 Juan 2:1

Menge batà ko te pegpemenal, seini se insolat ko kenyo amon eked kaw peg-inang te salà. Meneng aw doen otaw mekesalà, doen telekagon tadon kidoen te Timanem Amay, aw yan si Jesu Cristo wedad palos salà.

1 Juan 3:2

Menge kedowa egkedekelan ko te pedowan, batà kidon den te Timanem. Pengkey wedà tadon pa ketegahi aw eden se keilingan tadon te modi aldaw, meneng netegahan tadon te mekeiling kidon ki Cristo aw lomikò sikandin, so ontò tadon sikandin kitaen.

1 Juan 3:21

Menge kedowa egkedekelan ko te pedowan, so netegahan tadon den te wedad den salà tadon, eked den kepuluk se pedowan tadon, aw wedad heman medaet kitaen te Timanem kidoen te pedowan tadon.

1 Juan 4:17

So sikitadon diyà kandin, aw mesikop se kedakel te pedowan din kenitadon, yan ketegahan tadon te wedad medaet kitaen te Timanem kidoen te pedowan tadon aw domateng se aldaw te peg-okom te Timanem te kedita te otaw. Pengkey dini kidon pa te keneyonan, meneng iling ki Cristo se kenitadon pegkeotawun.

1 Juan 5:14

Egseligan tadon sikandin, so pengkey eden se pemoyoen tadon meketepad te kandin ibeg, yan menenalan sikandin.

Impekità 1:7

Na, lomikò si Jesu Cristo domaan te labon. Kitaen te kedita te otaw se pegdateng din, aw komità heman kandin se kedita te otaw nengimatay kandin. Megmatay se otaw te kedita te pongan dini te keneyonan tandà te puluk te pedowan dan, so sikandin se megpelumun kandan. Ontò iyan benal. Metoman iyan.