1 Juan 2:11 - Manobo Sarangani

¹¹ Meneng se otaw egkebensi te menge doma otaw, yan se otaw eg-ogpà pa aw eglegeb diyà te kengitngitan. Eked sikandin ketaga-taga aw kenan sikandin pesalo, so eked sikandin kità tandà te kengitngit.

1 Juan 2:11 ပူးပေါင်းရင်းမြစ်များ

Juan 12:35

Minikagi si Jesus, “Domaan kaw pa te kelowahan te eked kenamay. Yan keilangan tomaking kaw te kelowahan amon eked kaw kesàbi te kengitngit. Se otaw mipanaw te kengitngit, yan se eked ketaga-taga aw kenan pesalo.

Juan 12:40

“Yan ipelumun dan te Timanem amon eked dan kità te kebenalan. Ipekagsen heman te Timanem se olo dan amon eked dan pemenal, aw amon eked dan pengenganay diyà kandin te tabang.”

2 Korinto 3:14

Meneng wedà keleseb se aneng-aneng te menge Judiyo, so magsen se olo dan. Lamig songkani aw besahen dan se libro sinolatan tepad te tapay peokit ininang te Timanem, nebelebagan se aneng-aneng dan so eked dan pa pekelabet. Eked keabat se nekebelabag te aneng-aneng dan singed aw memenal dan ki Jesu Cristo.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

Tito 3:3

so sikitadon egpemenal, wedad heman inenengen tadon kedengan, aw metugul kidon, aw wedà kidon taking te ibeg te Timanem. Neallang kidon te mededaet ibeg te pedowan tadon aw menge kelubahan medaet. Gayed kidon eg-aneng-aneng tepad te medaet inangen tadon diyà te doma otaw, aw gayed kidon eg-ingà. Nebensihan kidon te doma otaw aw nebensi kidon heman kandan.

2 Pedro 1:9

Aw doen otaw nemenal ki Cristo meneng kenà iling kenyan se eg-inangen din, iling sikandin te bota so kenà egpengità te kebenalan. Nelibelan din te lininisan sikandin te Timanem lekat te salà.

1 Juan 1:6

Aw mikagi kidon te migpesigelakay kidon te Timanem, meneng egtaking kidon pa te kengitngitan aw eg-inang kidon te medaet, yan bolelawun kidon so kenà kidon egtaking te kebenalan.

1 Juan 2:10

Meneng se otaw doen dakel pedowan din diyà te menge doma otaw, yan se otaw eg-ogpà diyà te kelowahan, aw wedad mekepedogsò kandin.

1 Juan 2:9

Se otaw eg-ikagi te eg-ogpà sikandin diyà te kelowahan, meneng egkebensi te menge doma otaw, yan se otaw gayed pa eg-ogpà diyà te kengitngitan.

1 Juan 3:15

so aw medaet se pedowan te otaw te doma, iling sikandin te nengimatay. Netegahan tadon den te wedad kaling pedowan wedad temanan diyà te otaw mengimatay te doma otaw.

1 Juan 4:20

Aw mikagi se otaw te dakel se pedowan din te Timanem, meneng wedad kedakel te pedowan din te menge doma otaw, yan se bolelawun, so aw wedad kedakel te pedowan te otaw te menge doma din egkitaen, yan labi pa wedad kedakel te pedowan din te Timanem kenà din egkitaen.

Impekità 3:17

so egduyun kaw te kenyo pegkeotawun te meyeyaman kaw, aw wedad den kolang te kedònan niyo. Meneng wedà niyo ketegahi te sikiyo se ontò nelimahan. Wedà niyo ketegahi te iling kaw te otaw sagkep, aw bota, aw wedad penenaktun.