1 Juan 2:18 - Manobo Sarangani

¹⁸ Menge batà ko te pegpemenal, agpet den se temanan te keneyonan. Tapay niyo dinineg te doen pa sebad otaw domateng mato ki Cristo aw megpelangkaw-langkaw peden diyà kandin. Doen medita eg-ato ki Cristo dimateng den, aw yan netegahan tadon te agpet den se temanan te keneyonan.

1 Juan 2:18 ပူးပေါင်းရင်းမြစ်များ

Mat. 24:11

Medita heman se otaw megpelingo-lingo telekeliwat te kagi te Timanem, aw medita se keekalan dan aw tomaking kandan.

Mat. 24:24

Doen menge otaw domateng megpelingo-lingo te sikandan se Misiyas aw menge telekeliwat te kagi te Timanem. Meg-inang dan heman te menge kepelahan amon keekalan dan peden heman se menge otaw pinemallì te Timanem.

Mat. 24:5

Doen kwani medita otaw megpelingo-lingo te insogò dan te Timanem. Mikagi dan te sikandan se Misiyas, aw medita se otaw keekalan dan aw tomaking kandan.

Mar. 13:6

Doen kwani medita otaw megpelingo-lingo te insogò ko dan. Mikagi dan te sikandan se Misiyas, aw medita se otaw keekalan dan aw tomaking kandan.

Juan 21:5

Timawal si Jesus kandan, “Elew, doen neabat niyo?” Timaba dan, “Wedad palos.”

Roma 13:11

Seini se keilangan inangen tadon, so netegahan tadon te agpet den domateng se aldaw te kelowaan egpelimanan tadon. Eked kepakay aw iling kidon te otaw neketedogi, meneng keilangan megpeketagad kidon, so lomikò si Cristo te eked kenamay. Kenà iling te kedengan te kaling pegpesakop tadon diyà ki Cristo, so mig-aneng-aneng kidon te menamay pa se peglikò din.

Roma 13:12

Iling te agpet den lomaklak se kengitngit aw domateng se aldaw, so agpet den se peglikò i Cristo. Doun niyan, keilangan lomengà kidon meg-inang te medaet, aw keilangan meg-inang kidon te metòlid. Yan megpeketagad kidon iling te sondalo gayed egpeketagad.

Menge Hebreo 1:2

Meneng songkani, sebad den se ininang te Timanem, so pineokit te Batà din si Jesu Cristo se peg-ikagi din kenitadon. Pineokit heman ki Jesu Cristo se peg-inang te Timanem te keneyonan. Sikandin heman se pinemallì te Timanem amon menig-apò te kedita.

1 Pedro 1:20

Gebii te wedà pa peg-inang se Timanem te keneyonan, tapay din pinemallì si Cristo, meneng kaling sikandin insogò dini te tanà amon megpelowà kenyo.

1 Pedro 1:5

Eg-ipaten te Timanem metolos se kedita niyo simalig diyà kandin lamig te aldaw sikopen din se pegpelowà din kenitadon. Tapay din iyan impetagad, aw ipekità din iyan te modi aldaw.

1 Pedro 4:7

Agpet den se temanan te keneyonan, aw yan se doun te keilangan metinuud kaw aw tikbel kaw, amon wedad mekebelabag te pegtawal-tawal niyo diyà te Timanem.

2 Pedro 2:1

Gebii doen menge otaw migpelingo-lingo te telekeliwat dan te kagi te Timanem, aw doen heman menge otaw megtoladà songkani megpelingo-lingo te lekat te Timanem se ipegtoladà dan. Meneng kebolalaw se itoladà dan, aw yan se mekedaet te pegsalig niyo diyà te Timanem. Eked dan keibeg aw lomowan kandan se Pengolo tadon migtansò kandan, aw yan egpedetengen dan se kededàtan te eked kenamay.

2 Pedro 3:3

Seini se melangkaw te kedita ipeaneng-aneng ko kenyo. Aw agpet den se temanan te keneyonan, doen menge otaw meg-inang te pengkey eden se ibeg te pedowan dan. Mebebayat dan kenyo

1 Juan 2:22

Se otaw ontò bolelawun, yan se otaw eg-ikagi te kenà si Jesus se Misiyas. Yan se otaw eg-ato ki Cristo. Eked heman sikandin pemenal te Timanem Amay aw Batà din.

1 Juan 4:1

Menge kedowa egkedekelan ko te pedowan, ikà niyo egpemenal te kedita te otaw megtoladà kenyo singed aw onà kaw mengemahà aw lekat te Timanem se intoladà dan, so medita se otaw eglegeb-legeb dini te keneyonan aw egpelingo-lingo te telekeliwat dan te kagi te Timanem.

1 Juan 4:3

Meneng aw eked ikagi se otaw te migpekeotaw si Jesus, kenà lekat te Timanem se itoladà din, so yan se otaw lekat te eg-ato ki Cristo. Tapay tadon netegahan te domateng se eg-ato ki Cristo, aw dini den sikandin te keneyonan.

2 Juan 1:7

Medita se otaw eglegeb dini te keneyonan aw eg-akal dan te doma otaw, so kenà dan egtoladà te kebenalan tepad te pegpekeotaw i Jesu Cristo. Iling kenyan se eg-ikegiyen te otaw eg-akal aw eg-ato ki Cristo.