1 Juan 1:8 - Manobo Sarangani

⁸ Aw mikagi kidon te wedad den palos salà tadon, neekalan kidon aw wedad heman kebenalan diyà kenitadon.

1 Juan 1:8 ပူးပေါင်းရင်းမြစ်များ

Juan 8:44

Si Satanas se ontò amay niyo, aw se ibeg din medaet, yan heman se ibeg niyo inangen. Lekat te ketebò te keneyonan, egpengimatay sikandin. Wedad palos labut din te kebenalan, so wedad kebenalan diyà kandin. Aw megkebolalaw sikandin, yan se ketanem te pedowan din, so bolelawun sikandin, aw sikandin se eglekatan te kedita te kebolalaw.

Roma 3:10

Doen kagi te Timanem insolat, “Wedad palos otaw ontò metòlid, pengkey sebad.

Roma 3:23

Nekesalà se kedita te otaw. Wedad palos otaw mekeapet te ketòlid te Timanem.

1 Korinto 3:18

Peg-ahà kaw amon wedad keekalan kenyo. Aw doen otaw kidoen kenyo eg-ikagi te doen den kebiyasa din dini te keneyonan, keilangan tenanan din se kebiyasa din sìyan amon kinewaen din se ontò kebiyasa ibegay te Timanem,

Galasya 6:3

Aw aneng-aneng te otaw eked sikandin keboyo te medaet, yan se lekatan te kedegdagan din pesalo te kededàtan, so neekalan sikandin.

1 Timoteo 6:5

Gayed dan egpedindilay so migkedaet se aneng-aneng dan, aw simoway dan lekat te kebenalan. Eg-aneng-aneng dan te megkeyaman dan pineokit te pegpesakop dan diyà te Timanem.

2 Timoteo 3:13

Meneng se menge otaw eg-inang te medaet aw egpelingo-lingo te egpemenal dan, yan se otaw gayed meg-inang te labi pa medaet. Meg-akal dan te doma otaw, aw ekalan dan heman te doma otaw.

Santiago 1:22

Keilangan tomolò kaw te kagi te Timanem. Eked kepakay aw olò niyo penenelanen, aw penga niyan eked niyo iyan soli diyà te aneng-aneng. Aw doen otaw egpenenalan olò meneng kenà egtolò, eden din aw doen ontong din. Iling sikandin te otaw tomengteng te bawa din diyà te ispiho,

Santiago 1:26

Aw eg-aneng-aneng se otaw te egtaking sikandin te Timanem, meneng kenà din eg-imendayan se eg-ikegiyen din, wedad ontong din, so eden din aw timaking sikandin te Timanem.

Santiago 3:2

Melikit se kedita tadon eg-inang te medaet aw eg-ikagi te medaet. Meneng aw wedad palos medaet ikegiyen te otaw, biyasa sikandin egpengibing te kandin pegkeotawun, aw eked peg-inang te salà.

2 Pedro 2:13

Medaet se detengan dan so medaet se ininang dan. Pengkey aldaw, wedad yàyà dan egtaking te medaet ibeg te pedowan dan. Yan egsilahen kaw te menge doma otaw, so aw komaen kaw, makop se menge menenoladà sìyan diyà kenyo. Meneng kenà mèpiya se tod dan, so ibeg dan meg-akal kenyo.

1 Juan 1:10

Simpana mikagi kidon te wedad palos salà ininang tadon, iling iyan te mekeikagi kidon te bolelawun se Timanem, aw wedà tadon pa ontò soli se kagi din diyà te pedowan tadon.

1 Juan 1:6

Aw mikagi kidon te migpesigelakay kidon te Timanem, meneng egtaking kidon pa te kengitngitan aw eg-inang kidon te medaet, yan bolelawun kidon so kenà kidon egtaking te kebenalan.

1 Juan 2:4

Aw doen otaw eg-ikagi te egtaking sikandin te Timanem, meneng kenà egtolò te punù te Timanem, yan se otaw bolelawun aw wedad heman kebenalan diyà kandin.

1 Juan 4:20

Aw mikagi se otaw te dakel se pedowan din te Timanem, meneng wedad kedakel te pedowan din te menge doma otaw, yan se bolelawun, so aw wedad kedakel te pedowan te otaw te menge doma din egkitaen, yan labi pa wedad kedakel te pedowan din te Timanem kenà din egkitaen.

2 Juan 1:2

Dakel se pedowan day kenyo so doen kebenalan diyà te pedowan tadon te wedad temanan.

3 Juan 1:3

Ontò a neluba, so pegdini te menge kedowa ta, gayed a dan eg-indanan te nelobos se pedowan no diyà te Timanem, so ontò ka ekon egtaking te kebenalan.