1 Juan 2:24 - Manobo Sarangani

²⁴ Nayan, keilangan sikopen niyo se pegpemenal niyo diyà te kagi te Timanem intoladà kenyo lekat te pegpemenal niyo ki Jesu Cristo lamig seini, so aw ontò niyo lobosen se pegpemenal niyo diyà te kagi te Timanem, diyà kaw te Timanem Amay aw Batà din.

1 Juan 2:24 ပူးပေါင်းရင်းမြစ်များ

Luc. 1:2

Se insolat dan, yan se kagi ingkeliwat te menge otaw ontò kimità te kedita te ininang i Jesus lekat te ketebò niyan, so ontò dan kinità se ininang din, aw ingkeliwat dan heman se kagi din diyà kenami.

Luc. 9:44

“Keilangan ontò kaw menenalan te kagi ko kenyo seini. Seini se metoman domateng diyà kanak Timanem Migpekeotaw. Metoman a itolok aw ibegay a diyà te belad te doma otaw.”

Juan 14:23

Timaba si Jesus, “Aw dakel se pedowan te otaw kanak, tomolò sikandin te punù ko. Kedekelan heman sikandin te Amay ko te pedowan, aw domoton kay kandin aw meg-ogpà kay kidoen te pedowan din.

Juan 15:7

Meneng aw meg-ogpà kaw diyà kanak, aw isawol niyo se menge kagi ko kidoen te pedowan niyo, mepakay aw memoyò kaw te keibegan niyo, aw yan se inangen ko kenyo.

Juan 6:56

Se otaw komaen te onod ko aw minem te dipanog ko, yan se eg-ogpà diyà kanak, aw siak diyà kandin.

Juan 8:25

Mig-insà dan, “Sinu ka lay?” Timaba si Jesus, “Yan se melikit ko in-indan kenyo lekat te ketebò te pegtoladà ko.

Filipos 4:15

Sikiyo menge tege Filipos, netegahan niyo den te pegkesayo ko lekat te probinsya te Masidonya, te kaling ko intoladà kenyo se Mèpiya Indan tepad ki Cristo, wedad doma otaw egpemenal nenogpò kanak, meneng olò sikiyo se nenogpò kanak.

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

Menge Hebreo 2:1

So ontò melangkaw si Cristo, yan se doun te netegahan tadon den te keilangan ontò kidon menenalan te menge kebenalan intoladà kenitadon, amon eked kidon soway lekat kenyan.

Menge Hebreo 3:14

so aw gayed kidon somalig diyà ki Cristo lekat te keteboan lamig te temanan, meinang kidon menge doma din.

1 Juan 1:3

Se ontò day kinità aw dinineg, yan se ipegtoladà day heman kenyo, amon makop kaw heman diyà kenami, so migpesigelakay kay te Timanem Amay aw Batà din si Jesu Cristo.

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.

1 Juan 2:7

Menge kedowa ko egkedekelan ko te pedowan, kenà kaling se punù insolat ko kenyo seini, meneng tapay iyan impunù day diyà kenyo, so netegahan niyo iyan lekat te keteboan te pegpemenal niyo ki Cristo kedengan, so dinineg niyo kedengan se punù intoladà day kenyo.

1 Juan 3:24

Se kedita te otaw egtolò te punù te Timanem, diyà dan te Timanem aw se Timanem heman diyà kandan. Netegahan tadon te diyà kenitadon se Timanem so pineokit te Espiritu Santo imbegay din kenitadon.

1 Juan 4:13

Netegahan tadon te diyà kidon kandin aw diyà heman sikandin kenitadon so pineokit te Espiritu Santo imbegay din kenitadon.

1 Juan 4:15

Se otaw mikagi te benal Batà te Timanem si Jesus, yan se otaw doen Timanem diyà kandin, aw diyà heman sikandin te Timanem.

1 Juan 4:16

Yan netegahan tadon te dakel se pedowan te Timanem kenitadon, aw yan se egseligan tadon. Ontò dakel se pedowan te Timanem. Se otaw doen dakel pedowan din, yan se otaw diyà te Timanem aw se Timanem heman diyà kandin.

2 Juan 1:2

Dakel se pedowan day kenyo so doen kebenalan diyà te pedowan tadon te wedad temanan.

2 Juan 1:9

Aw somoway se otaw lekat te kebenalan intoladà i Jesu Cristo, aw isogpat din se kebolalaw diyà te kebenalan, wedad Timanem kidoen kandin. Meneng aw ontò egsalig se otaw diyà te kebenalan intoladà i Jesu Cristo, kidoen kandin se Timanem Amay aw Batà.

3 Juan 1:3

Ontò a neluba, so pegdini te menge kedowa ta, gayed a dan eg-indanan te nelobos se pedowan no diyà te Timanem, so ontò ka ekon egtaking te kebenalan.

Impekità 3:11

Na, lomikò a te eked kenamay. Tiboki niyo se pegsalig niyo diyà kanak amon wedad mekeagaw te ontong intagò kenyo.

Impekità 3:3

Ikà niyo den egkelibel te kebenalan intoladà kenyo kedengan, sìyan pinemenalan niyo. Tolò kaw kenyan, aw pegselsel kaw. Aw eked kaw, domateng a te eked kaw peketagad, iling te pegdateng te menenakaw te wedad meketagad, so eked niyo ketegahi aw eden orasi se pegdateng ko.