1 Juan 2:16 - Manobo Sarangani

¹⁶ Doen medaet ibeg te pedowan, aw doen heman kitaen te otaw aw keibegan dan, aw doen heman pegpelangkaw-langkaw dan tandà te kedònan dan, meneng se kedita niyan kenà lekat te Timanem Amay, so lekat iyan te keneyonan.

1 Juan 2:16 ပူးပေါင်းရင်းမြစ်များ

Genesis 3:6

Penga niyan, kimità se bayi te mèpiya kànen se pongo te kayo sìyan, aw mèpiya se bawa niyan, aw mig-aneng-aneng sikandin te mèpiya aw megkebiyasa sikandin. Yan se doun te inabat din se pongo niyan aw kinaen din iyan. Doen heman imbegay din diyà te esawa din, aw kinaen din heman iyan.

Genesis 6:2

doen menge sakop te Timanem kimità te mèpiya se bawa te menge bayi, aw pengkey sinu se neibegan dan, yan se pinengognan dan.

Mat. 4:8

Penga niyan, inibing i Satanas si Jesus doton te ontò melangkaw bontod, aw impekità din kandin se kedita te ogpeanan te keneyonan aw kèpiya niyan.

Mat. 5:28

Meneng mikagi a den diyà kenyo te pengkey olò tomengteng se meama diyà te bayi aw medaet se ibeg din kandin, nekelakad den sikandin diyà te pedowan din.

Luc. 4:5

Penga niyan, inibing i Satanas si Jesus doton te melangkaw bontod, aw te wedà kenamay, impekità din kandin se kedita te ogpeanan te keneyonan.

Roma 13:14

Meneng peg-iling kaw te eg-inangen te Pengolo tadon si Jesu Cristo. Ikà niyo eg-aneng-aneng tepad te pegtoman niyo te medaet ibeg te lawa niyo.

1 Korinto 10:6

Na, se kedita te neinang te kemonaan tadon, yan se gegonan tadon amon eked kidon taking te medaet ibeg te pedowan tadon iling kandan.

Galasya 5:17

Eked pegsebad se medaet ibeg niyo aw ibeg te Espiritu Santo. Yan se doun te egdowa-dowa se aneng-aneng niyo, aw yan doen belabag te ibeg niyo inangen.

Galasya 5:24

Se menge otaw migpesakop diyà ki Cristo, yan se mig-eked te pegtolò te medaet ibeg te pedowan.

Efeso 2:3

Kedengan, iling heman kenyan se kedita tadon, so gayed kidon egtaking te medaet ibeg te pedowan tadon. Pengkey eden se ibeg te lawa aw aneng-aneng tadon, yan se eg-inangen tadon. So yan se ketanem tadon, detengan kidon peden te pelumun te Timanem iling te kedita te otaw kenà egtolò kandin.

Tito 2:12

Pineokit te tabang din, netegahan tadon te keilangan lomengà kidon meg-inang te eked keibegi te Timanem. Keilangan lomengà kidon tomaking te medaet ibeg te pedowan tadon dini lanto te tanà, so keilangan megpekebatol kidon, aw metòlid se inangen tadon, aw tomaking kidon te ibeg te Timanem dalem te peg-ogpà tadon dini lanto te tanà.

Tito 3:3

so sikitadon egpemenal, wedad heman inenengen tadon kedengan, aw metugul kidon, aw wedà kidon taking te ibeg te Timanem. Neallang kidon te mededaet ibeg te pedowan tadon aw menge kelubahan medaet. Gayed kidon eg-aneng-aneng tepad te medaet inangen tadon diyà te doma otaw, aw gayed kidon eg-ingà. Nebensihan kidon te doma otaw aw nebensi kidon heman kandan.

Santiago 3:15

Kolang se kebiyasa te otaw iling kenyan, so kenà iyan lekat te Timanem, meneng lekat iyan te medaet ibeg te otaw dini te keneyonan egtaking te menge bosaw.

Santiago 4:16

Meneng medaet se eg-inangen niyo, so gayed kaw egpelangkaw-langkaw tandà te aneng-aneng niyo inangen te modi aldaw. Medaet iyan diyà te Timanem.

1 Pedro 1:14

So menge batà kaw den te Timanem, yan keilangan tomolò kaw kandin. Kedengan te wedà kaw pa ketaga-taga te kebenalan, timaking kaw te medaet ibeg te pedowan niyo. Meneng ikà niyo den egtaking kenyan.

1 Pedro 2:11

Meneng menge kedowa ko egkedekelan ko te pedowan, kenà keneyonan seini se ontò ogpeanan niyo, aw olò kaw iling te mepanaw dini lanto te tanà. Yan megpunù a den kenyo te keilangan eked kaw taking te medaet ibeg te lawa niyo, so pineokit kenyan kebàtan se pegtaking niyo te Timanem.

2 Pedro 2:10

Ontò medaet se pelumun din te kedita te otaw egtaking te medaet ibeg te lawa dan aw eked tolò te Timanem. Iling heman kenyan se menge otaw egpelingo-lingo te lekat te Timanem se ipegtoladà dan. Mebolot dan, aw kandan ibeg se egtekingan dan. Kenà dan egsagman te doen kelangkaw doton te langit, meneng egtompuyus dan kandan.

2 Pedro 2:18

Iling te medalem se ipegtoladà dan, meneng wedad kebenalan niyan. Pineokit te medaet ibeg te lawa, egboyowen dan se menge otaw kaling timanan te menge doma dan eg-inang te medaet.