1 Juan 2:14 - Manobo Sarangani

¹⁴ Menge obanen, simolat a kenyo so ibeg ko megpeaneng-aneng a kenyo te egtaking kaw den te Timanem tapay doen gebii te wedad pa keneyonan. Menge kaling otaw, simolat a kenyo so ibeg ko megpeaneng-aneng a kenyo te measeb kaw den egtaking te Timanem, aw insawol niyo se kagi te Timanem diyà te pedowan niyo, aw dimaeg kaw den ki Satanas.

1 Juan 2:14 ပူးပေါင်းရင်းမြစ်များ

1 Juan 2:13

Menge obanen, simolat a den kenyo so ibeg ko megpeaneng-aneng a kenyo te egtaking kaw den ki Cristo tapay doen gebii te wedad pa keneyonan. Menge kaling otaw, simolat a den kenyo so ibeg ko megpeaneng-aneng a kenyo te dimaeg kaw den ki Satanas. Menge batà ko te pegpemenal, simolat a kenyo so ibeg ko megpeaneng-aneng a kenyo te egtaking kaw den diyà te Timanem Amay.

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

Juan 15:7

Meneng aw meg-ogpà kaw diyà kanak, aw isawol niyo se menge kagi ko kidoen te pedowan niyo, mepakay aw memoyò kaw te keibegan niyo, aw yan se inangen ko kenyo.

Efeso 6:10

Nayan, seini se temanan te punù ko kenyo. So migpesakop kaw diyà te Pengolo tadon, peseligi se pegtaking niyo kandin pineokit te keseg ibegay din kenyo.

Juan 8:31

Minikagi si Jesus diyà te menge Judiyo nemenal kandin, “Aw ebey kaw tomolò te itoladà ko, meinang kaw ontò tinoledaan ko.

Juan 5:38

Eked niyo heman soli se kagi din kidoen te pedowan niyo, so pengkey insogò a din, eked a niyo pemenali.

Impekità 2:7

Se kedita niyo domineg te kagi ko, keilangan tomolò kaw te kagi te Espiritu Santo diyà te kedita niyo egpemenal. Se kedita te otaw eked dàgi te kededàtan, yan se pekànen ko te pongo te kayo te kaling pedowan wedad temanan intanem kidoen te langit eg-ogpaan te Timanem.’”

3 Juan 1:3

Ontò a neluba, so pegdini te menge kedowa ta, gayed a dan eg-indanan te nelobos se pedowan no diyà te Timanem, so ontò ka ekon egtaking te kebenalan.

2 Juan 1:2

Dakel se pedowan day kenyo so doen kebenalan diyà te pedowan tadon te wedad temanan.

Menge Hebreo 8:10

Minikagi heman se Timanem, “Iling kani se kaling peokit inangen ko te menge bowad-bowad i Israel te modi aldaw. Ipeaneng-aneng ko kandan se menge punù ko amon eked dan iyan kelibeli. Iling te isolat ko se menge punù ko kidoen te pedowan dan amon meibeg dan tomolò kenyan. Penga niyan, siaken se Timanem simbahen dan, aw sikandan se otaw ipaten ko.

Kolasas 1:11

Ibeg day lobosen te Timanem se pegsalig niyo diyà kandin pineokit te tolos din, amon meketayod kaw te kelimahan aw meluba heman se pedowan niyo.

2 Timoteo 2:1

Sikona Timoteo, iling ka te ontò batà ko. Pegpekagsen ka pineokit te tabang i Jesu Cristo.

Filipos 4:13

Pengkey eden se domateng kanak, meketayod a te kedita niyan so egtebangan a i Cristo.

Impekità 2:3

Netegahan ko heman te medalem pa se pedowan niyo dalem te pegtayod niyo te kelimahan, pengkey pinemilang kaw tandà te pegsalig niyo kanak. Wedà kaw heman lokas.

1 Juan 1:10

Simpana mikagi kidon te wedad palos salà ininang tadon, iling iyan te mekeikagi kidon te bolelawun se Timanem, aw wedà tadon pa ontò soli se kagi din diyà te pedowan tadon.

Juan 8:37

Netegahan ko te bowad-bowad kaw i Abraham. Meneng ibeg niyo mengimatay kanak, so wedà niyo soli se kebenalan ipegtoladà ko diyà te pedowan niyo.

1 Juan 1:1

Gebii te wedà pa inangi se keneyonan, tapay den doen si Cristo iningedanan Kagi te Timanem. Sikandin se egpemegay te kaling pedowan wedad temanan. Pegpekeotaw din dini te tanà, dinineg day se kagi din, aw ontò day heman sikandin kinità, aw pinemàdan day heman sikandin.