1 Juan 2:22 - Manobo Sarangani

²² Se otaw ontò bolelawun, yan se otaw eg-ikagi te kenà si Jesus se Misiyas. Yan se otaw eg-ato ki Cristo. Eked heman sikandin pemenal te Timanem Amay aw Batà din.

1 Juan 2:22 ပူးပေါင်းရင်းမြစ်များ

Mat. 24:24

Doen menge otaw domateng megpelingo-lingo te sikandan se Misiyas aw menge telekeliwat te kagi te Timanem. Meg-inang dan heman te menge kepelahan amon keekalan dan peden heman se menge otaw pinemallì te Timanem.

Mat. 24:5

Doen kwani medita otaw megpelingo-lingo te insogò dan te Timanem. Mikagi dan te sikandan se Misiyas, aw medita se otaw keekalan dan aw tomaking kandan.

Juan 8:44

Si Satanas se ontò amay niyo, aw se ibeg din medaet, yan heman se ibeg niyo inangen. Lekat te ketebò te keneyonan, egpengimatay sikandin. Wedad palos labut din te kebenalan, so wedad kebenalan diyà kandin. Aw megkebolalaw sikandin, yan se ketanem te pedowan din, so bolelawun sikandin, aw sikandin se eglekatan te kedita te kebolalaw.

1 Juan 1:6

Aw mikagi kidon te migpesigelakay kidon te Timanem, meneng egtaking kidon pa te kengitngitan aw eg-inang kidon te medaet, yan bolelawun kidon so kenà kidon egtaking te kebenalan.

1 Juan 2:18

Menge batà ko te pegpemenal, agpet den se temanan te keneyonan. Tapay niyo dinineg te doen pa sebad otaw domateng mato ki Cristo aw megpelangkaw-langkaw peden diyà kandin. Doen medita eg-ato ki Cristo dimateng den, aw yan netegahan tadon te agpet den se temanan te keneyonan.

1 Juan 2:23

Aw eked pemenal se otaw te Batà te Timanem, eked heman sikandin pegpesakop diyà te Timanem Amay. Meneng aw mikagi se otaw te ontò sikandin nemenal te Batà te Timanem, migpesakop den heman sikandin diyà te Timanem Amay.

1 Juan 2:4

Aw doen otaw eg-ikagi te egtaking sikandin te Timanem, meneng kenà egtolò te punù te Timanem, yan se otaw bolelawun aw wedad heman kebenalan diyà kandin.

1 Juan 4:20

Aw mikagi se otaw te dakel se pedowan din te Timanem, meneng wedad kedakel te pedowan din te menge doma otaw, yan se bolelawun, so aw wedad kedakel te pedowan te otaw te menge doma din egkitaen, yan labi pa wedad kedakel te pedowan din te Timanem kenà din egkitaen.

1 Juan 4:3

Meneng aw eked ikagi se otaw te migpekeotaw si Jesus, kenà lekat te Timanem se itoladà din, so yan se otaw lekat te eg-ato ki Cristo. Tapay tadon netegahan te domateng se eg-ato ki Cristo, aw dini den sikandin te keneyonan.

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

2 Juan 1:7

Medita se otaw eglegeb dini te keneyonan aw eg-akal dan te doma otaw, so kenà dan egtoladà te kebenalan tepad te pegpekeotaw i Jesu Cristo. Iling kenyan se eg-ikegiyen te otaw eg-akal aw eg-ato ki Cristo.

Judas 1:4

Yan simolat a den kenyo so doen den menge otaw kenà egpemenal te Timanem minakop diyà kenyo te wedà niyo ketegahi. Tinodà dan se kebenalan tepad te keido te Timanem, so egtoladà dan te mepakay aw meg-inang kaw te medaet so gayed kaw egkeidowan te Timanem. Kenà dan egpemenal te Pengolo tadon si Jesu Cristo eglowan diyà kenitadon. Simolat se menge telekeliwat te kagi te Timanem gebii aw eden se pelumun domateng kandan.

Impekità 3:9

Nayan, se menge otaw migpesakop diyà ki Satanas, eden dan aw ontò dan Judiyo, so migpelingo-lingo dan olò te egtaking dan kanak. Ipesagman ko dan diyà kenyo amon ketegahan dan te sikiyo se ontò ko egkedekelan te pedowan.