1 Juan 2:21 - Manobo Sarangani

²¹ Simolat a kenyo kenà so wedà kaw ketaga-taga te kebenalan, meneng simolat a kenyo amon megpeaneng-aneng a kenyo te kebenalan tapay niyo netegahan. Netegahan niyo den heman te wedad kebolalaw eglekat te kebenalan.

1 Juan 2:21 ပူးပေါင်းရင်းမြစ်များ

2 Pedro 1:12

Yan, pengkey netegahan niyo den se kedita niyan, pengkey nelobos den se pegtaking niyo te kebenalan pinemenalan niyo, meneng ibeg ko gayed a megpeaneng-aneng kenyo tepad kenyan.

Judas 1:5

Pengkey tapay kaw netaga-taga te keilangan ipelumun se otaw eg-inang te medaet iling kenyan, meneng ibeg ko megpeaneng-aneng a kenyo tepad te ininang te Pengolo tadon gebii. Impelowà din se menge bowad-bowad i Israel lekat te Ehipto, aw penga niyan pigbàtan din se kedita dan wedà pemenal kandin.

Juan 8:44

Si Satanas se ontò amay niyo, aw se ibeg din medaet, yan heman se ibeg niyo inangen. Lekat te ketebò te keneyonan, egpengimatay sikandin. Wedad palos labut din te kebenalan, so wedad kebenalan diyà kandin. Aw megkebolalaw sikandin, yan se ketanem te pedowan din, so bolelawun sikandin, aw sikandin se eglekatan te kedita te kebolalaw.

Juan 18:37

Minikagi si Pilato, “Ontò ka kedì selotan.” Minikagi si Jesus, “Ee. Benal se inikagi no te selotan a, so yan se doun te migpekeotaw a. Insogò a dini te keneyonan amon meg-indan a te kebenalan. Egpenenelanen a te kedita te otaw migpesakop diyà te kebenalan.”

Santiago 1:19

Menge kedowa egkedekelan ko te pedowan, eneng-enengi niyo ini. Mèpiya aw megpekeaseb se kedita niyo menenalan. Mèpiya aw eked niyo sesawi se peg-ikagi. Mèpiya heman aw eked kaw tagmon keopal,

1 Juan 3:19

Aw megtabang kidon te doma otaw, yan ketegahan tadon te ontò kidon diyà te kebenalan, aw mekesinalay kidon heman te pedowan tadon egkitaen din.