1 Juan 2:1 - Manobo Sarangani

¹ Menge batà ko te pegpemenal, seini se insolat ko kenyo amon eked kaw peg-inang te salà. Meneng aw doen otaw mekesalà, doen telekagon tadon kidoen te Timanem Amay, aw yan si Jesu Cristo wedad palos salà.

1 Juan 2:1 ပူးပေါင်းရင်းမြစ်များ

Luc. 10:22

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.”

Juan 13:33

“Menge batà ko, eked den kenamay se pegdoma ko kenyo. Penga niyan, pengkey pemehaen a niyo, meneng onawa se kagi ko kenyo te inikagi ko kedengan diyà te menge obanen te Judiyo, te eked kaw pa pekedoton te dotonan ko.

Juan 14:16

Memoyò a diyà te Amay ko amon memegay kenyo te Teletabang somelilin kanak, aw meg-ogpà sikandin kidoen kenyo te wedad temanan.

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Juan 21:5

Timawal si Jesus kandan, “Elew, doen neabat niyo?” Timaba dan, “Wedad palos.”

Juan 5:14

Penga niyan te wedà kenamay, nengemahà si Jesus kandin kidoen te dakel simbahan te Judiyo. Pegkità din kandin, minikagi si Jesus, “Na, negolian ka den. Lengà ka den te peg-inang no te salà amon eked ka detengi te labi pa medaet.”

Juan 5:36

Meneng doen pa meg-indan te benal labi pa keseligan diyà ki Juan, so lekat te Amay ko se kedita te kepelahan eg-inangen ko, aw yan se egpetaga-taga te ontò a insogò te Amay ko.

Juan 6:27

Ikà niyo egpengemahà te kànen megkewedad te eked kenamay. Meneng pengemahà kaw te kànen eked pegkewedad aw mekebegay te pedowan wedad temanan. Yan se ibegay ko kenyo, so siaken se Timanem Migpekeotaw, aw impetaga-taga te Amay ko Timanem te siak se insogò din.”

Juan 8:11

Timaba se bayi, “Wedad, Sir.” Minikagi si Jesus, “Eked a heman pegpelumun kamno. Olì ka den, aw ikà todà egpekesalà.”]

Ininang 7:52

Pinemilang te kemonaan tadon se kedita te telekeliwat te kagi te Timanem, so inimetayan dan se otaw mig-indan kandan te domateng se isogò te Timanem wedad salà din. Pegdateng din, migtolok aw nemonò kaw kandin.

Roma 5:10

Pengkey poon kidon te Timanem, meneng pineokit te pegkematay te Batà din, migsebad kidon den kandin. So migsebad kidon den kandin, yan netegahan tadon den heman te ontò kidon ipelowà lekat te pelumun pineokit te pegkeantay i Cristo lekat te nematay.

Roma 6:15

Nayan, pengkey eneng-enengen te Timanem te metòlid kidon kenà pineokit te pegtolò tadon te menge punù ingkeliwat i Moises meneng pineokit te keido din, ikà niyo eg-aneng-aneng te mepakay aw meg-inang kidon te salà. Ikà niyo eg-aneng-aneng iling kenyan.

Roma 8:34

Wedad palos heman mekeikagi te keilangan ipelumun kidon. Nematay si Jesu Cristo simelilin kenitadon. Meneng neantay heman sikandin lekat te nematay, aw eglowan den sikandin doma te Timanem Amay din doton te langit, aw egpemoyò den sikandin diyà te Timanem Amay din te itabang din kenitadon.

1 Korinto 15:34

Peketòlid kaw. Lengai niyo den se peg-inang niyo te salà. Simolat a kani kenyo amon meyàyà kaw, so medita pa se otaw kidoen kenyo eg-inang te salà, aw wedà ketaga-taga te kebenalan tepad te inang te Timanem.

2 Korinto 5:21

Pengkey wedad salà i Cristo, meneng impelumun sikandin te Timanem tandà te salà tadon, amon eneng-enengen te Timanem te metòlid kidon pineokit te pegpesakop tadon diyà ki Cristo.

Galasya 4:19

Menge batà ko te pegpemenal, ontò a netetana kenyo, so ontò ko ibeg tiboken niyo se pegtaking ki Cristo.

Efeso 2:18

Pineokit ki Cristo, mekepedapag kidon den diyà te Timanem Amay tadon, so eg-ogpaan den te Espiritu Santo se kedita tadon, pengkey Judiyo aw otaw kenà Judiyo.

Efeso 4:26

Aw doen ikeopal niyo, ikà niyo eg-inang te medaet. Pegwedadi niyo se keopal te eked pa sallep se aldaw,

1 Timoteo 2:5

Olò sebad se Timanem, aw olò heman sebad se Telekagon diyà te tengà-tengà te Timanem aw otaw, aw yan si Jesu Cristo.

1 Timoteo 3:14

Pegsolat ko kani kamno, doen ibeg ko lomaoy a doton kamno te eked kenamay.

Menge Hebreo 9:24

Yan penga te pegkematay i Jesus, kenà simbahan ininang te menge Judiyo se inopan din, so olò iyan impeiling te benal simbahan doton te langit. Meneng dimoton sikandin te langit, aw egkagon den sikandin kenitadon doton te Timanem.

Santiago 1:27

Meneng se otaw ontò egtaking te Timanem Amay, yan se otaw egpenabang te menge doma otaw nelimahan, pengkey menilo aw bayi balo. Kenà heman eg-iling te medaet ketanem te otaw dini te keneyonan.

Santiago 3:9

Pineokit te dilà tadon, mekeduyun kidon te Timanem Amay. Meneng pineokit heman te dilà tadon, meketindaet kidon te doma otaw, pengkey ininang te Timanem iling kandin.

1 Pedro 2:22

Wedad palos salà ininang din. Wedà sikandin palos pegkebolalaw.

1 Pedro 3:18

so nematay heman si Cristo amon megpelowà kenitadon lekat te salà. Mekesebad sikandin kematay so botong se pegkematay din. Pengkey wedad salà din, meneng simelilin sikandin kenitadon pengkey doen salà tadon amon megkità kidon aw Timanem. Pengkey nematay se lawa din, meneng neantay sikandin.

1 Juan 3:18

Menge batà ko te pegpemenal, wedad ontong aw olò kidon mikagi te dakel se pedowan tadon te doma otaw meneng wedad ketomanan niyan. Keilangan ipekità tadon te benal dakel se pedowan tadon te doma otaw pineokit te tabang tadon kandan.

1 Juan 3:5

Netegahan niyo den te migpekeotaw si Jesu Cristo amon pegwedaden te Timanem se menge salà te otaw. Wedad palos salà i Jesu Cristo,

1 Juan 3:7

Menge batà ko te pegpemenal, keilangan eked kaw keekali te doma otaw, so metòlid olò se otaw aw metòlid se eg-inangen din iling ki Jesu Cristo.

1 Juan 4:4

Menge batà ko te pegpemenal, diyà kaw den te Timanem aw yan domaeg kaw te kedita dan egkeliwat te kagi kenà lekat te Timanem, so doen eg-ogpà diyà te pedowan niyo labi pa melangkaw diyà ki Satanas pengolo te medaet otaw dini te keneyonan.

1 Juan 5:17

Se kedita te eg-inangen tadon medaet, yan se salà, meneng doen salà kenà egdateng te kemetayun wedad temanan.

1 Juan 5:21

Menge batà ko te pegpemenal, ikà niyo egtaking te kenà benal timanem.

3 Juan 1:4

Ontò a egkeluba aw egdinegen ko te egtaking te kebenalan se menge batà ko te pegpemenal.