1 Juan 2:20 - Manobo Sarangani

²⁰ Meneng se kedita niyo, binegayan kaw den i Cristo te Espiritu Santo, aw netaga-taga kaw den te kebenalan.

1 Juan 2:20 ပူးပေါင်းရင်းမြစ်များ

Mat. 13:11

Timaba si Jesus, “Sikiyo se pinetega-tegahan te Timanem te kebenalan tepad te peglowan din. Meneng wedà din petega-tegahi se doma otaw te kebenalan tepad te peglowan din.

Mar. 1:24

Timawal sikandin, “Tay, Jesus tege Nasarit. Ikà eg-inabut kenami. Ikà egbaet kenami. Netegahan ko aw sinu ka. Sikona se metòlid otaw insogò te Timanem.”

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Luc. 4:34

“Tay, Jesus tege Nasarit. Ikà egsamok kenami. Eked kay keibeg aw pegbàtan kay nikaw. Netegahan ko aw sinu ka. Sikona se metòlid otaw insogò te Timanem.”

Juan 14:26

Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

Juan 16:13

Meneng aw domateng se Espiritu Santo amon megtoladà te kebenalan, sikandin se megpetaga-taga kenyo te kedita te kebenalan. Eked din teboki se pegtoladà din kenyo, meneng kedita te intoladà te Amay ko kandin, yan se ikeliwat din heman kenyo. Iindan din heman kenyo aw eden se metoman domateng.

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Ininang 3:14

Pengkey wedad palos salà din, meneng wedà kaw keibeg kandin. Nemoyò kaw te ipelowà i Pilato se otaw metibonò.

1 Korinto 2:15

Meneng se otaw egbeyà-beyaan te Espiritu Santo, yan se mekelabet te kedita, meneng eked sikandin kelebeti te doma otaw kenà egbeyà-beyaan te Espiritu Santo.

Menge Hebreo 1:9

Egkeibeg ka te metòlid. Eked ka keibeg te medaet. Yan se doun te siaken Timanem nikaw se mig-inang kamno labi pa melangkaw diyà te kedita, aw nemegay a kamno te ontò keluba.”

Menge Hebreo 8:11

Aw metoman iyan, wedad den keilangan te megtoladà se otaw te menge doma din te keilangan meg-iling dan tepad kanak, so metaga-taga se kedita te otaw tepad kanak, pengkey sagkep aw melangkaw dan.

1 Juan 2:27

Meneng ikà niyo egketetana, so eg-ogpaan kaw pa te Espiritu Santo imbegay i Jesu Cristo diyà kenyo. Yan wedad den keilangan te doma megtoladà kenyo aw eden se kebenalan aw eden se kebolalaw, so Espiritu Santo se megtoladà kenyo te kedita. Ontò benal se ipegtoladà din, aw kenà iyan kebolalaw. Yan keilangan meg-ogpà kaw diyà ki Cristo iling te intoladà te Espiritu Santo kenyo.

1 Juan 4:13

Netegahan tadon te diyà kidon kandin aw diyà heman sikandin kenitadon so pineokit te Espiritu Santo imbegay din kenitadon.

Judas 1:5

Pengkey tapay kaw netaga-taga te keilangan ipelumun se otaw eg-inang te medaet iling kenyan, meneng ibeg ko megpeaneng-aneng a kenyo tepad te ininang te Pengolo tadon gebii. Impelowà din se menge bowad-bowad i Israel lekat te Ehipto, aw penga niyan pigbàtan din se kedita dan wedà pemenal kandin.

Impekità 3:7

Minikagi heman sikandin, “Solat ka heman te anghil egtonggò te menge sakop te simbahan kidoen te Filadelfya. Seini se kagi isolat nikaw. ‘Seini se kagi ko kenyo. Siak se eg-inang te metòlid, aw egkeseligan a. Siak se lomowan iling te peglowan i David gebii. Aw owangen ko se okitanan amon mekeakop se otaw diyà te peglowan ko, wedad meketakep. Aw tekepen ko se okitan niyan, wedad mekeowang.

Impekità 4:8

Doen enem pakpak te teg sebad-sebad te epat ayam-ayam metolos seini. Nelegeb se lawa dan te medita mata dan, pengkey doton didalem. Aldaw aw delem, gayed dan egdelangan te wedad temanan, aw seini se kagi te delangan dan. “Ontò metòlid se eg-inangen te Timanem. Sikandin se Pengolo eglowan diyà te kedita. Doen den sikandin gebii, aw seini, Aw modi heman aldaw.”