1 Juan 1:9 - Manobo Sarangani

⁹ Meneng aw mikagi kidon te benal doen salà tadon, yan pegwedaden te Timanem se salà tadon, aw onawan kidon din lekat te medaet ininang tadon, so egkeseligan sikandin aw metòlid heman se eg-inangen din.

1 Juan 1:9 ပူးပေါင်းရင်းမြစ်များ

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.

Menge Hebreo 10:23

Keilangan megpekagsen kidon se egpeliman diyà te pakang te Timanem pinemenalan tadon, so egkeseligan sikandin aw tomanen din se kedita te impakang din.

1 Timoteo 1:15

Benal se eg-ikegiyen seini, aw keilangan ontò tadon pemenalen. Dimini si Jesu Cristo te keneyonan amon megpelowà te otaw lekat te salà sipat siak ontò medaet diyà te kedita te otaw nekesalà.

1 Korinto 1:9

Egkeseligan se Timanem aw tinawal kaw din amon megsebad se pedowan niyo diyà te Batà din si Jesu Cristo Pengolo tadon.

Ininang 19:18

Migselsel heman se menge otaw kaling nemenal. Wedà dan boloni se medaet ininang dan.

Mar. 1:5

Medita se otaw lekat te menge lonsod sakop te probinsya te Judiya aw lekat te Jerusalem dimoton amon menenalan kandin. Migselsel dan te menge salà ininang dan, aw binonyagan din dan doton te wayeg te Jordan.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

1 Korinto 6:11

Doen otaw kidoen kenyo iling kenyan se eg-inangen dan kedengan, meneng songkani binonyagan kaw den, aw ininang kaw te Timanem otaw egpenimanem, aw eg-eneng-enengen te Timanem te metòlid kaw pineokit te ngadan te Pengolo tadon si Jesu Cristo, aw pineokit te Espiritu Santo.

Menge Hebreo 6:10

Ontò metòlid se peg-okom te Timanem, aw yan eked din kelibeli se mèpiya ininang niyo tandà te kedakel te pedowan niyo kandin, so migtabang kaw te menge doma sakop te Timanem, aw yan heman se eg-inangen niyo lamig songkani.

Impekità 15:3

Migdelangan dan te delangan i Moises timolò te Timanem gebii, aw delangan te Karniro, kagi dan, “E Timanem, Pengolo day, Eglowan ka diyà te kedita te otaw. Ontò mèpiya se kedita te inang nikaw. Sikona se selotan diyà te kedita te lonsod. Metòlid aw neketotok se kedita te eg-inangen nikaw.

Menge Hebreo 11:11

Se esawa i Abraham si Sara simalig heman diyà te Timanem. Pengkey lokes den sikandin, meneng miglaman, so nemenal sikandin te egkeseligan se Timanem tomoman te impakang din.

Mat. 3:6

Migselsel dan te menge salà ininang dan, aw binonyagan din dan doton te wayeg te Jordan.

Efeso 5:26

Yan se ininang din amon inangen kidon din ontò egpenimanem. Yan se ininang din, so lininisan kidon den i Cristo pineokit te pegpebonyag tadon diyà te wayeg pineokit te kagi te Timanem.

Roma 3:26

Meneng songkani wedad salà eked din pelumuni amon ipetaga-taga din kenitadon te metòlid sikandin, aw eneng-enengen din te metòlid se teg sebad-sebad otaw egpemenal ki Jesus.

Juan 17:25

E Amà, metòlid se kedita te eg-inangen nikaw. Se otaw egtaking te medaet dini te keneyonan, wedà dan ketegahi aw sinu ka, meneng netaga-taga a kamno, aw netegahan heman te menge sakop ta seini te insogò a nikaw.

Luc. 22:57

Meneng migbolon si Pedro, aw minikagi sikandin, “Tay law, atà. Wedà ko sikandin kilelai.”